Mwigiriza 1:11 - Kifuliiru

¹¹ Abandu booshi, kundu bâli tuuziri ho yaho keera, si batakiri mu kengeerwa. Kiri naꞌmagambo ágâye ki yije, nago ha nyuma, ndaaye úwâye ki gakengeere.

Mwigiriza 1:11 ပူးပေါင်းရင်းမြစ်များ

Zaburi 9:6

Ibinyamahanga, si balyagagi banangora-mabi! Keera ukabakanukira, wanabashereeza, halinde amaziina gaabo gatanaki detwa.

Mwigiriza 1:10

Kundu bagweti bagaadeta: «Langiizi! Yiri igambo, lyo likola lihyahya.» Si lyo na lyeryo, íryâli tuula ho. Lyâli yamiri ho, kiri neꞌkyanya tutâli zaazi butwa.

Mwigiriza 2:16

Si umwitegeereza, noꞌmuhwija, ndaaye úgabakengeera. Mu siku ízigayija, yabo bombi bâye be bayibagiirwi. Nga kwoꞌmuhwija agaafwa, kwo noꞌmwitegeereza naye agaafwa.

Mwigiriza 8:10

Na kandi, nanabona ngiisi kwo bagweti bagaziika abandu babi ku lushaagwa. Ee! Yabo babi, bâli komiiri ukukizi yihandalika mu nyumba ya Rurema. Na kundu bâli kizi girira amabi gaabo mu kaaya, si haaho ho banâli gweti bagakizi huuzibwa. Aaho! Yibyo nabyo, si biryagagi bya busha-busha ngana.

Mwigiriza 9:5

Ikyanya abandu bakiri ho, bayiji kwo bagaafwa. Haliko ábakoli fwiri boohe, ndaabyo baki yiji. Batanganaki hembwa. Si bali mu yibagirwa ngana-ngana!

Hisaaya 42:9

Lolagi! Ngiisi byo nꞌgagwanwa nadeta, keera byakoleka. Na buno, ngola mu menyeesa ibihyahya. Ee! Ngola mu mùganuulira byo, bítazi koleka.»