Mikolezi 8:33 - Kifuliiru

³³ Akagayirizibwa mu kunyagwa ukuli kwage. Ndaanaye mundu úwangaganuula imyazi yeꞌkibusi kyage, mukuba uburambe bwage bukagitulwa hano mu kihugo.»

Mikolezi 8:33 ပူးပေါင်းရင်းမြစ်များ

Hayubu 27:2

«Ngiisi íbingwaniini, Rurema woꞌbushobozi bwoshi, ye kabinjaagiza, ye na tumiri umutima gwani gukola mwoꞌbululu. Aahago! Nga kwo Rurema alyagagi ho,

Hayubu 34:5

«Si Hayubu akadeta mbu: “Niehe Hayubu, ndagweti buhube. Kundu kwokwo, Rurema atali mu ndwira ulubaaja mu kati koꞌkuli.

Zaburi 22:15

Ngolaga nga miiji ágafukwa haashi. Iningo zaani, zitaki gwetiini. Kiri noꞌmutima, gukoli jongolosiri nga bulembo.

Zaburi 22:30

Abagale booshi ba mu kihugo, bagabwatala, banalye, babuli múyikumba. Booshi, kwo balyagagi ba kufwa, bagamúfukamira. Ee ma! Batashobwiri ukuyiyushuulira ku bulamu bwabo.

Hisaaya 10:2

Bali mu kizi yima abakeni íbibakwaniini. Yabo bandu, kundu bali beꞌmwani, si bakiri mu balyalyania. Bali mu hanguula abandu kwo bakizi nyaga ibindu bya banamufwiri, neꞌfuuvi.

Hisaaya 5:23

Si abanamahube bali mu kizi balekeerera, gira lyo balonga ikitulire. Kiri na ábakwaniini, bakola mu bayima ukuli kwabo.

Hisaaya 53:10

Nahano ye kashungika kwo amúfute-fute, anakizi múlibuza, halinde anamúyitiisa hiꞌgulu lyeꞌbyaha biitu. Kundu kwokwo, ulya úkayitwa, ali mukozi wa Rurema, aganaki lama, halinde anabone abandu beꞌbibusi byage. Ngiisi byo Nahano âli mali gwanwa amúshungikira, byo na byebyo uyo mukozi agaagira.

Hisaaya 53:12

Uyo mukozi akaharuurirwa kuguma naꞌbanyazi, anayitanga ayitwe, gira lyo abetula ibyaha byaꞌbandu bingi. Ee! Yabo booshi, anabahuunira kwo babikogwe. Kyo kitumiri ngamúgingika nga musirikaani úwahima mwiꞌzibo, analonge iminyago kuguma naꞌbakulu.»

Hisaaya 53:7

Uyo mukozi akabonerwa, anakizi libuzibwa. Kundu kwokwo, ndaabyo akadeta. Anasholerwa nga kibuzi íkigagendi tongeerwa. Kundu kwokwo, anahulika naaho nga kweꞌkyanabuzi kiri mu hulika, ku kyanya kiri mu kemwa ubwoya. Akanwa kaage kanakizi beera kabumbe.

Hisaaya 53:8

Bakamúbirigisha, banamútwira ulubaaja. Neꞌri hakazinda, banamúyita. Uyo mukozi, ndaanaye mundu weꞌkibusi kyage úkamúhahala, akanayitwa hiꞌgulu lyeꞌbyaha byaꞌbandu baani.

Danyeri 9:26

«“Ha nyuma lyeꞌyo myaka magana gana na makumi gashatu niꞌna, ulya úkashiigwa amavuta agayitwa. Binaboneke kwo ndaabyo akagira. Ee! Umukulu agayija, anayiji shereeza akaaya kuguma naꞌHandu Heeru bweneene. Neꞌkyanya kyeꞌmberuuka, kigayija duba-duba nga mwijulire. Hanakizi kungula amazibo noꞌbushereeze, nga kwo Rurema akabishungika.

Habakuki 1:4

Imaaja zitakiri mu simbahwa, zitanakiri mu twibwa ku njira íkwaniini. Halikago, abandu bakola mu zishobania, kyo kitumiri banangora-mabi naaho bo bakola mu sinda.

Zakariya 13:7

Nahano woꞌbushobozi bwoshi, adeta kwokuno: «E ngooti, uvyukage, gira uteere uwitu. Ee ma! Uyitage umungere, halinde ibibuzi biyami shaabuka. Kiri na naani, ngateera ibyanabuzi.»

Mikolezi 8:34

Uyo mukulu, anabwira Firipo: «E waliha, nakuyinginga umbwire. Yago magambo goꞌbuleevi, galyagagi hiꞌgulu lya nyandi? Ka hiꞌgulu lyage yenyene, kandi iri hiꞌgulu lyoꞌgundi?»