Mikolezi 5:29 - Kifuliiru

²⁹ Peturu neꞌzaabo ndumwa, zanashuvya, ti: «Bitukwiriiri tukizi simbaha Rurema, ho twangakizi simbaha abandu!

Mikolezi 5:29 ပူးပေါင်းရင်းမြစ်များ

Ndondeko 3:17

Ha nyuma, Rurema anabwira Hadamu: «Nꞌgakulahiza kwo utalye ku yiki kiti. Kundu kwokwo, wasimbaha mukaawe, wanalya ku bitumbwe byakyo. Ku yukwo, idaho likoli daasirwi hiꞌgulu lyawe. Kwokwo, isiku zaawe zooshi ukola ugakizi yitubanula kwiꞌdaho, halinde ulonge ibyokulya.

2 Samweri 24:4

Kundu Yohabu akalooza ukulahira, kuguma naꞌbaabo bakulu baꞌbasirikaani, haliko mwami âli mali gwanwa akyula, ndaanakwo kundi. Kwokwo, uyo Yohabu naꞌbaabo, banayimuka, banagendi haruura Abahisiraheeri.

2 Baami 16:16

Mwami Ahaazi, ikyanya akategeka kwokwo, Huriya anabikulikira lwoshi.

Kulyoka 1:17

Kundu mwami akadeta kwokwo, haliko balya bahumbwa bâli simbahiri Rurema, batanamútwaza. Kiri naꞌbaana batabana, banakizi baleka.

Yeremiya 26:12

Yabo batwali, kuguma naꞌbandi booshi, Yeremiya anababwira kwokuno: «Yubwo buleevi bwoshi, Nahano yenyene ye kanduma, kwo nimùmenyeese bwo. Yago gooshi go mwayuvwa, Nahano yenyene ye kaganduma.

Danyeri 6:13

Haaho-haaho, banayami tibitira imunda mwami, banamúkengeeza hiꞌgulu lya lulya lubaaja lwage, ti: «E mwami, ka utakabiika ulubaaja kwo ku siku makumi gashatu, hatagire mundu úgahuuna íbiri mu yikumbwa, kandi iri ahuuna imwoꞌmundu yeshi, ítali imwawe naaho? Na ngiisi útagalusimbaha, analashwe mu kishimo kyeꞌndare?» Mwami, ti: «Ee! Biri kwokwo, ukukulikirana noꞌlubaaja lwaꞌBameedi naꞌBaperisiya. Kwokwo, lutangaki hindulwa.»

Mikolezi 4:19

Peturu na Yohana, banabashuvya: «Mwenyene, mutwe uluhango, iri bikwaniini imbere lya Rurema kwo mube mwe tugakizi simbaha, ho twangakizi simbaha Rurema yenyene.

1 Samweri 15:24

Sahuli anadeta kwokuno: «E waliha, nayemeera kwo nagira ikyaha. Ngiisi byo Nahano ambwira, ndabitwaza. Kiri naꞌmagambo gaawe, ndagasimbaha. Yaba bandu, nabayoboha, nanakulikira ngiisi byo bambwira.