Mikolezi 4:26 - Kifuliiru

²⁶ Abaami beꞌkihugo, kuguma naꞌbatwali baabo, keera bayibiika kuguma, banakoli yiteganwiri, gira balahire Nahano, balahire na Masiya wage ye akatoola.”

Mikolezi 4:26 ပူးပေါင်းရင်းမြစ်များ

Zaburi 2:1

Kituma kiki ibinyamahanga bigweti bigaraakara? Kundu biyamiri biri mu gira igambi libi, haliko liri lya busha.

Zaburi 2:2

Abaami beꞌkihugo kuguma naꞌbatwali baabo, keera bayibiika kuguma, banakoli yiteganwiri, gira balahire Nahano, balahire na Masiya wage ye akatoola.

Hisaaya 7:7

«Kundu kwokwo, Nahano Rurema adetaga kwokuno: “Aahabi! Yiryo igambi lyabo, litâye koleke, kiri neꞌhiniini!

Danyeri 9:24

«“E Danyeri! Rurema keera akabiika imyaka magana gana na makumi galimwenda. Iyo myaka igaaba ya kumala amahube. Kwokwo, mutwikirage ku byaha, gira amabi giinyu gakogwe, munakizi gira íbikwaniini. Kwokwo, lyo byoshi íbiri mu galya mabone bikoleka. Kiri neꞌKisiika Kyeru Bweneene, kinalonge ukushiigwa amavuta mu kuyeruusibwa.

Luka 4:18

«Umutima gwa Nahano, gundi mwo! Keera akandoola kwo ngizi menyeesa abakeni Imyazi Miija. Akanduma neꞌmwaꞌbashweke, mbamenyeese kwo bagashwekuulwa. Akananduma neꞌmbumi, nzimenyeese kwo zigahumuulwa. Na ábakandamiirwi kwakundi, mbaguluule.

Mikolezi 10:38

Uyo Yesu weꞌNazareeti, Rurema akamútaluula, anamúbiika mwoꞌMutima Mweru, noꞌbushobozi. Na bwo Rurema bayamiinwi, kyanatuma agakizi genda ali mu gira amiija mu bandu. Na ngiisi ábâli gandamiirwi noꞌbushobozi bwa Shetaani, anakizi bakiza.

Baheburaniya 1:9

Ukuuziri íbikwaniini. Haliko amabi goohe, ugashombiri. Kyo kikatuma Rurema wawe akakukuza ube hiꞌgulu lyaꞌbiinyu. Anakushiiga amavuta mu kati koꞌbushambaale.»

Bwigule 11:15

Umuganda wa kalinda anadihiriza ikibuga kyage. Lyeryo, mwiꞌgulu mwanayuvwikana amazu mahamu, ganadetaga: «Ubwami bwa kino kihugo, Nahano ye kola mwene bwo, bo noꞌlya Kirisito wage. Aganayama atwaziri imyaka neꞌmyakuula!»

Bwigule 12:10

nanayuvwa mwiꞌgulu mwayiberekaania izu. Lyanadeta: «Buno, Rurema akolaga mu tukiza! Noꞌbwami bwage, keera bwayija mu kati koꞌbushobozi bwage. Kirisito wage, ye koli twaziri. Mukuba, ulya úwâli gweti úgaalega beene witu imbere lya Rurema úbwakya-úbwayira keera avugumulwa haashi.

Bwigule 17:17

Mukuba, yabo baami ikumi, Rurema ye kabagira babe naꞌkalimbi kaguma, gira bakaheereze yikyo kirara ubushobozi bwabo bwoꞌkutwala, halinde ngiisi byo âli mali gwanwa ashungika, bikakoleke.