Mikolezi 18:19 - Kifuliiru

¹⁹ Iri bakahika i Hefeso, Pahulu anasigaana na Pirisila na Hakila. Yenyene, anagendi yingira mu nyumba yeꞌmihumaanano yaꞌBayahudi, anabasobanulira mweꞌMyazi Miija.

Mikolezi 18:19 ပူးပေါင်းရင်းမြစ်များ

Mikolezi 18:20

Yabo Bayahudi, banahuuna Pahulu kwo ayushuule ku siku zo ashuba agabeera imwabo. Haliko atanayemeera.

Mikolezi 18:21

Kundu kwokwo, ikyanya akabaseezera, anababwira: «Ngaki shubi galukira hano, iri Rurema angalooza.» Anabuli lyoka yaho naꞌmashuba.

Mikolezi 18:24

Ku kyekyo kyanya mu kaaya keꞌHefeso, mwanahika Umuyahudi muguma, iziina lyage Hapoolo, mubutirwa wa mu kaaya keꞌHalegizanderiya. Uyo Hapoolo, âli koli somiri bweneene, anâli yiji Amandiko Meeru.

Mikolezi 18:4

Ku ngiisi lusiku lweꞌSabaato, Pahulu anakizi yingira mu nyumba yeꞌmihumaanano yaꞌBayahudi. Anakizi sobaanura mweꞌMyazi Miija ya Yesu mu Bayahudi, kuguma naꞌbandu beꞌgindi milala, gira nabo bamúyemeere.

Mikolezi 19:1

Ku kyanya Hapoolo âli ki riiri i Korindo, Pahulu naye anakizi lenga mu twaya twa mu migazi, abuli manukira mu keꞌHefeso. Neꞌkyanya akaba yaho, anahumaanana mwaꞌbigirizibwa baguma ba Yesu,

Mikolezi 19:17

Yibyo íbikakoleka, byanalumbuuka mu Bayahudi beꞌHefeso, kiri na mu bandu beꞌgindi milala kwakundi. Yabo booshi, banagwatwa neꞌkyoba. Niꞌziina lya Nahano Yesu, lyanakizi huuzibwa.

Mikolezi 19:26

Haliko buno, keera mwayuvwa, keera mwanabona ngiisi kwo Pahulu agweti agatirika abandu bingi ba hano i Hefeso, kuguma naꞌbandu ba mu mbande zooshi za mu poroveesi yeꞌHaziya. Agweti agababwira kweꞌmigisi itakwiriiri ukuyikumbwa, mbu bwo iri mu girwa naaho naꞌmaboko gaꞌbandu.

Mikolezi 19:28

Yago magambo ga Demeteryo, mbu abaabo banaluganda bagayuvwe, banayami tondeera ukuyamiza, ti: «Haritemi waꞌBahefeso, ye mukulu!»

Mikolezi 19:35

Iri hakazindaga, umwandisi mukulu waꞌkaaya anayihangaana, halinde anabahoohya. Anababwira: «E bashosi beꞌHefeso! Mu mahanga gooshi, nyandi útayiji kwo kano kaaya ko kali mu langa uluheero lwoꞌmuzimu mukulu Haritemi? Kanali mwoꞌmugisi gwage, gulya úgukahona mwiꞌgulu.

Mikolezi 20:16

Mukuba, Pahulu âli shungisiri kwo atagalenga i Hefeso, gira atayiji kengeera atinda mu poroveesi yeꞌHaziya. Mukuba, âli kola neꞌngungu yoꞌkugwanwa ahika i Yerusaleemu, ulusiku lweꞌPendekosite lútazi hika, iri byangaziga.

Mikolezi 20:17

Neꞌkyanya Pahulu akaba akola i Mireto, anatumira abashaaja biꞌshengero lyeꞌHefeso.

Mikolezi 21:29

Na íbikatuma bakadeta kwokwo, bwo bâli mali gwanwa babona Pahulu i Yerusaleemu, ali kuguma na Torofimo, umundu weꞌHefeso. Banatona kwo keera ayingiza Torofimo ha nyumba ya Rurema.

1 Bakorindo 15:32

Kiri neꞌkyanya nꞌgalwa na zirya nyamiishwa ndangi mu kaaya keꞌHefeso, bikagi byo nangaki yungusiri, íngilwe nazo hiꞌgulu lyeꞌbya hano mu kihugo naaho? Nga kwangabiiri kwo abafwiri batagazuuka, «Tukizi lya, iri tunanywa! Si kusheezi tugaafwa!»

1 Bakorindo 16:8

Ngiri hano mu kaaya keꞌHefeso, halinde ukuhisa ku lusiku lweꞌPendekosite.

Bahefeso 1:1

Niehe Pahulu, nie ndumwa ya Yesu Kirisito, nga kwo Rurema âli loziizi. Nie ngweti ngamùyandikira, mwe bandu ba Rurema ba mu kaaya keꞌHefeso, mwe muli bemeera mu kati ka Yesu Kirisito.

1 Timoteyo 1:3

Ndoziizi kwo ubeere yeyo munda mu kaaya keꞌHefeso, nga kwo nꞌgakuhanuula ku kyanya nꞌgagenda i Makedoniya. Unabwire abandu balebe beꞌyo munda kwo batwikire ku migirizo gaabo geꞌbibeesha.

2 Timoteyo 1:18

Uyiji bwija na ngiisi kwo âli kizi ndabaala na mu kaaya keꞌHefeso kwakundi. Ee! Ikyanya Nahano agagaluka, amúkejeerere!

2 Timoteyo 4:12

Tukiko, keera nꞌgamútuma mu kaaya keꞌHefeso.

Bwigule 1:11

Yiryo izu, lyanambwira: «Ngiisi byo ugaabona, ubiyandike mu kitaabo! Unakitume mu yaga mashengero galinda: ishengero lyeꞌHefeso, neꞌryeꞌSimirina, neꞌryeꞌPerigaamo, neꞌryeꞌTyatira, neꞌryeꞌSaridi, neꞌryeꞌFiladerifiya, neꞌryeꞌLahodikiya.»

Bwigule 2:1

«Imwoꞌmuganda wiꞌshengero lya mu kaaya keꞌHefeso, uyandikage kwokuno: «Yaga magambo, galyosiri imwoꞌlya úfumbiiti zirya ndonde zirinda mu kuboko kweꞌlulyo. Anagweti agalenga-lenga mu galya matara galinda ágakatulwa mu nooro: