Mikolezi 14:15 - Kifuliiru

¹⁵ «E bashosi, lekagi maashi, mwe kongwa mwe! Si na nyiitu tuli bandu nga mwe! Tunali mu mùmenyeesa Imyazi Miija, gira mutwikire ku magambo mwene yaga ga busha-busha! Munabaagage bandu ba Rurema úli mugumaana. Si ye kabumba igulu, neꞌkihugo, neꞌnyaaja, na íbibiri mwo byoshi.

Mikolezi 14:15 ပူးပေါင်းရင်းမြစ်များ

Ndondeko 1:1

Ku ndondeko, Rurema akabumba igulu neꞌkihugo.

Ndondeko 41:16

Uyo Yusefu anashuvya mwami: «Nienyene ndangahasha. Haliko Rurema ashobwiri. Ye gakulimbulira ibirooto byawe.»

1 Baami 16:13

Na íbitumiri bikakoleka kwokwo, bwoꞌyo Baasha bo na mugala Hela, bâli kizi yifunda mu byaha. Yabo bombi, bâli kizi yikumba imigisi, banashimya naꞌBahisiraheeri kwo nabo bakizi giyikumba. Kwokwo, kwo bakaraakaza Nahano Rurema waꞌBahisiraheeri.

1 Baami 16:26

Âli kizi gayidulumbika mwo nga Yerobwamu mugala Nebati, mu kukizi yikumba imigisi, anakizi hubiisa Abahisiraheeri, mbu nabo bagiyikumbe. Kwokwo, kwo bâli kizi raakaza Rurema Nahamwabo.

2 Baami 19:16

Kwokwo, e Nahano! Uzibuulage amasu, ulole. Utege naꞌmatwiri gaawe, uyuvwe ibitusi byoshi byo Senakeribu agweti agakutuka. Unali we Rurema úli mugumaana.

2 Baami 19:4

«“Ulya mwami weꞌHasuriya, agweti agashekeereza Rurema, anali ye Rurema úli mugumaana. Aaho! Hali ikyanya Rurema Nahamwinyu, angaba ayuvwiti ibitusi byoꞌyo mukulu, anamúhane hiꞌgulu lyabyo. Kwokwo e Hisaaya, uhuunire Abahisiraheeri ábaki sigiiri mu kino kihugo.”»

Zaburi 115:15

Ee! Nahano abe ye gakizi mùgashaanira. Mukuba, ye kabumba igulu neꞌkihugo.

Zaburi 124:8

Ubutabaazi bwitu, tuli mu bulongera kwiꞌziina lya Nahano, ulya úkalema igulu neꞌkihugo.

Zaburi 31:6

E Nahano, nasikiiriza uburambe bwani mu maboko gaawe. Kwokwo, bwo uli Rurema woꞌkuli, unguluule.

Zaburi 33:6

Nahano akabumba igulu, mu kudeta naaho. Kirya kyanya akalibumba, anabumba na íbiriri kwo byoshi.

Kulyoka 20:11

Mu yizo siku ndatu, mwo Nahano akabumba igulu, neꞌkihugo, neꞌnyaaja, na byoshi íbibiri mwo. Si ulusiku lwa kalinda, iri lukahika, analuhuuka. Ku yukwo, analugashaanira, analutaluula.

Hisaaya 45:18

Nahano Rurema, ye kabumba igulu, neꞌkihugo, anabisikamya. Na íbitumiri akagiraga kwokwo, kutali mbu kituule kimaata. Nanga, maashi! Si akabumba abandu kwo bakituule mwo, anadetaga kwokuno: «Nie Nahano, ndaanaye gundi.

Hisaaya 45:20

«Mwe mukafuushukaga mu mahanga! Mukuumane kuguma, munanyijire. Bandu baguma bali mu gugumira imigisi, ikanabaajwa mu biti naaho! Haliibwi! Si balyagagi bahwija naaho! Irya migisi, kundu itashobwiri ukubakiza, si bakiri mu gitabaaza.

Hisaaya 46:7

Bali mu kizi gibetula ha bitugo, banagendi gishinga ahandu halebe. Haaho, ho iri mu beera, itanashobwiri ukugira kwo ihashaage. Na kundu abandu bangagitakira, itangahasha ukubashuvya. Na kundu bangaba bagoozirwi, itashobwiri ukubatabaala.

Yeremiya 10:8

Yabo banamigisi, booshi balyagagi bahwija, binali bizeeze. Ngiisi byo bali mu yigiriza, bishaaziri naaho mu migisi íri mu baajwa mu biti.

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Yeremiya 32:17

“E Nahano Rurema! Ikyanya ukalema igulu neꞌkihugo, kwâli riiri ku bushobozi bwawe bweꞌkitangaaza. Ndaanabyo íbikuyabiiri.

Yeremiya 51:15

Nahano ye kabumba ikihugo ku bushobozi bwage. Ye kanakisikamya ku bwitegeereze bwage. Anakoleesa ubwenge bwage mu kuyanuula igulu.

Yeremiya 8:19

Yuvwagwi ngiisi kwaꞌbandu baani bakola mu lira, kiri na ábali mu mahanga. Bali mu buuza, ti: «Ka Nahano ataki tuuziri mu kaaya keꞌSayuni? Ee! Ye mwami wamwo! Ka atakiri mwo?» Nahano anashuvya: «Aahago! Kituma kiki bakandaakaza, mu kukizi yibaajira imigisi ya íbiri mu yikumbwa mu mahanga, inali ya busha-busha?»

Danyeri 6:26

Mwami Dariyo anayandikira abandu beꞌmilala yoshi, naꞌbaꞌmahanga gooshi, naꞌbeꞌndeto zooshi kwokuno: «Mukizi longa umutuula, munakizi genduukirwa!

Hamoosi 2:4

Nahano adetaga kwokuno: «Abayuda, bagweti bagayifunda mu byaha. Aahago! Ukubahana, ngola ngabahana ngana-ngana! Si bâli kizi jajaaka imaaja zaani, batanakizi kulikira imigeeza yazo. Ngiisi kwo bashokuluza baabo bâli kizi yikumba imizimu yeꞌbibeesha, kwo nabo keera yabahabura.

Yona 2:8

E Nahano, iri nꞌgabonaga kwo ngola ngaafwa, nanakukengeera. Nanayami kutabaaza, kwo uli mu nyumba yawe ndaluule.

Zakariya 12:1

Nahano anadeta igindi ndumwa hiꞌgulu lyaꞌBahisiraheeri kwokuno: «Nie Nahano nꞌgatabika igulu, nꞌganabiika indaliro zeꞌkihugo. Na kwakundi, nie gweti ngakizi biika umundu mwoꞌbugumaana.

Mataayo 16:16

Simooni Peturu anamúshuvya: «Wehe, we ulya Masiya! Unali mwana wa Rurema úli mugumaana!»

Yohana 5:26

«Nga kwo Yishe ye shyoko yoꞌbulamu, kwo akanagira Umwana wage naye, abe shyoko yabwo.

Yohana 7:18

«Umundu, iri angaba ali mu yihalangira amagambo, ali mu yiloogeza ulushaagwa yenyene. Haliko, iri angalooza kwoꞌlya úkamútuma abe ye galonga ulushaagwa, yehe ye mu ba woꞌkuli. Ndaanabwo bulyalya úbumúli mwo.

Mikolezi 10:26

Haliko, Peturu anamúyimusa, anamúbwira, ti: «E waliha, yimuka! Si naani ndi mundu nga we!»

Mikolezi 13:32

«Na buno, tugweti tugamùmenyeesa Imyazi Miija. Birya byo Rurema âli mali gwanwa alagaania bashokuluza biitu,

Mikolezi 14:21

Pahulu na Barinaaba, iri bakaba bakola i Deribe, banamenyeesa yaꞌbandu Imyazi Miija ya Yesu, halinde abingi baabo banagiyemeera. Ha nyuma, banagalukira mu kaaya keꞌLisitira, na mu keꞌHikonyo, na mu keꞌHandyokiya.

Mikolezi 14:7

bagweti bagamenyeesa yaꞌbandu Imyazi Miija ya Yesu.

Mikolezi 16:30

Ha nyuma, anabahulukiza ha mbuga, anababuuza: «E banahamwitu, ngwiriiri ngirage kuti, halinde ngizibwe?»

Mikolezi 27:10

«E bashosi, keera nabona kwo yulu lugeezi lugatuleetera ibala. Yaga mashuba, kuguma neꞌyi miteekerwa, byoshi bigatikirira mwiꞌno nyaaja. Baguma biitu, banakengeere basiga mwaꞌmatwe gaabo.»

Mikolezi 27:21

Yabo bashosi, iri bakaba keera bamala siku nyingi mu nyaaja, bátalya kindu, Pahulu anayimanga ha kati kaabo, anababwira: «E bashosi, ku kyanya nꞌgamùhanuula i Kereete kwo tutalunguli lyoka yo, mwâli kwiriiri munyuvwe. Múki nyuvwe, ngeꞌbindu biinyu bitatikira kwoku.

Mikolezi 27:25

«Ku yukwo, e bashosi, mukanagye imitima! Ngiisi kwo Rurema ambwira, nyemiiri kwo bigakoleka ngana.

Mikolezi 4:24

Neꞌri abaabo bakaba keera bayuvwa kwokwo, booshi banahuugiza kuguma mu kuhuuna Rurema, ti: «E Nahano, we mukulu wa byoshi! We kabumba igulu, neꞌkihugo, neꞌnyaaja, na íbibiri mwo byoshi.

Mikolezi 7:26

«Neꞌri bukakya, anahulukira ku Bahisiraheeri babiri ábâli kola mu lwa, anagira mbu abafunge, ti: “E bashosi, maashi! Si mwe baguma! Aahago! Kituma kiki mugweti mugakomeresania?”

1 Bakorindo 8:4

Ikyanya imigisi iri mu tangirwa inyama, tuyiji-yiji kwo kitali kindu. Tuyiji na kwo ndaaye gundi Rurema, átali yolya muguma naaho.

Bahefeso 4:17

Kwokwo, namùkomeereza mu kati ka Nahano, kwo mutakizi ki tuula nga bandu beꞌkihugo! Si boohe, inzaliro zaabo ziryagagi za busha-busha.

Bukengeeze 32:21

Ikyanya bakakolera imigisi yabo, itanali ye Rurema, lyo bakanvyula mwoꞌluugi. Bakandaakaza neꞌmigisi yabo ya busha-busha. Ku kasiisa, ngola ngagashaanira abandi bandu, halinde nabo bayuvwe uluugi. Emwe! Ngabayagaza, mu kugashaanira ugundi mulala, gunali muhwija.

Bukengeeze 5:26

Mukuba, ndaaye úkayuvwa izu lya Rurema úli mugumaana, anabe akiri ho. Kundu kwokwo, twehe keera twaliyiyuvwirwa.

1 Batesaloniki 1:9

Yabo bandu boonyene, bali mu menyeesania ngiisi kwo mukatuyakiira bwija. Bali mu deta, na ngiisi kwo mukatwikira ku migisi, mwanayiji ba bandu ba Rurema. Ye Rurema nirizina, anali ye mugumaana.

1 Timoteyo 3:15

Mukuba, hali ikyanya nangakoli tinda. Na ndoziizi kwo umenye bwija ngiisi íbikwaniini mu bandu ba Rurema. Mukuba, abandu baage, liꞌshengero lya Rurema úli mugumaana. Niꞌshengero, liri mu sikamya ukuli. Liryagagi lutaliro lwakwo, neꞌnguliro yakwo.

Baheburaniya 3:12

Kwokwo, e beene witu! Mukizi yilanga bwija, hatagire muguma winyu úgaaba noꞌmutima gwaꞌkazingati. Mutabe bandu bazira bwemeere, mbu mujandagire Rurema úli mugumaana.

Yakobo 5:17

Hiriya âli riiri mundu ngana, mwene kwokuno kwitu. Neꞌkyanya akahuuna Rurema kweꞌnvula itanie, hanamala imyaka ishatu neꞌmyezi ndatu invula ihangamiri mu kihugo kyoshi.

Yoshwa 3:10

Zeene, mukola mugaamenya ku kasiisa, kwo muyamiinwi na Rurema úli mugumaana. Mukuba, agamùyimulira Abakaanani, naꞌBahiti, naꞌBahivi, naꞌBapereesi, naꞌBagirigaashi, naꞌBahamoori, naꞌBayebuusi.

Bwigule 14:7

Uyo muganda, anadeta kwiꞌzu lihamu kwokuno: «Mukizi simbaha Rurema! Munakizi múhuuza! Mukuba, ikyanya kyo agaatwa kweꞌmaaja, keera kyahikaga. Kwokwo, mukizi múyikumba! Mukuba, ye kabumba igulu, neꞌkihugo, neꞌnyaaja, neꞌshyoko zeꞌnyiiji.»

Bwigule 19:10

Lyeryo uyo muganda, nanafukama imbere lyage, gira nimúyikumbe. Haliko anambwira: «Ulekage! Si naani ndi mukozi wa Yesu nga wehe, kuguma naꞌbandi beene winyu, kwo bali mu mútangira ubumasi. Rurema abe ye ugakizi yikumba! Mukuba, ngiisi ábali mu tangira Yesu ubumasi, baabo bo bali mu ba mwoꞌmutima gwoꞌbuleevi.»

Bwigule 19:19

Haaho, kirya kirara kyanakuumana kuguma na balya baami ba mu mahanga gooshi naꞌbasirikaani baabo, gira bagendi lwisa ulya úbwatiiri ku fwarasi yeꞌkitare naꞌbasirikaani baage.

Bwigule 22:9

Haliko anambwira: «Uleke! Si twembi tuli bakozi ba Yesu, tuli kuguma naꞌbandi beene winyu abaleevi, kiri naꞌbandi booshi ábasimbahiri yaga magambo ámayandike mu kino kitaabo. Rurema naaho, abe ye ugakizi yikumba!»

Bwigule 4:11

«E Rurema, Nahamwitu, we kwaniini ukuhaabwa ubulangashane, noꞌlushaagwa, noꞌbushobozi. Mukuba, byoshi íbiri ho, we kalooza kwo bibaagage ho, we kanabibumba.»

1 Samweri 12:21

«Si imigisi, bwo iri mizira kamaro, yohe mukizi gitwikira kwo. Mukuba, itangamùgashaanira, itanganamùkiza. Si iri tufwa-busha naaho.

1 Samweri 17:26

Dahudi anabuuza yabo bandu ábâli múyimaaziri ha butambi, ti: «Umundu úwangayita uyu Mufirisiti, analyokeze Abahisiraheeri ishoni, kuti kwo angagirirwa? Uliira Mufirisiti, si atali mutenguule. Alyagagi nyandi, halinde akizi tyoza abasirikaani ba Rurema, ulya úli mugumaana?»

1 Samweri 17:36

E waliha, keera nꞌgayita indare, kiri neꞌbinguti. Na buno, uyu Mufirisiti ngamúyusa kwakundi. Si atali mutenguule! Anagweti agatyoza abasirikaani ba Rurema úli mugumaana.