Mikolezi 10:38 - Kifuliiru

³⁸ Uyo Yesu weꞌNazareeti, Rurema akamútaluula, anamúbiika mwoꞌMutima Mweru, noꞌbushobozi. Na bwo Rurema bayamiinwi, kyanatuma agakizi genda ali mu gira amiija mu bandu. Na ngiisi ábâli gandamiirwi noꞌbushobozi bwa Shetaani, anakizi bakiza.

Mikolezi 10:38 ပူးပေါင်းရင်းမြစ်များ

2 Kutondobola 17:9

Kwokwo, banakizi lenga bafumbiiti imaaja za Nahano, iri banazizungulukana mu twaya twoshi tweꞌBuyuda, noꞌkuziyigiriza abandu.

Zaburi 2:2

Abaami beꞌkihugo kuguma naꞌbatwali baabo, keera bayibiika kuguma, banakoli yiteganwiri, gira balahire Nahano, balahire na Masiya wage ye akatoola.

Zaburi 2:6

Nahano adetaga kwokuno: «Keera nꞌgataluula umugazi gwani Sayuni, ho nanayimika umwami wani gira akizi twala.»

Zaburi 45:7

E Rurema, ikitumbi kyawe kigayama ho imyaka neꞌmyakuula. Uganakizi twala ku njira íkwaniini.

Hisaaya 11:2

Uyo mwami, umutima gwa Nahano gugakizi beera mu kati kaage, halinde anabe noꞌbwitegeereze, noꞌbwenge, anashobole ukuhanuulana, anabe mwoꞌbushobozi. Agaamenya Nahano, anakizi músimbaha.

Hisaaya 42:1

Lolagi! Uyu, keera nꞌgamútoola, anali ye mukozi wani. Keera nꞌgamúkania umutima, ananzimisiizi bweneene. Ngamúbiika mwoꞌmutima gwani, gira amenyeese ibinyamahanga ngiisi íbikwaniini imbere lyani.

Mataayo 12:15

Yiryo igambi lyaꞌBayahudi, Yesu âli liyiji, kyanatuma agalyoka yaho. Ku yikyo kyanya, abandu bingi bweneene bâli kizi genda bamúkulikiiri. Na ngiisi ábâli lwaziri mu kati kaabo, anakizi bakiza.

Mataayo 12:28

Haliko, iri nangaba ngweti ngayimula ibisigo ku njira yoꞌMutima gwa Rurema, iri ubwami bwage keera bwamùhikira!

Mataayo 9:19

Yesu naꞌbigirizibwa baage, banagenda bamúkulikiiri.

Mataayo 9:35

Yesu anakizi genda agalenga mu twaya tuhamu twoshi, kiri na mu twaya tweꞌbishoola. Anakizi yingira mu nyumba zeꞌmihumaanano, iri anamenyeesa abandu hiꞌgulu lyeꞌMyazi Miija yoꞌbwami bwa mwiꞌgulu. Na ngiisi balwazi bo âli kizi gwana, anakizi bakiza.

Mariko 6:6

Anasoomerwa ngana, bwo bâli lahiiri ukumúbiika kwoꞌbwemeere. Yesu anakizi genda agalenga mu twaya, iri anayigiriza abandu.

Luka 3:22

Umutima Mweru, gwanamújookera kwo ngiꞌhumba. Mwomwo mwiꞌgulu, mwanalyoka izu, lyanadeta kwokuno: «Wehe, we mwana wani mukundwa! We gweti uganzimiisa!»

Luka 4:18

«Umutima gwa Nahano, gundi mwo! Keera akandoola kwo ngizi menyeesa abakeni Imyazi Miija. Akanduma neꞌmwaꞌbashweke, mbamenyeese kwo bagashwekuulwa. Akananduma neꞌmbumi, nzimenyeese kwo zigahumuulwa. Na ábakandamiirwi kwakundi, mbaguluule.

Luka 9:42

Uyo mwana, mbu abaagage akiri mu yegeera Yesu, lyeryo ngana kirya kisigo kyanayami múnyanyaga haashi. Kyanamútukumula. Kundu kwokwo, Yesu anakikanukira, kyanatuma ulya mwana agayami kira. Yesu anamúgalulira yishe.

Luka 9:56

Haaho, banagenda mu kandi kaaya.

Yohana 10:32

Haliko anababwira: «Keera nꞌgagira imikolezi mingi miija imbere liinyu ku bushobozi bwa Daata. Aahago! Guhagi gwo muloziizi ukundashira kwaꞌmabuye?»

Yohana 16:32

Lolagi! Ikyanya kikola mu yija, keera kyanahikaga, kyo mukola mugashaabulwa kwo, munasige mwanjanda nienyene. Ngiisi muguma winyu, anayitaahire. Kundu kwokwo, ndagasigala nienyene. Mukuba, Daata tuyamiinwi.

Yohana 3:2

Bushigi buguma, uyo Nikodeemu anayijira Yesu, anamúbwira: «E Rabi, tuyiji kwo uli mwigiriza úkatumwa na Rurema. Yibi bitangaaza byo ugweti ugaagira, ndaaye úwangahasha ukubigira, Rurema batayamiinwi.»

Yohana 3:34

«Yehe, bwo akatumwa na Rurema, agweti agaadeta amagambo gaage. Mukuba, Rurema agweti agamúheereza Umutima Mweru buzira kumúgerera.

Yohana 6:27

«Mutakizi ki kola hiꞌgulu lyeꞌbyokulya íbiri mu gaga! Haliko, mukizi kola hiꞌgulu lyeꞌbyokulya íbigayama ho. Byebyo, byo bigamùleetera ubulamu bweꞌmyaka neꞌmyakuula. Binali byokulya byoꞌMwana woꞌMundu agamùheereza. Noꞌyo Mwana woꞌMundu, Rurema Yishe keera akamúbiika kweꞌkyereso, mu kuyerekana kwo amúyemiiri.»

Mikolezi 10:37

«Mwenyene, muyiji ngiisi íbikakoleka mu kihugo kyoshi kyeꞌBuyahudi. Bikatondeerera i Galilaaya, ku kyanya Yohana âli mali yigiriza abandu kwo babatiizibwe.

Mikolezi 2:22

Peturu anashubi deta: «E bashosi beꞌHisiraheeri, munyuvwirize bwija! Rurema, akayerekana kwo agweti agaakola mu kati ka Yesu weꞌNazareeti. Mukuba, mu kati koꞌlya Yesu, mwo âli kizi yerekana ibitangaaza bya kwingi-kwingi mu kati kiinyu, nga kwo mwenyene muyiji bwija.

Baheburaniya 1:9

Ukuuziri íbikwaniini. Haliko amabi goohe, ugashombiri. Kyo kikatuma Rurema wawe akakukuza ube hiꞌgulu lyaꞌbiinyu. Anakushiiga amavuta mu kati koꞌbushambaale.»

1 Peturu 5:8

Mukizi ba masu, munakizi laliira. Umugoma winyu Shetaani ali nga ndare ígweti ígalunduma. Ali mu genda agalooza ye agavwajagira.

1 Yohana 2:20

Haliko mwehe, mukoli haabirwi ibyoꞌMutima Mweru. Na kwo mukola mweshi, mukoli yiji ibyoꞌkuli.

1 Yohana 3:8

Haliko, iri umundu angakizi gira ibyaha, iri alyagagi wa Shetaani. Mukuba, Shetaani ayamiri agweti agaagira ibyaha ukulyokera ku ndondeko. Na íbikatuma Umwana wa Rurema akayija, gira ayiji shereeza ngiisi byo Shetaani agweti agaagira.