Mika 7:17 - Kifuliiru

¹⁷ Yibyo binyamahanga, bigakizi yibulula mu luvu, nga mujoka. Binalyoke mu tuhonga twabo, mu kuyiji juguma imbere lya Rurema Nahamwitu. Bagagwatwa neꞌkyoba imbere lyage.

Mika 7:17 ပူးပေါင်းရင်းမြစ်များ

2 Samweri 22:46

Yabo bandu bakayija bakoli vunisiri imitima. Na ábâli bishamiri, banakizi yibishuula iri banalenga mweꞌkinyukura.

2 Kutondobola 17:10

Abandu beꞌbihugo byoshi íbyâli bibikiinwi neꞌkyeꞌBuyuda, Nahano anayami babiika mweꞌkyoba kingi, kyanatuma bagakenga ukulwisa Yehoshafaati.

Zaburi 18:45

Ibinyamahanga, biri mu yija bigweti bigaagoka imbere lyani. Ikyanya bali mu nyuvwa, banakizi ngingika.

Zaburi 72:11

Ee! Abaami booshi bakizi fukama imbere lyage. Aba mu mahanga gooshi bagakizi múkolera.

Zaburi 72:9

Abandu ábatuuziri mwiꞌshamba bakizi múfukamira. Kiri naꞌbagoma baage, bakizi lamba ulukungu imbere lyage.

Zaburi 9:20

E Nahano, uyimukage, maashi! Utwire abandu ulubaaja, utanaleke kwo babe bo bagaahima.

Hisaaya 25:3

Ibinyamahanga, kundu balyagagi banambamba, haliko bakola bagakugingika. Na kundu bali balangi, banatuuziri mu twaya twabo tuzitire, si bagakizi kusimbaha.

Hisaaya 49:23

Yabo baana biinyu, abaami bagamùlerera bo. Abagoli bagakizi bahahalira. Yabo baami bagayiji mùfukamira, banahise amalanga haashi mu kulamba ulukungu ku magulu giinyu. Haaho, mugaamenya kwo nie Nahano. Ábambiisiri kwoꞌmulangaaliro, yugwo mulangaaliro gwabo gutâye be gwa busha.»

Hisaaya 59:19

Ku yikyo kyanya, Nahano agayija ali nga lwiji úlukundwiri. Umuuka gwage gunabe guli mu luvwarusa. Kwokwo, lyaꞌbandu bagakizi simbaha Nahano, banahuuze ubulangashane bwage, ukulyokera isheere, halinde imuga.

Hisaaya 60:14

Abagoma biinyu, kundu bâli kizi mùlibuza, halikago, bagakizi yija bagosiri imbere liinyu. Ee! Ngiisi ábâli kizi mùneguraga, leero bagakizi mùfukamira. Bagakizi mùbuuza Kaaya ka Nahano, banamùbuuze Sayuni, kaaya koꞌMutaluule waꞌBahisiraheeri.

Hisaaya 64:2

Yaho keera, ikyanya wâli kizi shonooka, imikolezi yawe yâli kizi tusoomeza. Kiri neꞌmigazi yâli kizi jugumbana imbere lyawe!

Hisaaya 65:25

Yaho ku mugazi gwani mutaluule, ndaaye úgakomeresibwa, kandi iri kuyitwa. Imirunga neꞌbibuzi bigaragirira kuguma. Indare zigakizi yahirirwa nga ngaavu. Halikago umujoka gwohe, ibyokulya byagwo, lugaaba luvu naaho.» Kwokwo, kwo Nahano adesiri!

Hisaaya 7:19

Yabo bagoma, bagayija balyagagi kandaharuurwa, banashumbike mu tubanda, kiri na mu nyaala, na mu bishungu-shungu byoshi, kiri na mu ndagiriro zooshi.

Yeremiya 16:16

Nahano ashubi detaga kwokuno: «Lolagi! Yabo Bayuda, keera nalungika abadubi bingi, gira bayiji baloba. Nganaki lungika kiri naꞌbahiivi bingi, bayiji bahiiva ku marango geꞌmigazi, na ku tugangazi, kiri na mu nyaala.

Yeremiya 33:9

«Ku yikyo kyanya, iziina lya Yerusaleemu ligakizi njambaaza. Nganagingikwa hiꞌgulu lyako, mu kati koꞌbulangashane. Abandu ba mu kano kaaya, bagalumbuuka mu mahanga gooshi. Amiija go ngabagirira, ikyanya ibinyamahanga bigakizi gayuvwa, bigakizi juguma, iri binasoomerwa. Mukuba, bagaabona ngiisi kwo ngabagenduusa, mu kati koꞌmutuula.»

Kimombo 3:29

Uyo mundu, akwaniini ayilambike haashi mu luvu. Mukuba, hali ikyanya hangabiiri hakiri umulangaaliro.

Zakariya 14:5

Mwomwo mwiꞌyo ndekeera, mwo mugatibitira. Igayajabuka halinde i Hashali. Mugatibita, nga kwo bashokuluza biinyu nabo bakatibita hiꞌgulu lyoꞌmusisi, ku kyanya kyoꞌmwami Huziya weꞌBuyuda. Haaho, lyo Nahano Rurema wani, agayija ali kuguma naꞌbaganda baage bataluule.

Bukengeeze 32:24

Bagashalika bweneene, halinde banajambe ngana-ngana. Bagaminikwa niꞌshuushira, naꞌgandi malwazi. Ngahanguula inyamiishwa ndangi zikizi bajanganula. Banakomwe neꞌmijoka íri neꞌmbola, inali mu yibulula kwiꞌdaho.

Yoshwa 9:24

Banamúshuvya: «E waliha, twe bakozi baawe. Keera tukabwirwa ngiisi kwo Nahano Rurema winyu, akabwira umukozi wage Musa kwo aminike abatuulaga booshi ba kino kihugo, gira amùheereze kyo, kibe kyeꞌmwinyu. Kyanatuma tugayoboha kwo tugayitwa, twanamùteba.

Bwigule 3:9

«Yuvwagwi! Abandu ba mu kiso kya Shetaani bagweti bagabeesha mbu bali Bayahudi. Kundu kwokwo, ngabafukamya imbere liinyu, banayemeere kwo nimùkuuziri.

1 Samweri 14:11

Yabo bombi banagendi yiyerekana imwaꞌBafirisiti. Balya Bafirisiti, mbu bababonage, banadeta: «Langiizi Abaheburaniya! Bashubi yibishiri mu myobo. Na buno, bagihuluka mwo.»