Mika 7:16 - Kifuliiru

¹⁶ Yibyo bitangaaza, ikyanya ibinyamahanga bigabibona, lyo bigateerwa neꞌshoni hiꞌgulu lyoꞌbukaholwe bwabo. Bagakizi biika ukuboko ku kanwa, iri banaziba amatwiri.

Mika 7:16 ပူးပေါင်းရင်းမြစ်များ

Hayubu 21:5

«Mundole kwo, lyo niinyu musoomerwa. Mubiike amaboko giinyu ku tunwa, mu kuyerekana kwo mukoli shengusiri.

Hayubu 40:4

«Si ndi mundu ngana! Aaho! Kuti kwo ngakushuvya? Kwoku, ngola ngaaziba akanwa noꞌkuboko.

Zaburi 126:2

Twâli gweti tugasheka bweneene, iri tunayimba ku bushambaale. Yikyo kyanya, ibinyamahanga byanakizi deta kwokuno: «E balya, Nahano keera akabayereka amagambo gaꞌkahebuuza bweneene.»

Migani 30:32

Iri wangaba ukayigira muhwija mu kukizi yihaya, kandi iri wangaba ushungisiri ukugira amabi, kwokwo, ukizi hangirira akanwa kaawe.

Hisaaya 26:11

E Nahano, yabo babi, kundu ukolaga ugabahana, haliko, batakutwaziizi. Aaho! Ubayerekage ngiisi kwo ukuuziri abandu baawe, halinde banateezibwe ishoni. Na bwo ubikiiri abagoma baawe umuliro, ugire ubajigiivye mwo.

Hisaaya 52:15

Kundu kwokwo, buno, akolaga agasoomeza abandu baꞌmahanga mingi. Abaami baabo bagasoomerwa, banahulike, shee! Ngiisi byo bagaabona, batazindi bibwirwa. Na kundu batazindi biyuvwa, bagayami bisobanukirwa.»

Hisaaya 66:18

«Byoshi byaꞌbandu bagweti bagaakola, mbiyiji-yiji. Nyiji kiri neꞌnzaliro zaabo. Buno, ngola mu kuumania abandu beꞌmilala yoshi, naꞌbeꞌndeto zooshi, gira babone ubulangashane bwani.

Hezekyeri 38:23

Kwokwo, lyo ngayereka ibinyamahanga ngiisi kwo ndi mukulu, na ngiisi kwo ndi mweru. Kwokwo, lyo bagaamenya ku kasiisa kwo nie Nahano.»

Mika 3:7

Abanamabone biinyu, bagagwatwa neꞌshoni.» Na ngiisi ábali mu gira mbu balagule, bagateteerwa ngana. Mugaaba mutakiri mu longa ishuvyo imwa Rurema, kinatume mweshi mugabwikira akanwa noꞌkuboko.

Mika 5:8

Kwokwo, lyo mugalonga ukuhima abagoma biinyu. Ee! Yabo bagoma booshi, munakizi baminika.

Hagayi 2:22

Abaami ba mu kihugo, ngola ngabanyanyaga haashi. Yabo baami, ngola ngabamala imisi. Amagaare gaabo giꞌzibo, ngagakunangulira haashi. Ngakabulira na ábali mu gagendera kwo. Ifwarasi zaabo, zigayami fwa. Na ábali mu zigendera kwo, bagayitana ku ngooti.

Zakariya 12:9

Nahano adetaga kwokuno: «Ku yikyo kyanya, kundu ibinyamahanga bigayiji gira mbu bibateere i Yerusaleemu, haliko nienyene ngayiji bisivya byoshi.

Barumi 3:19

Tuyiji kweꞌMaaja zidesiri imwa ábali mwiꞌdako lyazo, gira lyaꞌbandu booshi bakatwirwe ulubaaja imbere lya Rurema. Hataganaba umundu úgaaba niꞌgambo lyo agayifwongooza mwo imbere lyage.

Bwigule 11:18

Ibinyamahanga byâli kizi raakara. Halikago buno, we kola ugaaba noꞌburaakari! Kikola kyanya kyoꞌkutwa imaaja za abafwiri. Na booshi ábâli kizi shereeza ikihugo, buno nabo ukola ugabashereeza. Haliko, abakozi baawe abaleevi, ukola ugabahemba, kuguma naꞌbataluule baawe, bwo bali mu simbaha iziina lyawe, ukutondeerera ku bagunda, halinde ukuhisa ku banalushaagwa.»