Mika 7:15 - Kifuliiru

¹⁵ E Nahano, utuyereke kandi ibitangaaza byawe, nga kwo wâli kizi bigira, mu kutulyosa mu buja i Miisiri.

Mika 7:15 ပူးပေါင်းရင်းမြစ်များ

Zaburi 68:22

Ku kasiisa, Rurema agavungula amatwe gaꞌbagoma baage. Iri bangagenderera ukukizi yifunda mu byaha, agajiga utuhanga twabo.

Kulyoka 3:20

Ikyanya ngahaniiriza ikihugo kyage, ngakoleesa ukuboko kwani kwoꞌbushobozi, mu kukizi gira ibitangaaza bya kwingi-kwingi mu kati kaabo. Ha nyuma, uyo mwami akabuli mùleka mugendage.

Kulyoka 34:10

Nahano anashubi bwira Musa: «Twembi, tukola tuganywana ikihango, na ngizi gira ibisoomeza imbere liinyu mweshi. Yibyo bisoomeza, ndaago gandi mahanga go byâli kizi koleka mwo. Niehe, nie Nahano. Ibisoomeza byo ngamùkolera mweshi, yabo bandi bagabibona kwo biri bya kahebuuza.

Hisaaya 11:16

Yabo bandu baage ábasigiiri, bagalonga injira yoꞌkulyoka mu kihugo kyeꞌHasuriya, nga kwokulya Abahisiraheeri ba keera bakalyoka mu kyeꞌMiisiri.

Hisaaya 51:10

Na kundu inyaaja yâli yisiri bweneene, we kagikamya. Ukagibera mweꞌnjira, halinde abandu baawe banajabuka.

Hisaaya 51:9

E Nahano woꞌbushobozi bwoshi! Vyuka maashi! Uvyukage! Ukizi koleesa ubushobozi bwawe, nga kwo wâli kizi gira yaho keera. Aaho! Ka utali we katema-tema kirya kingisho-ngisho Rahabu? Ka utanali we katumita kirya kingisho-ngisho kyoꞌmujoka gwa mu nyaaja?