Mika 6:7 - Kifuliiru

⁷ Ka Nahano angasiima, mbu bwo namúleetera ibipanga bihumbi? Kandi iri indango bihumbi ikumi zaꞌmavuta? Ka nangamútangira ifula yani yo nꞌgayibutira, mbu lyo angoga ibyaha byani?»

Mika 6:7 ပူးပေါင်းရင်းမြစ်များ

2 Baami 16:3

Si âli kizi kulikira ingesho mbi zaꞌbaami baꞌBahisiraheeri. Anatanga kiri na mugala wage imweꞌmigisi, mu kumújigiivya. Mu kugira kwokwo, âli kizi kulikira ingesho mbi zaꞌbandu bo Nahano akayimula imbere lyaꞌBahisiraheeri.

2 Baami 21:6

Uyo Manaasi anatanga kiri na mugala wage, libe ituulo lyoꞌkusiriiza. Anakizi yifunda mu byaꞌmaleere, iri anakizi laguza, noꞌkuhanuusa ábali mu ganuuza imizimu, naꞌbalozi. Âli kizi yifunda mu bihigo bingi imbere lya Nahano, halinde anamúraakaza bweneene.

2 Baami 23:10

Mwami Yosiya anashereeza naꞌkatanda koꞌkuyikumbira umuzimu Moleki, mbu lyo hataki gire umundu yeshi úgakasiriigiza kwo mugala wage, kandi iri munyere wage. Yako katanda kâli i Tofeeti, inyuma lyoꞌluzitiro lweꞌYerusaleemu, mu ndekeera ya Beni-Hinoomu.

2 Baami 3:27

Haaho, anayabiira mugala wage weꞌfula, anamútwala ha luzitiro lwaꞌkaaya, anamútanga, libe ituulo lyoꞌkusiriiza. Noꞌyo mugala wage, ye wangayimiri ahandu haage. Abahisiraheeri booshi, iri bakabona kwokwo, banahuumirwa ngana. Banasiga kalya kaaya, banagalukira mu kihugo kyabo.

Hayubu 29:6

Amagulu gaani, nâli kizi gakaraba, na ngashiige amakaavwe. Neꞌbiti byani byeꞌmezehituuni, byâli kizi jalabanda mwaꞌmavuta.

Zaburi 50:9

Emwe! Ndayifwijiri kwo munjaagize ishuuli mwiꞌruli. Kiri neꞌmbene ziinyu, ndaki ziloziizi.

Zaburi 51:16

E Rurema, Lukiza wani! Bwo nayitana, nayikululira umwama bweneene. Aaho! Yugwo mwama, ugunjaagize. Kwokwo, lyo ngakuyimbira, bwo ugweti ugakizi gira íbikwaniini.

Zaburi 51:18

Nga wangasimisiibwi naꞌmatuulo goꞌkubaagwa, njuba ngakuleetera go. Haliko yago matuulo goꞌkusiriiza, utagaloziizi.

Migani 15:8

Amatuulo ga banangora-mabi, Nahano agashombiri. Si amahuuno gaꞌbandu ábatungiini, gali mu músimiisa.

Migani 21:3

Ikyanya abandu bali mu gira íbikwaniini, neꞌbyoꞌkuli, bali mu simiisa Nahano, ukuhima ikyanya bali mu tanga ituulo.

Hisaaya 1:1

Yaga mabone, Hisaaya mugala Hamoozi, ye kagabona. Gadesiri hiꞌgulu lyeꞌkihugo kyeꞌBuyuda, naꞌkaaya keꞌYerusaleemu. Gakaboneka ku kyanya kyoꞌmwami Huziya, na ku kyoꞌmwami Yotamu, na ku kyoꞌmwami Ahaazi, na ku kyoꞌmwami Hezekiya.

Hisaaya 40:16

Ibiti byoshi byeꞌLebanooni, bitangakwiza ishaali, mbu lyo Nahano alonga umuliro ku katanda kaage. Kiri neꞌbitugwa, kundu bangabikumania byoshi, mbu bamútangire amatuulo ágakwaniini, bitangakwira.

Yeremiya 19:5

«Keera bakayubakira umuzimu Baali ututanda, gira bakizi gutangira abaana baabo, gabe matuulo goꞌkusiriiza. Si ibala mwene yiryo, ndakabahanguula kwo bakizi ligira, litanazindi mba mu mutima!

Yeremiya 6:20

E bandu beꞌBuyuda, kituma kiki muki gweti mugandeetera umubadu ukulyoka i Sheeba? Na kituma kiki mukiri mu gendi nzeehera amalaasi i mahanga? Kundu mwangakizi nziriigiza amatuulo geꞌbitugwa ku katanda, haliko, ndagaki gayemeera! Mukuba, gataki nzimisiizi.»

Yeremiya 7:31

Banagenda mu ndekeera ya mugala Hinoomu, i Tofeeti, banayubaka mwoꞌtutanda tweꞌkipagaani. Na ku yutwo tutanda, bali mu kizi yabiira abaana baabo boꞌbutabana na boꞌbunyere, banabasiriigize kwo, libe ituulo. Ibitalaalwe mwene yibyo, ndabihangwiri, ndanazindi tona mbu bagire kwokwo.

Hezekyeri 23:37

Si bâli kizi sambana, iri banayitana! Bakasambana, mu kukizi yikumba imigisi yabo. Banakizi yitana, mu kutanga abaana baabo imweꞌmigisi. Yabo baana, banakizi bajigiivya mu muliro, kundu bo bakabayibutira.

Hosheya 5:6

Bagweti bagakizi sholera ibitugwa byabo, banagendi bitanga ituulo imwa Nahano. Kundu kwokwo, batali mu múbona, bwo keera akabayiyogookola.

Hosheya 6:6

«Byo ndoziizi, kutali kutangirwa amatuulo. Si ndoziizi kwo mukizi kundana. Na ndoziizi mube munyiji bwija, kwo nie Rurema. Yukwo, kwo kuhimiri ukukizi ndangira amatuulo goꞌkusiriiza.»

Balaawi 18:21

«Hatanagire úgatanga umwana wage, mbu libe ituulo lyoꞌkusiriiza imwoꞌmuzimu Moleki. Nga wangagira kwokwo, ugaaba wangayiriza. Niehe, nie Nahano Rurema wawe.

Balaawi 20:1

Nahano anabwira Musa,

Hamoosi 5:22

Kundu mwangandangira amatuulo goꞌkusiriiza lwoshi, na goꞌmushyano, ndagagayemeera! Na kundu mwangandangira ibitugwa, mbu gabe matuulo goꞌkuyerekana ingoome, ndagagatwaza kiri neꞌhiniini!

Firimooni 1:12

Ku yukwo, kundu andyagagi ku mutima, nakugalulira ye.

Batwi beꞌmaaja 11:31

ku kyanya ngagaluka, ngiisi yeshi úgahuluka mu nyumba yani, gira ayiji nzanganira, yoyo ye ngakutangira, libe ituulo lyoꞌkusiriiza lwoshi.»

Batwi beꞌmaaja 11:39

Iyo myezi ibiri, iri ikamala, anagalukira i kaaya. Yishe, ngiisi kwo akabiika indahiro imbere lya Rurema, kwo akanamúgirira. Noꞌyo munyere, atâli zaazi menyana noꞌmushosi. Ukulyokera ku yikyo kyanya,

1 Samweri 15:22

Haliko, Samweri anamúshuvya: «Ka twangakizi simiisa Nahano, mbu bwo twatanga amatuulo goꞌkusiriiza, kuguma naꞌgandi matuulo. Tukwaniini tukizi músimbaha. Ee! Ukumúsimbaha, kwo kuhimiri yago matuulo. Noꞌkukizi mútega amatwiri, kwo kuhimiri ibinyule byeꞌbipanga.