Mika 6:15 - Kifuliiru

¹⁵ Na kundu mugabyala imbuto, si mutagaziyimbula. Na kundu mugalibata ku mizehituuni, si mugaabula amavuta. Na kundu mugakandaga imizabibu, si ndaayo divaayi yo mugalonga.

Mika 6:15 ပူးပေါင်းရင်းမြစ်များ

Hayubu 31:8

Iri kwangaba kwokwo, leka ugundi akizi yiji lya imbuto zaani, kundu nie kazibyala. Ee! Imbuto zooshi zo nꞌgabyala, leka ugundi ayiji zikuula.

Yeremiya 12:13

Abandu baani, kundu bakabyala ingano, si bakola bagayimbula imigenge. Na kundu bâli kizi yitubanula mu kukola, ndaako kamaro balongaga. Buno, mu kuyimbula, bakola bagateteerwa, bwo ngoli barakariiri.»

Balaawi 26:16

«Aaho! Yuvwagwi ngiisi kwo ngamùhaniiriza: Ngakizi mùleetera amalibu. Neꞌkyanya mugashuushirwa, amasu giinyu gagahumaala, halinde munajambe ngana-ngana. Kundu mugakizi byala imbuto mu ndalo, zitagamùgenduukira. Mukuba abagoma biinyu, bo bagakizi zirya.

Balaawi 26:20

Mugakizi yitubanula ku busha. Indalo ziinyu zitagayera ihiteerwa ku shinda. Kiri neꞌbiti, bitagatongeka.

Hamoosi 5:11

Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

Habakuki 3:17

Ibiti byeꞌmitiini kundu bitahembiri, neꞌmizabibu inabe ndaabyo bitumbwe byo itongesiri, neꞌmizehituuni inabe ndaago mavuta ágayezirwi mwo, neꞌndalo, imimbu yazo inabe ndaayo, neꞌbibuzi binabe bikakumbululwa mu lugo, neꞌngaavu mwiꞌruli, banabe bazipiisa!

Sefaniya 1:13

Ehee! Si abagoma baabo, bagayiji bashahula ibindu, halinde inyumba zaabo zinasigale mishaka! Kundu bagweti bagayiyubakira inyumba, haliko batagazituula mwo! Na kundu bagakizi byala imizabibu, haliko batagakizi nywa ku divaayi yayo.»

Hagayi 1:6

Kundu mukabyala imbuto nyingi, halikago mwanayiji yimbula biniini naaho. Na kundu mugweti mugaalya, si mutali mu yiguta. Na kundu mugweti mugaanywa, si muki nyotiirwi. Na kundu mugweti mugayambala, si muki kaywiri. Neꞌkyanya muli mu longa imbembo, ziri mu yami mala, nga zikalokezibwa mu ludaha lutule.”

Yohana 4:37

«Muyiji ngiisi kwo bali mu twa umugani, ti: “Muguma, ali mu byala. Noꞌgundi, ali mu yimbula.” Yugu mugani, guli gwoꞌkuli.

Batwi beꞌmaaja 6:4

Yabo banyazi banakizi yiji shumbika hoofi naꞌBahisiraheeri, banakizi bashereegeza imbuto mu kihugo kyoshi, halinde ukuhisa ku lubibi lweꞌGaza. Ndaanahyo hyoshi íhiteerwa ku shinda hyo bâli kizi basigira, biba byokulya, kandi iri bibuzi, kandi iri ngaavu, kandi iri punda.