Mika 5:6 - Kifuliiru

⁶ Abahisiraheeri ábagaaba basigiiri, bagayiji gingikwa mu mahanga. Bagaaba nga kimi kya Nahano, kandi iri nga mitonyi yeꞌnvula ku byasi. Ndaaye mundu úwangabahangirira, kandi iri ukubatindiisa.

Mika 5:6 ပူးပေါင်းရင်းမြစ်များ

2 Baami 15:29

Ikyanya mwami Peka âli twaziri Abahisiraheeri, mwami Tigilati-Pireseeri weꞌHasuriya anayiji gwata akaaya keꞌHiyooni, naꞌkeꞌHabeeri-Beti-Maka, naꞌkeꞌYanwa, naꞌkeꞌKedeeshi, naꞌkeꞌHazoori. Anayabiira neꞌkihugo kyeꞌGiryadi, na kyeꞌGalilaaya, na kyeꞌNafutaali kyoshi, anagwata abatuulaga baamwo imbohe, anabatwala imwabo i Hasuriya.

1 Kutondobola 1:10

Uyo Kuushi ye kabuta na Nimuroodi. Uyo Nimuroodi, ye wâli kikalage bweneene mu ndwani za mu kihugo.

2 Kutondobola 33:11

Kyanatuma Nahano agabatumira abakulu baꞌbasirikaani ba mwami weꞌHasuriya. Balya bakulu banagwata Manaasi, banamúhagika igera mwiꞌzulu, banamúshweka neꞌmirinda yeꞌmiringa, banamútwala halinde i Babeeri.

Hayubu 29:22

Neꞌri nꞌgayusa ukubahanuula, batâli ki hiiti byo bagayushuula. Amagambo gaani, bâli kizi gayuvwiriza bwija.

Zaburi 110:3

Ikyanya ugagendi balwisa, abandu baawe bagakuyibiika kwo. Ikyanya ugatondeera ukutwala, ugaaba uyambiiti imirondo mitaluule. Imisi yawe, igakizi ba mihyahya ngiisi lusiku, nga kimi kya shesheezi.

Zaburi 72:6

Uyo mwami abaagage nga nvula, kwo igweti igaania mu ndangiriro, halinde ikihugo kikizi longa amiiji.

Hisaaya 14:2

Yabo Bahisiraheeri, ibinyamahanga byonyene bigakizi bagalula, binabatwale imwabo. Kundu byo byâli kizi vindagaza Abahisiraheeri, haliko leero, Abahisiraheeri bo bagabitwala imbohe mu kihugo kya Nahano, binahinduke baja baabo, naꞌbaja-kazi baabo, halinde banakizi bikoleesa.

Hisaaya 14:25

Ikyanya Abahasuriya bagaaba bakola mu kihugo kyani, lyo ngaamala imisi yabo. Ngakizi bahinyata-hinyata ku mugazi gwani. Kundu bâli hesiizi abandu baani umuteekerwa muzito, haliko buno, ngagulyosa.

Hisaaya 33:1

Yayewe imwinyu, mwe Bahasuriya! Kundu mugweti mugaminikana, si mwenyene mutazindi minikwa. Na kundu batazindi mùtanga mu bagoma, si mwehe mugweti mugatangana mwo. Yuvwagwi! Ikyanya mugaaba keera mwashereezania, lyo na niinyu mugashereezibwa. Neꞌkyanya mugaaba keera mwayusa ukusongerana mu bagoma, lyo na niinyu mugasongerwa mwo.

Hisaaya 37:36

Mu bwobwo bushigi, umuganda wa Nahano anayingira mu shumbi yaꞌBahasuriya, anayita mwaꞌbandu bihumbi igana na makumi galimunaana na bitaanu. Iri bukakya, ku kyanya abandu bakiri mu vyuka, banagwana birya birunda byoshi bilambamiri haashi.

Hisaaya 37:37

Kwokwo mwami Senakeribu weꞌHasuriya anajogoboka, anataahira imwage i Ninaawi, anabeera yeyo.

Hisaaya 6:13

Yikyo kihugo, kundu kyangasigiiri mwaꞌbandu nga kihande kiguma kiꞌkumi, si kigaki shubi shereezibwa ngana! Yabo Bahisiraheeri bagaaba bakola nga kiti kyoꞌmwalooni, ku kyanya kyakubwa, kinasigalire ku naludakwe. Kwokwo yabo bandu nabo, bagasigala nga naludakwe. Uyo naludakwe agaki mina kweꞌshibwe litaluule.»

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Nahumu 2:11

Duba-duba, yibyo bindu byoshi, bigweti bigashahulwa mu kaaya. Abandu beꞌNinaawi, imitima yabo keera yahola. Indege zitaki kaniri, si bakoli shengusiri ngana. Banakoli yulubaliirwi i malanga!

Sefaniya 2:13

Ngashereeza kiri neꞌkihugo kyeꞌHasuriya, uluhande lweꞌmbembe. Akaaya kaakyo kahamu keꞌNinaawi, ngakahindula kabe mushaka, kanasigale kayumiri lwoshi ngiꞌshamba.

Sefaniya 3:12

Ngiisi ábagasigala, bagaaba bali batuudu, iri banakizi yibiika haashi. Boohe, bo bagaaba bakoli biisiri umulangaaliro imwa Nahano.

Luka 1:71

Mukuba, akatulagaania kwo agatukiza mu bagoma biitu, na mu maboko ga ngiisi ábatushombiri.

Luka 1:74

kwo agatuguluula mu maboko gaꞌbagoma biitu, halinde tunakizi múkolera buzira kyoba.

Luka 24:27

Haaho, Yesu anabasobanulira ngiisi byoshi íbikayandikwa mu Mandiko Meeru hiꞌgulu lyage. Akatondeerera mu bitaabo bya Musa, halinde na mu bitaabo byoshi byaꞌbaleevi.

Bukengeeze 32:2

Amigirizo gaani, muleke gafukumuke ku mbuto, nga nvula yoꞌmunjogi-njogi. Amagambo gaani, gashaabuke nga kimi ku kishuka.