Mika 5:3 - Kifuliiru

³ Ku yikyo kyanya, umukulu wabo agayimanga, anakizi hahalira abandu baage. Agaaba neꞌmisi ya Nahano, anabe noꞌbushobozi bwiꞌziina lya Rurema Nahamwabo. Kwokwo, Abahisiraheeri bagaramba mu kati koꞌmutuula. Mukuba, uyo mukulu agakuzibwa bweneene mu bihugo byoshi,

Mika 5:3 ပူးပေါင်းရင်းမြစ်များ

1 Baami 14:16

Yerobwamu âli kizi yifunda mu byaha, anakizi hubiisa Abahisiraheeri, halinde nabo bakizi bihuuka. Kyo kitumiri Nahano agabajandirira.»

2 Kutondobola 30:7

«Bashokuluza biinyu, kiri na beene winyu, batâli riiri bemeera imwage. Na buno mukoli bwini ngiisi kwaꞌbandu bagweti bagamùhonyoleza. Kwokwo mwehe, mutabayigire kwoꞌmugani.

Zaburi 67:3

Kwokwo, lyeꞌnjira zaawe zigamenyeekana mu kihugo, halinde abandu baꞌmahanga gooshi banamenye ngiisi kwo ugweti ugakizi kiza.

Hisaaya 11:11

Ku yikyo kyanya, Nahano agashubi golola ukuboko kwage, anagalule abandu baage ábaki sigiiri imbohe mu kihugo kyeꞌHasuriya, na mu kyeꞌMiisiri, na mu kyeꞌPaturo, na mu kyeꞌHendyopiya, na mu kyeꞌHelamu, na mu kyeꞌShinaari, na mu kyeꞌHamaati, kiri na mu tulira.

Hisaaya 49:6

Nahano akambwira kwokuno: «Uli noꞌmukolwa gwoꞌkungalulira Abahisiraheeri. Ee! Ngiisi ábasigala, we gabagalula. Kutanali kwokwo naaho. Ngakubiika ube mulengeerwe na mu binyamahanga, halinde balya booshi, ubayereke injira yo bangakizibwa mwo.»

Yeremiya 23:5

«Mu siku ízigayija, mu kibusi kya Dahudi, ngameza mweꞌshibwe liija. Uyo, ye gayima, anabe mwami mwija, anabe ali mwitegeereza. Yeki, agatwala ikihugo ku njira íkwaniini, na mu kati koꞌkuli. Kwokwo kwo nie Nahano nadeta.

Yeremiya 31:1

Nahano adetaga kwokuno: «Ku yikyo kyanya, ngaaba nie Rurema weꞌmilala yoshi yaꞌBahisiraheeri. Nabo, banabe bo bandu baani.»

Hezekyeri 34:16

«Ikyanya bigakizi yangaara-yangaara, binabe bikoli teeresiri, ngakizi gendi bishakula, halinde na mbigalukire i kaaya. Neꞌkyanya bigakizi vunika, ngakizi bibuka. Neꞌkyanya bigaaba bikoli jehusiri, ngabikania indege. Halikago, ngiisi íbishishiri, binabe biki kaniri, byohe, ngabishereeza. Na bwo ndi mungere, ngakizi bilanga byoshi ku njira íkwaniini.

Hosheya 11:8

«E Bahisiraheeri, ka byanganzigira kwo nimùjande? Kutagi kwo nangamùbiika mu maboko gaꞌbagoma? Ka mubwini kwo nangamùshereeza, nga kwo nâli shereziizi akaaya keꞌHadima? Ka nangamùhongolera akaaya, nga kwo nꞌgahongola akaaya keꞌSeboyimu? Nanga maashi! Umutima gwani, gutaki yisiri mu nda! Na ngweti ngamùyuvwirwa indengeerwa bweneene.

Hosheya 2:14

Na kundu agweti agaadeta kwaꞌbakundwa baage bo bakamúheereza ibindu bingi, ngeꞌmizabibu, neꞌbiti byoꞌmutiini, haliko byoshi, ngayiji bishereeza. Ahandu haabyo, ngahahindula mushaka. Inyamiishwa naaho, zo zigakizi birya kwo.

Hosheya 2:9

Kundu angatibita, mbu akulikire abashosi bo akuuziri, atagaki longa ukubaduuka. Na kundu angabashakula, atagaki babona. Haaho, anayiji fololokwa, ti: “Ipwi! Lekaga ngalukire ngana imunda yibanie. Si yaho kare, nâli kizi tuula bwija, ukuhima kwo ngoli tuuziri zeene.”

Hamoosi 5:15

Ngiisi mabi, mukizi gashomba, munabe mukuuziri amiija. Ikyanya mugakizi buulania abandu, mukizi kulikira ibyoꞌkuli. Kwokwo, balya beene Yusefu ábasigiiri, hali ikyanya Nahano Rurema woꞌbushobozi bwoshi angabakejeerera.

Mika 4:4

Si ngiisi mundu agakizi luhuukira mwiꞌdako lyeꞌmizabibu yage, neꞌmizehituuni yage. Ndaakiye mundu úgaki bateera ikyoba. Yaga gooshi, Nahano woꞌbushobozi bwoshi, ye gadesiri.

Mika 4:7

Ee! Balya ábakalemaha, ngakizi balanga. Na kundu bâli yimwirwi, ngashubi bakania, gube mulala gweꞌmisi. Nie Nahano ngaaba mwami wabo ku mugazi gweꞌSayuni, ukulyokera zeene, halinde imyaka neꞌmyakuula!

Mika 5:7

Yabo Bahisiraheeri ábasigiiri, bagayiji gingikwa mu mahanga. Bagagingikwa nga ndare mu nyamiishwa za mu lubako, na nga mwana weꞌndare úwayilala mu kiso kyeꞌbibuzi. Iyo ndare, iri mu yami bisimbira kwo, inakizi bijanganula-janganula, ndaanaye úwangabifuusa.

Mika 5:8

Kwokwo, lyo mugalonga ukuhima abagoma biinyu. Ee! Yabo bagoma booshi, munakizi baminika.

Mika 6:14

Kundu mugakizi lya, si mutagaki yiguta. Amabunda giinyu gagayama gali mamaata. Na kundu mugakizi lunda ibindu, haliko bigakizi nyerera! Ngiisi byo mwasingula, ngaaleka binyagwe ku ngooti.

Mika 7:13

Ikihugo kigaashaka, kinabe kimaata, mukuba ábakoli tuuziri mwo, keera babihuuka bweneene.

Zakariya 10:6

Yabo Bayuda, kuguma naꞌBahisiraheeri, ngabasikamya, na mbakize. Na bwo mbakuuziri, ngashubi bagalulira imwabo. Ngaaba nga ndazindi balahira. Si nie Rurema Nahamwabo. Neꞌkyanya bagambuuna, ngabashuvya.

Mataayo 1:21

Agagibuta mwoꞌmwana woꞌbutabana. Noꞌyo mwana, ukamúyinike iziina Yesu, mukuba ye gaakiza abandu baage mu byaha byabo.»

Mataayo 12:50

Ee! Iri umundu angaba agweti agaagira ubulooze bwa Daata úli mwiꞌgulu, yoyo ye mwene witu, ye na mwali wani, ye na maawe!»

Mataayo 25:40

«Uyo mwami, ti: “Namùbwira ukuli, ngiisi byo mukagirira umuniini wa mu yaba beene witu, ali nie mukabigirira.”

Barumi 8:29

Ee! Rurema âli mali gwanwa amenya abandu baage ku kyanya batâli zaazi ba ho. Akanagwanwa ashungika kwo bashushaane noꞌMwana wage. Kwokwo, uyo Mwana wage, abe ye gaaba fula mu beene wabo bingi!