Mika 4:4 - Kifuliiru

⁴ Si ngiisi mundu agakizi luhuukira mwiꞌdako lyeꞌmizabibu yage, neꞌmizehituuni yage. Ndaakiye mundu úgaki bateera ikyoba. Yaga gooshi, Nahano woꞌbushobozi bwoshi, ye gadesiri.

Mika 4:4 ပူးပေါင်းရင်းမြစ်များ

1 Baami 5:5

Ikyanya Sulumaani âli ki riiri ho, Abayuda booshi, naꞌBahisiraheeri booshi, bâli tuuziri mu butoge. Ngiisi mundu âli jeberiiri mu milandira yage yeꞌmizabibu, na mu biti byeꞌmitiini.

Hayubu 11:19

Neꞌkyanya ugakizi gwejera, utagateerwa noꞌmundu yeshi. Abandu bingi bagakizi yiji kutabaaza.

Zaburi 72:3

Ku migazi kukizi yera ibyokulya bingi. Bikizi yera kiri na ku tugangazi.

Migani 3:25

Iri kiteero kyangakuhikiraga, utagapaapa! Kiri neꞌkyanya banangora-mabi bagayiji kuteera, utagakizi yoboha.

Hisaaya 1:20

Halikago, iri mwangakizi mbindulira ingoto, munabe muli mu huna imbere lyani, haaho, lyaꞌbagoma biinyu bagamùminika ku ngooti. Yago magambo, nie Nahano nie gadesiri.»

Hisaaya 17:2

Kiri noꞌtwaya twa mu mbande zeꞌHaroweri tugaashaka. Ha nyuma, ibibuzi binakizi ragirira mu njira zaatwo. Ndaanaye mundu úwâye bikakaze.

Hisaaya 22:25

Kundu kwokwo, Nahano woꞌbushobozi bwoshi adetaga kwokuno: «Yugwo musumaari, kundu gukakomerwa mu mbahwa ngomu, haliko gugaki tera. Ee! Hagaatama gunaliike, gunatibukire haashi. Kwokwo, ngiisi bindu íbikananikwa kwo, binashereezibwe.»

Hisaaya 26:16

E Nahano, ikyanya twâli kizi gooka, twanakulooza. Ku kyanya tukahanwa, twanakutakira.

Hisaaya 32:17

Yukwo kuli, ikyanya bagakukulikiriza, lyo bagalonga umutuula. Abandu banabe batuuziri noꞌmutuula noꞌbutoge, halinde imyaka neꞌmyakuula.

Hisaaya 36:16

E maashi, mutayuvwe Hezekiya! Si nie mwami weꞌHasuriya nadeta kwokuno: Mutuuze, munayije, gira tunywane. Ha nyuma, ngiisi muguma winyu akabuli lya ibitumbwe byeꞌmizabibu yage, kiri neꞌbitumbwe byeꞌmitiini, ananywe na ku magoloovi mu kirigo kyage.

Hisaaya 40:5

Haaho, lyoꞌbulangashane bwa Nahano bugayerekanwa. Abandu booshi kuguma, bagabubona. Kwokwo, kwo Nahano adesiri.»

Hisaaya 54:14

Ugakizi sikama mu bikwaniini, halinde utaki hahazibwe naꞌbagoma. Utanaki be noꞌlushunguti, mbu uyobohe ikindu kyoshi. Ikyoba kigaamala.

Hisaaya 58:14

Iri mwangatuula kwokwo, lyo mugashambaala mu kati kaani. Ngakizi mùkuza bweneene, ninamùgingike. Ngiisi byo shokuluza winyu wa Yakobo âli kizi haabwa, na niinyu ngashubi mùheereza byo lwoshi.» Yago magambo, Nahano ye gadesiri.

Yeremiya 30:10

«E beene Yakobo, muli bakozi baani! Ku yukwo, mutayobohe. E Bahisiraheeri! Mutavunike indege.» Kwokwo, kwo Nahano adesiri. «Ngamùlyosagya mu buja i mahanga. Kiri naꞌbaana biinyu, bagalyoka yo. Beene Yakobo bagashubi tuula ku butoge, mu kati koꞌmutuula. Ndaanaye mugoma úgashubi bateera ikyoba.

Hezekyeri 34:25

«“Kwokwo, twe naꞌbandu baani, tuganywana ikihango, halinde banatuule mu mutuula. Ngabalyokeza inyamiishwa ndangi mu kihugo, lyo balonga ukuramba mwiꞌshamba buzira mbuzi-mbuzi, banakizi gwejera mu kishuka.

Hezekyeri 34:28

«“Batagaki shubi gwatwa imbira neꞌbinyamahanga. Kiri neꞌnyamiishwa, zitagaki shubi bajanganula. Haliko, bakola bagaramba mu mutuula, ndaanaye úgashubi bakakaza.

Hezekyeri 38:11

Munadetage, ti: “Ikihugo kyabo kitazitiirwi, ndaanayo miryango bagweti, kandi iri bihamiko. Aaho! Tugagendi kiteera. Si batuuziri mwo mu mutuula, buzira ngerania!

Hezekyeri 39:26

Ikyanya bagaaba bakoli tuuziri mu kati koꞌmutuula mu kihugo kyabo, buzira kushubi kakazibwa, lyo bagayami yibagira ngiisi kwo bakahuna imbere lyani, na ngiisi kwo bakateezibwa ishoni.

Balaawi 26:6

«Ngamùleetera umutuula, munakizi gwejera buzira kuyikanga-kanga. Ninamùyimulire inyamiishwa ndangi. Kiri naꞌbagoma, batagakizi yiji mùteera.

Mika 5:3

Ku yikyo kyanya, umukulu wabo agayimanga, anakizi hahalira abandu baage. Agaaba neꞌmisi ya Nahano, anabe noꞌbushobozi bwiꞌziina lya Rurema Nahamwabo. Kwokwo, Abahisiraheeri bagaramba mu kati koꞌmutuula. Mukuba, uyo mukulu agakuzibwa bweneene mu bihugo byoshi,

Sefaniya 3:13

Abahisiraheeri ábagaaba basigiiri, batagaki huba, batagaanaba banabibeesha, bataganaki henderezania. Si bagakizi longa ibyokulya, banagwejere. Ndaanaye mundu úgayiji bateera ikyoba.»

Zakariya 3:10

Yulwo lusiku, ikyanya lugahikaga, mugalalikana mwenyene kwa mwenyene, mu kati koꞌmutuula, munagendi shambaalira mu ndalo ziinyu zeꞌmizabibu, na mu bimbehwa byeꞌbiti biinyu byeꞌmitiini.»