Mika 4:12 - Kifuliiru

¹² Kundu kwokwo, yabo bandu batayiji ngiisi byo Nahano atoniri, batanasobanukiirwi neꞌshungi zaage. Si Nahano agweti agabakuumania nga mihuli yeꞌmbuto ízigagendi komwa.

Mika 4:12 ပူးပေါင်းရင်းမြစ်များ

Zaburi 147:19

Rurema akamenyeesa Abahisiraheeri igambo lyage, kuguma neꞌmaaja zaage, naꞌmategeko gaage.

Zaburi 147:20

Yibyo byoshi, atakabimenyeesa mu bandu beꞌgindi milala. Si boohe, batayiji imaaja zaage! Tukizi huuza Nahano!

Hisaaya 10:7

Yabo Bahasuriya, kiziga batayiji kwo nie gweti ngabakoleesa! Si inzaliro zaabo, ziri kundi-kundi! Boohe, baloziizi naaho kwo bagendi shereezania lwoshi, halinde bagwanwe keera baminika abandu mu mahanga mingi-mingi.

Hisaaya 21:10

E Bahisiraheeri, mukahuulwa nga ngano, mwanayeluulwa. Kundu kwokwo, mukiri bandu baani. Kwoku, hali indumwa yo Nahano woꞌbushobozi bwoshi andumiri. Ee! Ali Rurema waꞌBahisiraheeri.

Hisaaya 29:7

Yibyo binyamahanga, ikyanya bigayiji teera i Yerusaleemu, booshi bagayami zimiira ngana, nga birooto. Mu kulooza ukuteera i Yerusaleemu, bagaaba bagisokaniini. Kundu kwokwo, bagazimiira ngana ngaꞌmabone ga mu bushigi.

Hisaaya 55:8

Nahano adetaga kwokuno: «Imitono yani, itali yo yeꞌmwinyu. Noꞌbulyo bwo muli mu kola mwo, butali bwo bweꞌmwani.

Yeremiya 29:11

Ee ma! Ngiisi byo nimùshungikiiri, mbiyiji bwija. Yizo shungi zaani, zitali za kumùlibuza, si ziri hiꞌgulu lyoꞌkumùgenduusa. Nie gaatuma mugaaba noꞌmulangaaliro, halinde munagenduukirwe mu siku ízigayija.

Yeremiya 51:20

Nahano adetaga kwokuno: «E Bababeeri, muli nyundo yani, yo ndi mu koleesa mu kulwa. Ngweti ngamùkoleesa, gira nvungule ibinyamahanga, halinde na njereeze kiri naꞌmaami gaabo.

Yeremiya 51:33

Nahano woꞌbushobozi bwoshi, Rurema waꞌBahisiraheeri, adetaga kwokuno: «Abababeeri, abagoma bakola mu bahinyata-hinyata, nga kwo bali mu yeluula ingano ku kyanya kyeꞌmimbu. Ee! Ikyanya kyoꞌkuyimbula i Babeeri kikola kigaahika.»

Yuheeri 3:2

Mu yizo siku, ngayonera Umutima gwani kiri na ku bakozi, abashosi naꞌbakazi.»

Luka 3:17

Akoli fumbiiti ulwibo, gira ayeruule ibyula mu ngano. Irya ngano, agagikumaniza mu kihinda kyage. Si ibyula byohe, agabiduulika mu muliro, gutanâye zime.»