Mika 2:4 - Kifuliiru

⁴ Yizo siku, abagoma bagakizi mùhonyoleza. Banakizi yimba yulu lwimbo lwaꞌmaganya hiꞌgulu liinyu, ti: «Ala twe! Keera tukahererekera, twanamirwa lwoshi-lwoshi! Nahano keera akatunyagaga ikihugo kiitu, anakigabira abagoma biitu.»

Mika 2:4 ပူးပေါင်းရင်းမြစ်များ

2 Samweri 1:17

Mu yikyo kigandaaro, Dahudi anakizi yimba ulwimbo lwoꞌmwizingeerwe hiꞌgulu lya Sahuli, na mugala wage wa Yonataani.

2 Kutondobola 35:25

Uyo Yosiya, umuleevi Yeremiya anateera ulwimbo lweꞌkimombo hiꞌgulu lyage. Abahisiraheeri bali mu ba noꞌmugeeza gwoꞌkuyimba hiꞌgulu lya Yosiya mu kimombo kyabo, halinde zeene. Yizo nyimbo zeꞌkimombo, ziri nyandike mu bitaabo byabo.

Hayubu 27:1

Hayubu anagenderera ukudeta kwokuno:

Hisaaya 14:4

Ku yulwo lusiku, mugahonyoleza mwami weꞌBabeeri kwokuno: «Honyo! Uyo mwami weꞌBabeeri, kundu âli kizi tushundeeza, si leero ubulangi bwage bwamala!

Hisaaya 24:3

Ikihugo kigashereezibwa, kishahulwe lwoshi-lwoshi. Kwokwo, kwo Nahano adesiri.

Hisaaya 6:11

Nanabuuza: «E Nahamwitu, yibyo byoshi, ngwiriiri ukukizi bigira, halinde mangoki?» Naye, ti: «Ukizi giraga kwokwo, halinde ku kyanya utwaya twabo tugaaba tusigiiri mushaka. Neꞌnyumba zaabo, zinasigale biguuka. Neꞌkihugo kyabo kinasherebere lwoshi-lwoshi.

Yeremiya 14:18

Ikyanya ndi mu genda mu mbingiro, ndi mu gwana mweꞌbirunda bya ábakayitwa neꞌngooti. Neꞌkyanya ndi mu yingira mu kaaya kahamu na ngwane mwaꞌbandi, bakola mu fwa niꞌshali. Kiri naꞌbaleevi naꞌbagingi, keera bakatwalwa hala mu mahanga go batayiji.”»

Yeremiya 4:13

«Lolagi! Umugoma agweti agatuyijira, akola mu tukanga nga kibungu íkiyidisiri. Amagaare gaage giꞌzibo gali mu suula umulindi, nga kihuhuuta. Ifwarasi zaage zigweti zigaganga mulindi ukuhima utushuta. Ala twe! Si tukolaga tugaahera!

Yeremiya 6:12

Inyumba zaabo, zigahaabwa abandi bandu, kiri neꞌndalo zaabo, na bakaabo. Ngabahana ngana-ngana ku bushobozi bwani.» Kwokwo, kwo Nahano adesiri.

Yeremiya 8:10

«Balya bandu, booshi bagweti bagakubirira ibindu, baba bato, kandi iri bakulu. Ngiisi muguma wabo agweti agayihahalira yenyene. Kiri naꞌbaleevi, naꞌbagingi, ubulyalya bubayisiri. Ku yukwo, bakaabo, ngabaheereza abandi bashosi. Kiri neꞌndalo zaabo, ngaziheereza abandi.

Yeremiya 9:10

Nahano adetaga kwokuno: «Akaaya keꞌYerusaleemu, ngakagira bibe biguuka, gunabe mushaka, halinde kanahinduke igomberano lyeꞌmirunga. Abandu ba mu twaya tweꞌBuyuda, ngabashaabula, halinde yutwo twaya tusigale tuzira bandu.»

Yeremiya 9:16

Nahano woꞌbushobozi bwoshi, adetaga kwokuno: «Yaga magambo, mugirage mugayitoneese kwo! Munalaalike abakazi ábayiji ukulira ku mabiihe, banabe ngana bayiji umukolwa gwabo.

Hezekyeri 16:44

«E bandu beꞌYerusaleemu, ngiisi úloziizi ukumùtwira kwoꞌmugani, angagutwa kwokuno: “Umwana woꞌbunyere, ali mu yigira ku nyina.”

Hezekyeri 2:10

Mwene kyo, anakibunguula mu masu gaani, nanabona kwo kyâli yandisirwi mwaꞌmagambo geꞌkimombo, na gaꞌmalira, na goꞌruhombo. Yibyo byoshi, byâli yandisirwi imbande zombi.

Yuheeri 1:13

Na niinyu, e bagingi! Muyambalage ibyambalwa byoꞌkugandaara. Mwe mugweti mugaakola ha katanda ka Nahano, mulirage. Mwe mugweti mugakolera Rurema, mulaale muyambiiti amasuuzu. Mukuba abandu, ndaakiryo ituulo lyoꞌmushyano kandi iri lyeꞌdivaayi bakiri mu tanga mu nyumba ya Rurema.

Yuheeri 1:8

Kwokwo, mulirage! Mukizi ba ngoꞌmunyere úgweti úgabululuka mu kigandaaro kyeꞌshasha yage.

Hamoosi 5:1

E Bahisiraheeri! Muyuvwirize bwija yulu lwimbo lwani lweꞌkigandaaro: Muyuvwagwe ngiisi kwo ngweti ngamùganyira.

Hamoosi 5:17

Mu ngiisi ndalo zeꞌmizabibu, mugaaba ikimombo naaho. Balya booshi, ngabaminika ngana.» Kwokwo, kwo Nahano adesiri!

Mika 1:15

Mwe mutuuziri mu Maresha, ngaleeta indwani ziyiji yabiira ikihugo kiinyu. Mwami waꞌBahisiraheeri, kundu ashuba noꞌbulangashane, haliko agagendi yibisha mu lwala lweꞌHadulaamu.

Mika 1:8

Hiꞌgulu lya yubwo buhanya, ngagongeera noꞌkulira. Na ngizi genda bukondwe, buzira kuyambala ibiraato, kandi iri mirondo yoshi. Ngakizi moka nga nyambwe, na ngizi gongeera nga nafufulu.

Mika 2:10

Aaho! Yimuki, mulyokage hano! Kino kihugo kitakiri kyeꞌmwinyu, mutaganaki kiluhuuka mwo. Si keera mukakiyulubaza, kinakoli lindiriiri naaho ukushereezibwa!»

Habakuki 2:6

Abandu mwene yabo bagakizi mùhonyoleza, ti: “Yayewe imwinyu! Mwe mugweti mugayilundira íbitali byeꞌmwinyu. «“Munagweti mugayilugiza imyenda, mutanali mu giyishula! Aahago! Amagambo mwene yago, ka gangagenderera? Nanga, maashi!”

Sefaniya 1:2

Nahano adetaga kwokuno: «Ngashereeza byoshi íbiri mu kihugo!

Muharuuro 23:18

Ulya Balaamu anatanga ubuleevi kwokuno: «E Balaaki mugala Zipoori! Yinamuka, undege amatwiri.

Muharuuro 23:7

Ulya Balaamu anatangaga yubu buleevi: «Mwami Balaaki andumira, njaage i Haraamu, na nyije hano. Ee! Bwo ye mwami weꞌMohabu, andumira ukulyoka mu migazi yeꞌsheere. Anambwira: “Yijaga, undaakire beene Yakobo. Ee! Uyiji daaka Abahisiraheeri.”

Muharuuro 24:15

Lyeryo, Balaamu anatanga yubu bundi buleevi kwokuno: «Yubu, bulyagagi buleevi bwa Balaamu mugala Behoori. Yubu buleevi, mbubwini ku bweranyange.

Muharuuro 24:3

anatangaga ubuleevi kwokuno: «Balaamu mugala Behoori, akayigulirwa ubuleevi, anabubona neꞌnooka. Yubwo buleevi bwage, abubwini ku bweranyange.

Mariko 12:12

Gulya mugani, ikyanya Yesu akagutwira yabo bakulu, banayami menya kwo agutwa hiꞌgulu lyabo. Kyanatuma bagalooza ubulyo bwoꞌkuyami múgwata. Haliko, bâli yobohiri, bwo yabo bandu bâli bingi, banatee músiga, banayigendera.

Bukengeeze 28:29

Ikyanya kyaꞌkalenge-renge, mugakizi genda mugweti mugamamaata, nga mbumi. Ngiisi kwo mugakizi geregeza ukugira, mutagagenduukirwa. Ngiisi lusiku, abanyazi bagakizi mùtindimaza, banamùzimbe, ndaanaye úgaki mùkiza mu maboko gaabo.