Mika 1:8 - Kifuliiru

⁸ Hiꞌgulu lya yubwo buhanya, ngagongeera noꞌkulira. Na ngizi genda bukondwe, buzira kuyambala ibiraato, kandi iri mirondo yoshi. Ngakizi moka nga nyambwe, na ngizi gongeera nga nafufulu.

Mika 1:8 ပူးပေါင်းရင်းမြစ်များ

2 Baami 18:13

Uyo mwami Hezekiya, ikyanya akahisa imyaka ikumi niꞌna atwaziri, lyo mwami Senakeribu weꞌHasuriya akayiji teera utwaya twoshi tuzitire tweꞌBuyuda, anatugwata.

Hesiteeri 4:1

Birya byoshi íbikakoleka, iri Moredekaayi akabimenya, anayami daatula ibyambalwa byage. Anayambala ubusuuzu, iri anayishiiga umunyota-kiiko. Ha nyuma, anagenda mu kaaya agweti agabululuka.

Hayubu 30:29

Kundu kwokwo, bagweti bagambwira kwo ngoli komberiinwi na banyambwe, na kwo ngomeriini naꞌkanyuni hotiriishe.

Zaburi 102:6

Ngola mu shiiba ngweti ngagongeera naaho. Na ngoli jambiri ngana, halinde amavuha gaani gakoli bonesiri hooshi mu luhu.

Hisaaya 13:21

Inyamiishwa naaho, zo zigatuula mwo. Inyumba zaabo zigaashaka, zinayifunde mweꞌmirunga. Banafufulu nabo, banayubake mweꞌngisha. Noꞌtusa tugakizi guruka mwo.

Hisaaya 13:22

Indama-kumulinga zigakizi yanira mu nyaala zaamwo. Na kundu inyumba zishubi limbiri bweneene, haliko, imirunga igakizi zimokera-mokera mwo. Akaaya keꞌBabeeri kakolaga kagaahera lwoshi-lwoshi! Isiku ízikasigiriiri, zikola nga ndaakizo.

Hisaaya 16:9

Na bweꞌyo mizabibu yeꞌShibima isherebiiri, yabo bandu beꞌYazeeri, tukola mu lirira kuguma. Tunakola mu lirira kuguma naꞌbandu beꞌHeshibooni naꞌbeꞌHereyale. Si batâye ki yimbule ibitumbwe, batanâye ki bande akabuuli ku bushambaale!

Hisaaya 21:3

Ala nie! Ngoli yuvwiti ubulyanirwe mu kibuno. Bukola mu lyana nga mukero gwoꞌmukazi. Ngiisi byo ngola mu yuvwa, bikoli nyobohesiizi! Kiri na byo ngola mu bona, biri mu mbiika uluhuha.

Hisaaya 22:4

Kwokwo, namùbwira: «Abandu baani keera bakashereezibwa. Aahago! Mundeke ngana ndee balirira ku kimombo. Mutandwaze! Mutanagire mbu mumboleeze.»

Hisaaya 32:11

E bakazi, kundu muki jeberiiri, ndaanabyo muhahiiri, si mukwiriiri mulengage mweꞌkinyukura. Aaho! Mukaturure ibyambalwa biinyu, munakenyere amasuuzu, mu kuyerekana kwo mukoli jengiirwi.

Yeremiya 4:19

Umutima gwani gukola mu lyana! Gukola mu lyana bweneene! Keera gwanatulagula! Umutima gwani, gugweti gugapuupa-puupa ngana! Si keera nayuvwa ibibuga bikola mu dihirizibwa, kuguma noꞌlujongo lweꞌkiteero. Ku yukwo, ndagaki hulika.

Yeremiya 9:1

«Yaba bandu baani, balyagagi bahuni, banali bashule. Aahago! Nangaloziizi ukubajanda, na nyigendere, ngendi tuula haꞌbageezi bali mu shumbika mwiꞌshamba.

Yeremiya 9:10

Nahano adetaga kwokuno: «Akaaya keꞌYerusaleemu, ngakagira bibe biguuka, gunabe mushaka, halinde kanahinduke igomberano lyeꞌmirunga. Abandu ba mu twaya tweꞌBuyuda, ngabashaabula, halinde yutwo twaya tusigale tuzira bandu.»

Yeremiya 9:19

Mwe bakazi, mutegage amatwiri, gira muyuvwe ngiisi kwo Nahano adeta. Mukizi komeereza banyere biinyu ukulira ku mabiihe. Mukizi yigirizania luno lwimbo lweꞌkimombo:

Hezekyeri 32:18

«E mwana woꞌmundu, ulirire Abamiisiri booshi, gira yago malira gabamanulire i kuzimu, bagwane yeꞌbindi bikalage keera íbikafwa. Kwokwo, bagendi beeranwa naꞌbaabo ábakoli gimanukiiri.

Mika 2:4

Yizo siku, abagoma bagakizi mùhonyoleza. Banakizi yimba yulu lwimbo lwaꞌmaganya hiꞌgulu liinyu, ti: «Ala twe! Keera tukahererekera, twanamirwa lwoshi-lwoshi! Nahano keera akatunyagaga ikihugo kiitu, anakigabira abagoma biitu.»

1 Samweri 19:24

Ku kyanya Sahuli âli riiri imbere lya Samweri, anahogola ikanju lyage, anagwejera haashi, anamala umulege-rege gwoshi, ubushigi niꞌzuuba, agweti agatanga ubuleevi. Kyanatuma abandu bagaadeta, ti: «Emwe! Ka Sahuli naye akolaga mu baleevi?»