Mika 1:6 - Kifuliiru

⁶ Kwokwo, ngahindula i Samariya ibe ndundo yaꞌmabuye. Injira zaayo, leero zigalimwa, banakizi byala mweꞌmizabibu. Amabuye ágâli biisirwi mu nzitiro, ngagahirikira i kabanda, halinde indaliro zisigale bwanuula.

Mika 1:6 ပူးပေါင်းရင်းမြစ်များ

2 Samweri 17:13

Neꞌri angapuumukira mu kaaya kalebe, Abahisiraheeri booshi bagaleeta utukoma, banakashaabule. Naꞌmabuye gaako, banakizi gabetula, banagaseehere mu ndekeera. Kiri noꞌlubwegeje lwamwo, ndaalwo bagaasiga.»

2 Baami 18:10

Balya Bahasuriya, iri bakahisa imyaka ishatu basokaniini i Samariya, banagigwata. (Ikyanya kakagwatwa, Hezekiya âli kola neꞌmyaka ndatu atwaziri. Na Hosheya waꞌBahisiraheeri, âli kola neꞌmyaka mwenda.)

2 Baami 18:9

Uyo Hezekiya, iri akahisa imyaka ina atwaziri, mwami Shalimanezeeri weꞌHasuriya anayiji teera akaaya keꞌSamariya. Abasirikaani baage, banatondeera ukukasokanana. (Yibyo, bikakoleka mu mwaka gwa kalinda gwoꞌbutwali bwa Hosheya mugala mwami Hela waꞌBahisiraheeri.)

2 Baami 19:25

«“E mwami weꞌHasuriya, ka utazi yuvwa? Yiri igambo, si nie Nahano, nâli mali gwanwa nalishungika yaho kare! Ngiisi igambo lyo ngola mu kwiza, keera nꞌgagwanwa nalishungika. Na íbitumiri nꞌgakuyimika, gira uhongole tulya twaya tuzitire, halinde tunahinduke biguuka.

Hisaaya 17:1

Ino ndumwa ya Rurema, iri hiꞌgulu lyaꞌkaaya keꞌDamasiki. Lolagi! Akaaya keꞌDamasiki kâye sibe, kanasigale biguuka naaho.

Hisaaya 25:12

Inzitiro zoꞌtwaya twabo, kundu ziryagagi ngomu, haliko Nahano agazihongola, anazibumbulike haashi.

Hisaaya 25:2

Akaaya kaꞌbagoma, inzitiro zaako, keera zikahongolwa. Na buno, ikoli sigiiri naaho ndundo yaꞌmabuye. Ee! Kalya kaaya, kundu bakakayubakira inzitiro ngomu, haliko, katakiri ho, katanâye ki yubakululwe.

Yeremiya 31:5

Mugashubi kizi byala imizabibu mu migazi yeꞌSamariya. Ee! Abalimi bagagibyala, banakizi gilya ku bushambaale.

Yeremiya 51:25

Nahano adetaga kwokuno: «E Babeeri, uli mugazi gwoꞌbushereeze. Mukuba, ugweti ugashereeza amahanga gooshi. Kundu kwokwo, ndyagagi mugoma wawe. Ngakuhaga, na ngunyanyage haashi. Hanatame, unasigale ugasingoolwa noꞌmuliro.

Yeremiya 51:37

Akaaya keꞌBabeeri, ngakahindula bibe biguuka, halinde linabe igomberano lyeꞌmirunga. Ikyanya abandu bagaabona kwokwo, bagakanguka. Ndaanaye úgaki katuula mwo.

Yeremiya 9:11

Aahago! Yibyo byoshi, nyandagi mwitegeereza, úwangabisobanukirwa? Na nyandi úkaganuuza Nahano, halinde anamúbishuuka íbitumiri ikihugo kyashereera? Kituma kikagi ikihugo kikola kimaata ngiꞌshamba? Na kituma kiki ndaaye mundu úkiri mu kilenga mwo?

Kimombo 4:1

Inooro, kundu ishuba njukiirize, inashubi keyengiini, halikago keera yakulubuka. Kiri naꞌmabuye ágakeyengiini ga mu nyumba ya Rurema, keera gakashaabulwa bwalaafwe mu njira zaꞌkaaya.

Hezekyeri 13:14

Yulwo luzitiro, kundu bakalushiiga kwoꞌluhemba, si ngaki luhongolera haashi, halinde ulutaliro lunasigale lumaata. Yikyo kyanya lugayihongoleka haashi, na niinyu, lugamùvungula-vungula. Kwokwo, lyo mugaamenya ku kasiisa kwo nie Nahano.

Hamoosi 5:11

Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

Hamoosi 6:8

Rurema Nahamwitu ashiikiza kwokuno: «Nga kwo nyamiragi nie Rurema, yuku kuyikangaata kwaꞌBahisiraheeri, keera kwanyaagaza ngana-ngana! Inyumba zaabo, kundu ziryagagi ngomu, si keera zannenuuka. Ku yukwo, yaka kaaya keꞌSamariya, ngakabiika mu maboko gaꞌbagoma, banakashereeze kuguma na íbikali mwo byoshi.»

Mika 3:12

Hiꞌgulu liinyu, kyo kitumiri akaaya keꞌYerusaleemu kagahingwa nga ndalo, kanahinduke biguuka! Na ngiisi ho bayubasiragi inyumba ya Nahano, hooshi, hagaamera ibishungu-shungu.

Habakuki 3:13

Si abandu baawe boohe, ukagendi bakiza, wanafuusa kiri noꞌlya mutaluule wawe. Balya banangora-mabi, wanafuta umutwali wabo, kiri na ábakamúyibiika kwo booshi.

Mataayo 24:2

Yesu anababwira: «Namùbwira ukuli, kwo yibi byoshi byo mubwini hano, byoshi, bigahongolerwa haashi. Ndaalyo ibuye írigasigala ku lyabo.»