Mika 1:11 - Kifuliiru

¹¹ Mwe mutuuziri i Shafiiri, ikyanya mugatwalwa i mahanga, mugagenda mukola bukondwe, munakoli teziibwi ishoni. Abatuulaga beꞌZanaani balahiiri kwo batagahuluka mu luzitiro lwabo. Abandu beꞌBeeti-Hezeeri, kundu bagweti bagaalira, si ndaabwo butabaazi bagalonga.

Mika 1:11 ပူးပေါင်းရင်းမြစ်များ

Hisaaya 16:2

Abakazi beꞌMohabu bakolaga nga tunyuni útukayimulwa mu ngisha zaatwo. Banakoli loziizi ukujabuka ulwiji Harinooni, gira bashaage mu kihugo kyabo.

Hisaaya 20:4

Mwami weꞌHasuriya agashaaza abandu beꞌMiisiri naꞌbeꞌHendyopiya, anabatwale imbohe. Imisore, kiri naꞌbashaaja, booshi bagatwalwa balyagagi bukondwe, na bazira biraato. Yohoo! Kiri neꞌnio zaabo, zigaboneka ku bweranyange! Balya Bamiisiri, kwokwo kwo bâye teezibwe ishoni!

Yeremiya 13:22

Hali ikyanya mwangayibuuza, ti: “Yibi byoshi, kituma kiki bikola mu tuhikira?” Íbitumiri biri kwokwo, bwo mukoli yifuuziri mu byaha. Kyo kitumiri bakola mu mùkaturura imirondo, banamùgumbiire.

Yeremiya 48:6

E balya! Mutibitage, gira muyikize. Mugendi yibisha mwiꞌshamba.

Yeremiya 48:9

Ku kasiisa, yikyo kihugo kyeꞌMohabu, kigashereezibwa ngana-ngana! Ku yukwo, munakihumbire ishinda, kinasigale ishamba limaata, ndaanaye mundu úgaki kituula mwo.

Hezekyeri 16:37

«Yehee! Yabo bakundwa baawe booshi, uba uki bakuuziragi, kandi iri nanga, ngabakuumania. Kwokwo, mango booshi bakuumana, na nguhogolage imirondo, unayimange imbere lyabo uli busha.

Hezekyeri 23:29

Na bwo bakoli kushombiri, bakola bagakunyaga byoshi byo ukakolera, banakusige bukondwe. Bwo ukolaga mushule, ishoni zigaboneka ku bweranyange. Yaga makuba, ubusambani bwawe,

Mika 1:8

Hiꞌgulu lya yubwo buhanya, ngagongeera noꞌkulira. Na ngizi genda bukondwe, buzira kuyambala ibiraato, kandi iri mirondo yoshi. Ngakizi moka nga nyambwe, na ngizi gongeera nga nafufulu.

Nahumu 3:5

Kwokwo, Nahano woꞌbushobozi bwoshi adetaga kwokuno: «Umulondo gwawe, ngolaga ngagushonia halinde kwiꞌtwe. Kwokwo, lyaꞌbandu baꞌgandi maami gooshi babone ubukondwe bwawe, iri banakuteeza ishoni.

Zakariya 14:5

Mwomwo mwiꞌyo ndekeera, mwo mugatibitira. Igayajabuka halinde i Hashali. Mugatibita, nga kwo bashokuluza biinyu nabo bakatibita hiꞌgulu lyoꞌmusisi, ku kyanya kyoꞌmwami Huziya weꞌBuyuda. Haaho, lyo Nahano Rurema wani, agayija ali kuguma naꞌbaganda baage bataluule.

Yoshwa 15:37

NeꞌZenani, neꞌHadasha, neꞌMigidaali-Gaadi,