Migani 5:3 - Kifuliiru

³ Umukazi mushule ali mu yeruzania ku magambo manunu nga buuki. Ehee! Gali mu ba gatyeriiri ukuhima amavuta.

Migani 5:3 ပူးပေါင်းရင်းမြစ်များ

Zaburi 55:21

Ulya úshuba mwira wani, kundu tukanywana ikihango twe naye, haliko anagendi kihongola, anayiji ndeera.

Migani 2:16

Ubwitegeereze bugakukiza na ku mukazi mushule. Uyo mukazi, ehee! Ali mu gira mbu akuyeruze ku magambo malembu-malembu.

Migani 22:14

Amagambo goꞌmukazi mushule, kiri kirimbi-rimbi kila bweneene. Ngiisi ye Nahano arakariiri, agakitibukira mwo.

Migani 5:20

E mugala wani, utakolwagwa mbu ube muja woꞌbushule. Hatanagire muka ugundi mushosi ye ugakizi hoobera.

Migani 6:24

Yibyo byoshi, bigakizi kulanga noꞌmukazi waꞌmahimba mabi, Binakulange kiri naꞌmagambo goꞌmukazi mweruzi.

Migani 7:21

Kwokwo, kwoꞌyo mushule akahubiisa yugwo musore ku magambo manunu-manunu. Anagulevya, mu kugulyeryega.

Migani 7:5

Iri wangaba noꞌbwitegeereze, bwo bugakizi kukingira noꞌmukazi mushule. Kundu agweti agalyeryegana, haliko ugaaba noꞌbulyo bwoꞌkumúyiyeka.

Mwigiriza 7:26

Nꞌgayiji bonaga kwaꞌbakazi ábali mu yeruzania, bali mu babazania bweneene, ukuhima ulufu. Abakazi mwene yabo, imitima yabo, iri mitego. Naꞌmaboko gaabo, gali mu naniira abashosi nga migufu. Kundu kwokwo, ngiisi úgweti úgasimiisa Rurema, ali mu bayiyeka. Si umunabyaha yehe, uyo mukazi agayami múbirigisha, wa biri!

Lwimbo Lwija 4:11

E shasha yani, ikyanya tugweti tuganyunyugutana, imishushu yawe, iri mu nuna ngana, ngoꞌbuuki. Ululimi lwawe, luli mu huluka mwaꞌmata noꞌbuuki. Ewe! Ibyambalwa byawe, bigweti bigahuumura ngeꞌbiti byeꞌLebanooni.