Migani 2:4 - Kifuliiru

⁴ Yubwo bwitegeereze, ukizi bushakula nga kwo wangashakula iharija. Na kundu bwangaba nga bubishirwi, ukizi bulooza ngana.

Migani 2:4 ပူးပေါင်းရင်းမြစ်များ

Mataayo 13:44

«Ubwami bwa mwiꞌgulu, buli nga kindu kyeꞌkishingo kihamu bweneene, íkyâli bishamiri mu ndalo. Neꞌkyanya umundu akakihulukira kwo, ti yee! Anashambaala bweneene! Lyeryo, anashubi kibisha mwomwo mwiꞌyo ndalo, anatee gendi guliisa byoshi byo âli gweti, anayiji gigula.

Mataayo 19:29

«Umundu, iri angaba asiga inyumba hiꞌgulu lyani, kandi iri asiga beene wabo, kandi iri baali baage, kandi iri yishe, kandi iri nyina, kandi iri baana baage, kandi iri ndalo, uyo, ku ngiisi byo akasiga, agayakiira ubugira kali igana. Na ha nyuma, analonge ukulama imyaka neꞌmyakuula!

Migani 16:16

Iri wangalonga ubwitegeereze, kwo kukulu ukuhima inooro. Ee! Ho wangalonga iharija, ukulonga ubumenyi kwo kukulu.

Hayubu 3:21

Yabo bandu, kundu bayifwijiri ulufu, haliko batali mu lubona. Bagweti bagalooza ukufwa, ukuhima ho bangalonga ibindu biija íbibishamiri.

Luka 16:8

«Irya ngengya yoꞌmwimangizi, nahamwabo anagihuuza ku bulya bweshu bwayo. Ee! Abandu beꞌkihugo, bo bali mu ba beeshu bweneene mu kukoleesa ibindu byabo boonyene kwa boonyene, ukuhima abandu boꞌmulengeerwe.

Mwigiriza 4:8

Hâli umundu úwâli tuuziri yenyene. Atâli hiiti mwene wabo, atanâli busiri. Kundu kwokwo, âli kizi koleereza bweneene. Ulya mundu âli kizi yiloogeza ibindu, halinde bibe katundu. Neꞌri hakazinda, anakizi yibuuza kwokuno: «Ikyanya ngweti ngayitubanula mwene yuku, biryagagi hiꞌgulu lya nyandi? Emwe! Kituma kiki ngweti ngayibuliisa ubushambaale?» Aaho! Yibyo nabyo, si biryagagi bya busha-busha! Bigweti bigaavuna umutima.

Migani 23:23

Ukizi yiga ibyoꞌkuli, utanaki shubi kujandagira. Na kwakundi, ukizi looza ubwitegeereze, unabe uyiji ukuyihangaana, iri unasobanukirwa.

Zaburi 119:127

Haliko niehe, ngakuuziri ukuhima inooro, kiri neꞌnooro muguuhya.

Zaburi 119:72

Amigirizo gaawe gambitiiri akamaro bweneene, ukuhima akatundu keꞌnooro, kandi iri keꞌharija.

Zaburi 119:14

Ikyanya ndi mu kulikira imaaja zaawe, ndi mu zishambaalira, nga kwoꞌmundu angashambaalira ubugale bwage.

Zaburi 19:10

Ukusimbaha Nahano kukwaniini bweneene, kuganayama ho, halinde imyaka neꞌmyakuula. Imaaja zaage zisikamiri, zinakwaniini lwoshi-lwoshi.

Migani 2:3

Ukizi huuna kwo uhaabwe ubwitegeereze, unakizi ndakira, lyo ulonga ukusobanukirwa.

Migani 8:17

Ngiisi ábanguuziri, naani mbakuuziri. Na ngiisi ábagweti bagandooza, bagayiji ndonga.

Ndondeko 26:32

Lwolwo lusiku, abakozi ba Hisake, banayiji múmenyeesa kwo kirya kirigo kyo bashuba mu toboolola, kyayija mwaꞌmiiji.

Migani 4:7

Ubwitegeereze, bwo busumbiragi byoshi. Ku yukwo, ubulooze bweneene. Kundu wangamala byoshi byo uhiiti, ukizi sobanukirwa.