Mataayo 4:16 - Kifuliiru

¹⁶ Yabo bandu, kundu bâli tuuziri mu kihulu, haliko bakoli tundukiirwi noꞌmulengeerwe muhamu. Kundu bâli tuuziri mu kihulu kyoꞌlufu, si buno bakolaga mu mulengeerwe.»

Mataayo 4:16 ပူးပေါင်းရင်းမြစ်များ

Hayubu 10:22

Yikyo kihugo, kiyidisiri mweꞌkihulu ngana-ngana. Kiri mwoꞌmwizingeerwe naꞌkalugi. Iyo munda, kiri ulukeera lwayo luli kihulu namudidi.”»

Hayubu 3:5

Yulwo lusiku, luyizingage mweꞌkihulu kya namudidi. Ikibungu kiiru kilubishe, halinde ikihulu kilubwikire.

Hayubu 34:22

Kiri neꞌkihulu, kundu kyangabiiri kya namudidi, kitangabisha banangora-mabi mu masu gaage.

Zaburi 44:19

Imitima yitu itazindi kuhinduka, tutanazindi janda injira yawe.

Hisaaya 9:1

Abandu, kundu bâli kizi mamaata mu kihulu, haliko bakoli tundukiirwi noꞌmulengeerwe muhamu. Kundu bâli tuuziri mu kihulu namudidi, si buno bakolaga mu mulengeerwe!

Hisaaya 9:2

E Rurema! Keera ukakuza ikihugo kiitu, halinde abandu baawe bakola mu kushambaalira. Bagweti bagakizi shambaala imbere lyawe, nga bandu ábali mu shambaalira umwimbu, na nga bandu ábagweti bagaagaba iminyago.

Yeremiya 13:16

Mukizi huuza Rurema Nahamwinyu, átazi mùyingiza mu kihulu, mútanazi siitara mu migazi hiꞌgulu lyeꞌkihulu. Kundu mulangaalire kwoꞌmulengeerwe gugamùtanguulira, haliko hali ikyanya angamùtumira ikibungu kiiru, neꞌkihulu namudidi.

Hamoosi 5:8

Nahano ye kalema ikiso kyeꞌndonde íkiri mu buuzibwa Kirimya, neꞌHoryoni. Anagweti agalyosa ikihulu, mu kutanguula izuuba. Izuuba nalyo, mu kabigingwe ali mu lihindula kihulu. Kiri naꞌmiiji ga mu nyaaja mbamu, ali mu gakuumania, anashubi gayonera mu kihugo nga nvula. Iziina lyage, ye Nahano!

Mika 7:8

E bagoma baani! Mutagaki mbonyoleza. Mukuba, kundu nangaagwa, haliko ngaki vyuka. Na kundu nangaba mbwatiiri mu kihulu, haliko Nahano agaaba akiri mulengeerwe gwani.

Luka 2:32

Yubwo bukize guli mulengeerwe gwoꞌkuyerekana injira yawe mu batali Bayahudi, halinde abandu baawe Abahisiraheeri bagingikwe.»