Mataayo 28:17 - Kifuliiru

¹⁷ Neꞌri bakamúbona, banamúyikumba. Kundu kwokwo, baguma baabo banaba bakiri neꞌmbuzi-mbuzi.

Mataayo 28:17 ပူးပေါင်းရင်းမြစ်များ

Zaburi 2:12

Ulya muluzi wage, mukizi múfukamira, gira atayagalwe. Mukuba, hali ikyanya uburaakari bwage, bwangayami yaka, munayiji kengeera mwashereezibwa, munakiri mu njira. Bahiriirwi, ngiisi ábagatibitira Nahano, gira akizi balanga.

Zaburi 45:11

E muluzi-nyere, uyuvwirize amagambo gaani, unagayitoneese kwo. Uyibagirage abeꞌmwinyu, kiri na beene winyu.

Mataayo 16:28

Namùbwira ukuli, kwo mu yaba ábayimaaziri hano, baguma batagaafwa, bátazi bona Umwana woꞌMundu agweti agayija mu bwami bwage.»

Mataayo 28:9

Haahago, Yesu yenyene anabahulukira kwo, anabalamusa: «Musingo!» Banamúyegeera, banamúgwata ku shando, iri banamúyikumba.

Mariko 16:11

Neꞌri bakayuvwa umwazi kwo akola mugumaana, na kwo Maryamu keera amúbona, batanagutwaza.

Mariko 16:13

Yabo bombi, iri bakamenya kwo yehe, banagendi menyeesa abaabo. Kundu kwokwo, yabo baabo, batanabayemeera.

Mariko 16:14

Mu kuheza, Yesu anahulukira ku bigirizibwa baage ikumi na muguma, ku kyanya bâli bwatiiri ha byokulya. Anabakanukira, bwo batâli biisiri Rurema kwoꞌbwemeere, banabe bayumusiizi imitima yabo. Mukuba, kundu abandi bâli mali yibonera ngiisi kwo akazuuka mu bafwiri, haliko boohe, bakalahira mbu Yesu atazuusiri mwo.

Yohana 5:23

Kwokwo, lyaꞌbandu booshi bakizi simbaha Umwana wage, nga kwo basimbahiri Yishe. Haliko, iri umundu angaba atasimbahiragi Umwana wage, iri na Yishe, atakiri mu músimbaha. Mukuba, uyo Yishe ye kamútuma.

1 Bakorindo 15:6

Ha nyuma, anahulukira na ku bandi beene witu kinaliguma, banâli tambusiri magana gataanu. Mu kati kaabo, abingi bakiri ho. Haliko, abandi keera bakafwa.