Mataayo 27:43 - Kifuliiru

⁴³ Si agweti agayihega ku Rurema, anashuba mu deta kwo ali Mwana wage! Leka uyo Rurema wage amúkize buno, iri angaba amúsiimiri!»

Mataayo 27:43 ပူးပေါင်းရင်းမြစ်များ

Zaburi 14:6

Mwe bakozi baꞌmabi, ngiisi byaꞌbakeni bali mu shungika, muli mu yiji bishereeza. Kundu kwokwo, Nahano agakizi balanga.

Zaburi 22:8

Ngiisi ábali mu mbonaga, bali mu njekeereza, iri bananduka. Bali mu zuuza amatwe,

Zaburi 3:2

E Nahano, abagoma baani bakoli luguusiri, banakola mu yiji ndeera.

Zaburi 42:10

Bwo Rurema ye lwala lwani, ngweti ngamúbwira: Aahago! Kituma kiki wanyibagira? Kituma kikagi wandekeerera ngizi jeba-jeba, iri ninalira? Si abagoma bagweti bagandibuza bweneene!

Zaburi 71:11

Bali mu deta: «Si Rurema keera akamújanda, ndaaye úwangaki múkiza! Aaho! Mugirage tumúhoove, halinde tunamúgwate.»

Hisaaya 36:15

Hezekiya ali mu mùteba, mbu Nahano agamùkiza, mbu na yaka kaaya katagabiikwa mu maboko ga mwami weꞌHasuriya. Kundu kwokwo, mutayemeere kwo amùhendereze, mbu mulangaalire Nahano.

Hisaaya 36:18

«“Uyu Hezekiya agweti agamùteba, mbu: ‘Nahano agatukiza.’ Aahabi! Mutwikire ukumúyuvwiriza. Ka hali umuzimu gwoshi úgukahasha ukukiza ikihugo mu maboko ga mwami weꞌHasuriya?

Hisaaya 37:10

«Mugendi bwira mwami Hezekiya weꞌBuyuda: Kundu ugweti ugalangaalira Rurema, utaleke kwo akutebe, mbweꞌYerusaleemu itagagwatwa na mwami weꞌHasuriya.

Mataayo 27:40

Banakizi múbwira: «Shoshoo! Ka utali we shuba ugahongola inyumba ya Rurema, na ha nyuma lyeꞌsiku zishatu, unabe keera kandi wagiyijuza? Aaho! Iri wangaba uli Mwana wa Rurema, uyikizagye! Uyishonoole ku kibambo!»

Mataayo 27:54

Balya basirikaani, bâli gweti bagalanga Yesu, kuguma na nahamwabo. Mbu babonage ngiisi kweꞌkihugo kyajugumba, babona neꞌbindi byoshi íbikakoleka, banayoboha bweneene, banadeta kwokuno: «Ku kasiisa, uyu mundu ashuba Mwana wa Rurema!»

Luka 23:35

Abandu, bâli yimaaziri yaho bagweti bagaloleera. Abakulu baꞌBayahudi, banatondeera ukushekeereza Yesu, ti: «Yuhuu! Si ashuba mu kiza abandi! Aahago! Ayikizagye yenyene, iri angaba ye Masiya úkatoolwa na Rurema!»

Luka 23:37

Banamúbwira: «Shoshoo! Iri wangaba we mwami waꞌBayahudi, uyikizagye!»

Yohana 10:30

Niehe na Daata, tuli muguma.»

Yohana 10:36

«Kwokwo, naani, Daata keera akandoola, ananduma mu kihugo. Aahago! Kituma kiki mukiri mu mbwira kwo nadeta íbitali nga byo imbere lya Rurema, mbu bwo nadeta kwo ndi Mwana wage?

Yohana 19:7

Balya Bayahudi, ti: «Twehe tuhiiti ulubaaja. Na yulwo lubaaja ludesiri kwo akwiriiri ayitwe. Mukuba, keera ayideta kwo ali Mwana wa Rurema.»