Mataayo 27:41 - Kifuliiru

⁴¹ Kwo na kwokwo, abakulu baꞌbagingi, naꞌbigiriza beꞌmaaja, kuguma naꞌbashaaja baꞌBayahudi, nabo banamúshekeereza, ti:

Mataayo 27:41 ပူးပေါင်းရင်းမြစ်များ

Hayubu 13:9

Iri angayiji mùloleekeza, hali ikyanya mutangaki gashaanirwa. Mutangahenda Rurema, nga kwo muli mu henda abandu.

Zaburi 35:26

Ngiisi ábali mu shambaalira amakuba gaani, ubabonie ishoni, halinde bateteerwe. Na ábagweti baganyikangaatira, nabo balonge ishoni, kibe nga kyambalwa, halinde banatibaalirwe.

Hisaaya 28:22

Si ikihugo kyoshi kyaꞌBahisiraheeri, Nahano woꞌbushobozi bwoshi akoli hiziri kwo agakishereeza. Aahago! Mutwikire ukukizi shekerezania. Buzira kwokwo, imigozi igagenderera ukumùfyetereza ingingwe.

Hisaaya 49:7

Wehe, abandu bakiri mu kugayiriza, banaki kushombiri. Ulyagagi muja naaho woꞌkukizi kolera abatwali. Kundu kwokwo, Nahano ali Lukiza, Umutaluule waꞌBahisiraheeri, anakola mu deta kwokuno hiꞌgulu lyawe: «Ikyanya abaami bagakizi kubona, bagakugingika. Kiri naꞌbakulu banakufukamire.» Kwokwo, ukizi mbiika kwoꞌmulangaaliro! Mukuba, nie Nahamwinyu, Umutaluule waꞌBahisiraheeri. Keera nanakutoola.

Zakariya 11:8

Mu mwezi muguma naaho, nanayami yimula abangere baabyo bashatu. Kundu kwokwo, birya bibuzi, ndanaki biyigenderera. Nabyo, byananjomba.

Mataayo 27:40

Banakizi múbwira: «Shoshoo! Ka utali we shuba ugahongola inyumba ya Rurema, na ha nyuma lyeꞌsiku zishatu, unabe keera kandi wagiyijuza? Aaho! Iri wangaba uli Mwana wa Rurema, uyikizagye! Uyishonoole ku kibambo!»

Mataayo 27:42

«Yuuhu! Ashubaga mu kiza abandi. Si yenyene atashobwiri ukuyikiza! Ka atali ye mwami waꞌBahisiraheeri? Aaho! Ayishonoolage ku kibambo, lyo na nyiitu tukamúyemeere!

Luka 18:32

Agatangwa mu bapagaani, banamúshekeereze noꞌkumútuka, iri banamútwira amate.

Luka 22:52

Ikyanya abandu bakayiji gwata Yesu, banamútwala imwaꞌbakulu baꞌbagingi, naꞌbakulu baꞌbalaazi beꞌnyumba ya Rurema, kuguma naꞌbashaaja baꞌBayahudi. Yesu anababuuza, ti: «Kituma kiki mwanyijira neꞌngooti naꞌmahiri nga kwo muli mu gendi birigisha umunyazi!

Luka 23:35

Abandu, bâli yimaaziri yaho bagweti bagaloleera. Abakulu baꞌBayahudi, banatondeera ukushekeereza Yesu, ti: «Yuhuu! Si ashuba mu kiza abandi! Aahago! Ayikizagye yenyene, iri angaba ye Masiya úkatoolwa na Rurema!»