Mataayo 26:33 - Kifuliiru

³³ Peturu anamúbwira: «Kundu abandi booshi bangakujandirira, haliko niehe, ndâye kujandirire!»

Mataayo 26:33 ပူးပေါင်းရင်းမြစ်များ

Zaburi 17:5

Ngiisi kwo ugweti ugakizi nyereka, kwo na ndi mu gira. Yizo njira zaawe, ndazindi zihabuka mwo.

Migani 20:6

Abandu bingi bali mu yihaya kwo bali noꞌrukundo úlutâye male. Kundu kwokwo, bitavwarusiri ukulonga umundu mwemeera.

Yeremiya 17:9

«Umutima gwoꞌmundu, guli mu tebana bweneene, ukuhima ibindi byoshi, gutanâye kire. Ndaaye úwangasobanukirwa ngiisi kwo guli.

Mataayo 26:32

«Kundu kwokwo, ngazuuka mu bafwiri, ninamùtange i Galilaaya.»

Mataayo 26:34

Yesu anamúshuvya: «Nakubwira ukuli, mu bwobuno bushigi bwa zeene, uluhazi lútazi bika, ugaaba keera wanyiyogookola ubugira kashatu!»

Mariko 14:29

Peturu, anamúbwira: «Kundu abandi booshi bangakujandirira, haliko niehe, ndâye kujandirire!»

Luka 22:33

Simooni, ti: «E Nahamwitu, ndi ibiringiini ukugendi shwekwa kuguma na naawe mu nyumba yeꞌmbohe. Kiri noꞌkuyitwa, twangayitirwa kuguma!»

Yohana 21:15

Iri bakayusagya ukuyikula, Yesu anabuuza Simooni Peturu, ti: «E Simooni mugala Yohana! Ka we nguuziri bweneene ukuhima yaba?» Naye, ti: «E Nahamwitu, uyiji kwo ngukuuziri.» Yesu, ti: «Ukizi heereza ibyanabuzi byani byo bigakizi lya.»

Barumi 12:10

Mukizi kundana, nga baguma! Munakizi fiitirwa mu kuherezania ulushaagwa. Si mutakizi luyiheereza mwenyene.

Bafiripi 2:3

Mutakizi ki kubirira ubukulu! Mutanakizi yikangaata. Si mukizi ba batuudu! Munakizi bona kwaꞌbandi bo bamùkuliiri.