Mataayo 25:44 - Kifuliiru

⁴⁴ «Balya bandu, bagamúshuvya: “E Nahano, maashi! Kyanya kihi kyo wâli shalisiri, kandi iri wâli nyotiirwi, kandi iri wâli riiri mundamenywa mu kati kiitu, kandi iri wâli buziri ibyambalwa, kandi iri wâli lwaziri, kandi iri wâli shwesirwi mu nyumba yeꞌmbohe, tutanayiji kutabaala?”

Mataayo 25:44 ပူးပေါင်းရင်းမြစ်များ

Yeremiya 2:23

«Kutagi mwangadeta, mbu: “Twehe tutali mu yikumba Baali. Ku yukwo, ndaakyo ikyaha tuhiiti.” Mutee genda mu ndekeera, lyo mubona ibyaha byo mwâli kizi girira mwo. Mulyagagi ngiꞌbuguma lyeꞌngamiya, írigweti ligahura-hura.

Yeremiya 2:35

mugweti mugayihaya, ti: “Twehe, ndaabwo buhube tuhiiti! Nahano atangaki turakarira.” Si mwabeeshaga mu kudeta, mbu: “Twehe, ndaakyo kyaha tuhiiti!” Kwokwo, ngamùhaniiriza ngana-ngana!

Malaki 1:6

Nahano woꞌbushobozi bwoshi, agweti agabwira abagingi baage kwokuno: «Umwana ali mu simbaha yishe. Umukozi naye, ali mu simbaha nahamwabo. Aahago! Kituma kiki mwehe mutagweti muganzimbaha? Si nie Yisho, na ndi nie Nahamwinyu! Kundu kwokwo, mugweti mugagayiriza iziina lyani, iri munanguumira, ti: “Yiri iziina lyawe, kutagi kwo tukaligayiriza?”

Malaki 2:17

Amagambo giinyu mazira kamaro, gagweti gagaluhya Nahano bweneene! Na niinyu, ti: «Kutagi twamúluhya?» Si mugweti mugamúluhya mu kudeta kwokuno: «Umundu, kundu angaba akoli bihuusiri, haliko imwa Nahano, akiri mwija, na Nahano aki múkuuziri.» Munashubi deta na kwokuno: «Ulya Rurema woꞌkuli, alyagagi hayi?»

Malaki 3:13

Nahano adetaga kwokuno: «Si keera mwanduka bweneene! Na niinyu, ti: “Kutagi kwo tukakutuka?”

Mataayo 10:41

Ee! Umundu, iri angayegerezagya umuleevi, mbu bwo ali muleevi, agahembwa ngoꞌmuleevi. Neꞌkyanya agayegereza umundu úkwaniini imbere lya Rurema mbu bwo akwaniini, naye agahembwa nga úkwaniini.

Mataayo 25:43

Nâli riiri mundamenywa mu kati kiinyu, mutananyegereza mu nyumba. Neꞌkyanya nꞌgabula byo ngayambala, mutanabimbeereza. Neꞌkyanya nâli lwaziri, kandi iri nâli riiri mu nyumba yeꞌmbohe, mutanayiji ndola.”

Mataayo 25:45

Naye, ti: “Namùbwira ukuli, ngiisi byo mutakagirira umuniini wa mu yaba, ali nie mutakabigirira.”

Mataayo 5:6

Bahiriirwi, ábali noꞌmwena neꞌnyoota ku bikwaniini imbere lya Rurema! Boohe, Rurema agaki bayigusa.

Mataayo 7:22

«Ku lusiku úlwâye yije, abandu bingi bagambwira: “E Nahano! E Nahano! Ka kutali kwiꞌziina lyawe, kwo twâli kizi tanga mwoꞌbuleevi! Twanakizi likoleesa, mu kuyimula ibisigo, noꞌkukizi gira mweꞌbitangaaza bingi!”

Luka 10:29

Ulya mundu, analooza ukuyigira nga ye kwaniini imbere lya Rurema, kyanatuma agashubi buuza Yesu, ti: «Aahago! Uyo mutuulani wani, ali nyandi?»