Mataayo 23:26 - Kifuliiru

²⁶ E Bafarisaayo! Si muhumiri! Mutee yeruusa munda lyoꞌrusoozo, lyeꞌmugongo nayo iba nyeeru!

Mataayo 23:26 ပူးပေါင်းရင်းမြစ်များ

Hisaaya 55:7

Banangora-mabi batwikire ku mabi gaabo, banayiyeke neꞌmitono yabo mibi. Bagalukire Nahano, gira alonge kubakejeerera. Ee! Ikyanya bagagalukira Rurema witu, agabakoga lwoshi-lwoshi.

Yeremiya 13:27

Ngiisi byo mugweti mugaagira, kiri kyagaza bweneene imwani! Mbwini ngiisi kwo mukoli yifuuziri mu busambani, nga fiizi íri mu lungumirira ibuguma. Munakola mu yilala mu byeꞌkipagaani, ku migazi, kiri na mu ndalo. E bandu beꞌYerusaleemu, yayewe imwinyu! Ka mutâye yeruusibwe?»

Yeremiya 4:14

«E bandu beꞌYerusaleemu, iri mwangalooza ukukizibwa, muyiyeruuse, mutanakizi shungika amagambo mabi.

Hezekyeri 18:31

«Ibyaha byoshi byo mugweti mugaagira, muyami bitwikira kwo! Imitima yinyu, neꞌnzaliro ziinyu, mubihindule, bibe bihyahya. E Bahisiraheeri! Mugafwira bikagi?

Mataayo 12:33

«Iri wangaba uli neꞌkiti kiija, neꞌbitumbwe nabyo bigaaba biija. Kandi iri wangaba uli neꞌkiti kibi, neꞌbitumbwe nabyo, bigaaba bibi. Ee! Ngiisi kiti, kiri mu menyerwa ku bitumbwe byakyo.

Mataayo 14:8

Uyo munyere anatee gendi hanuusa nyina. Neꞌkyanya akaba keera amúhanuula, anayiji bwira Heroode, ti: «E mwami, umbiikire itwe lya Yohana woꞌkubatiiza ku sahaani.»

Mariko 7:4

Kiri neꞌkyanya bali mu lyoka mu tuguliro, batali mu lya, bátazi yikaraba. Bali mu kulikiriza neꞌgindi migeeza mingi-mingi, nga kushukiiriza inzoozo, noꞌtubindi, neꞌbirugu íbikatulwa mu miringa.)

Luka 11:39

Haliko, Nahano anamúbwira kwokuno: «Mwe Bafarisaayo, mugweti mugakizi shukiiriza inyuma lyoꞌrusoozo, neꞌnyuma lyeꞌsahaani. Haliko imitima yinyu, iki yijwiri mwoꞌbunyazi, naꞌgandi mabi.

Luka 6:45

«Kwokwo, noꞌmundu mwija, amiija go agweti agaagira, gali mu lyoka mu miija masingule mu mutima gwage. Noꞌmundu mubi naye, amabi go ali mu gira, gali mu lyoka mu mabi masingule mu mutima gwage. Ee! Amagambo goꞌmundu agweti agaadeta, gali mu lyoka mu biyijuliiri mu mutima gwage.

2 Bakorindo 7:1

E bakundwa baani! Bwo tukoli hiiti iyo mihango, tuyiyeruusagye na ngiisi íbyangayulubaza amagala neꞌmitima. Ee! Bwo tukoli simbahiri Rurema, tufiitirwe ukukwanana imbere lyage.

Baheburaniya 10:22

Kwokwo, tuyegeere Rurema ku bushagaluke, mu kumúbiika kwoꞌbwemeere. Kundu ibyaha byâli kizi tuteera ibihamba mu mitima yitu, haliko keera bikayeruusibwa. Kiri naꞌmagala giitu kwakundi, gakola mashuke naꞌmiiji meeru.

Yakobo 4:8

Mukizi yegeera Rurema, lyo naye amùyegeera. E banabyaha! Mukarabage amaboko giinyu! Neꞌmitima yinyu, bwo iri kubiri, mugiyeruuse!