Mataayo 23:23 - Kifuliiru

²³ «Yayewe imwinyu, mwe bigiriza beꞌmaaja naꞌBafarisaayo! Si muli balyalya! Mugweti mugatangira Rurema ihihande higuma hiꞌkumi hyoꞌtulungo, munajandagire íbiri naꞌkamaro mu Maaja, ngoꞌkukizi gira íbikwaniini imbere lyage, noꞌkukizi kejererana, noꞌkukizi ba bemeera. Yibyo, byo mushubi kwiriiri ukukizi gira, buzira kuleka ukumútangira na ku yutwo tuniini.

Mataayo 23:23 ပူးပေါင်းရင်းမြစ်များ

Migani 21:3

Ikyanya abandu bali mu gira íbikwaniini, neꞌbyoꞌkuli, bali mu simiisa Nahano, ukuhima ikyanya bali mu tanga ituulo.

Hisaaya 28:25

Ikyanya ali mu ba keera ayusa ukukunguula indalo, ali mu byala mbuto zaage, ngeꞌngoole, neꞌbizaari. Anali mu byala neꞌngano ahandu haayo, kiri noꞌbulo, neꞌzindi mbuto.

Yeremiya 22:3

«Nahano adetaga kwokuno: “Mukizi gira íbikwaniini, mu kati koꞌkuli. Umundu, iri angaba anyagwa ibindu byage, mumúlyose mu maboko gaꞌbanyazi. Mutanakizi vindagaza ibinyamahanga, kandi iri ifuuvi, kandi iri banamufwiri, mutanakizi balyalyania. Mutanakolwe mbu mukizi yita abandu bazira buhube.

Hosheya 6:6

«Byo ndoziizi, kutali kutangirwa amatuulo. Si ndoziizi kwo mukizi kundana. Na ndoziizi mube munyiji bwija, kwo nie Rurema. Yukwo, kwo kuhimiri ukukizi ndangira amatuulo goꞌkusiriiza.»

Balaawi 27:30

«Mukwaniini mukizi taluulira Nahano ikihande kiguma kiꞌkumi kyeꞌmimbu, na kyeꞌbitumbwe. Kiri kyeꞌmwa Nahano, kinakwaniini kitaluulwe imwage.

Mika 6:8

E mundu! Si keera Nahano akubwira ngiisi íbiri biija, na ngiisi byo akuloziizi kwo. Aloziizi ukizi girirana íbikwaniini, unabaagage ukuuziri ukukejererana, unakizi yerekana ubutuudu imbere lyage.

Mataayo 12:7

«Mu Mandiko Meeru, muyandisirwi kwokuno: “Byo ndoziizi, kutali kutangirwa ituulo. Si ndoziizi mukizi yuvwirana indengeerwa!” Yaga magambo, múki menye umugeeza gwago, mutashuba mugaatwa ulubaaja lwa yaba ábatahiiti amahube.

Mataayo 23:13

«Yayewe imwinyu, mwe bigiriza beꞌmaaja naꞌBafarisaayo! Si mulyagagi balyalya! Umulyango gwoꞌkuyingira mu bwami bwa mwiꞌgulu, mugweti mugaguyigalira abandu! Mwenyene, mutali mu buyingira mwo. Neꞌkyanya abandi bagweti bagaagira mbu bayingire mwo, muli mu bahangirira. [

Mataayo 9:13

Mutee gendi yiga umugeeza gwa yaga Mandiko Meeru: “Byo ndoziizi, kutali kutangirwa ituulo. Si ndoziizi mukizi yuvwirana indengeerwa.” Kwokwo naani, íbitumiri nꞌgayija, kutali mbu lyo mbamagala ábayibwini kwo bakwaniini imbere lya Rurema. Si nꞌgayija, gira mbamagale abanabyaha.»

Luka 11:42

«Yayewe imwinyu, mwe Bafarisaayo! Mugweti mugatangira Rurema ihihande higuma hiꞌkumi hyoꞌtulungo, neꞌshogo nzobeera, munajandagire ukugira íbikwaniini imbere lyage, noꞌkumúkunda. Yibyo, byo mushubi kwiriiri ukukizi gira, buzira kuleka ukumútangira na ku yutwo tuniini.

Luka 18:12

Si niehe, ngweti ngayishalisa kabiri kwiꞌyinga. Na ku byoshi bwo ndi mu longa, ngweti ngakutangira ikihande kiguma kiꞌkumi!”

1 Samweri 15:22

Haliko, Samweri anamúshuvya: «Ka twangakizi simiisa Nahano, mbu bwo twatanga amatuulo goꞌkusiriiza, kuguma naꞌgandi matuulo. Tukwaniini tukizi músimbaha. Ee! Ukumúsimbaha, kwo kuhimiri yago matuulo. Noꞌkukizi mútega amatwiri, kwo kuhimiri ibinyule byeꞌbipanga.