Mataayo 22:7 - Kifuliiru

⁷ «Ulya mwami, mbu abonage kwokwo, anashavura bweneene, anayami tuma abasirikaani baage, bagendi minika balya biitani, banajigiivye naꞌkaaya kaabo.

Mataayo 22:7 ပူးပေါင်းရင်းမြစ်များ

Danyeri 9:26

«“Ha nyuma lyeꞌyo myaka magana gana na makumi gashatu niꞌna, ulya úkashiigwa amavuta agayitwa. Binaboneke kwo ndaabyo akagira. Ee! Umukulu agayija, anayiji shereeza akaaya kuguma naꞌHandu Heeru bweneene. Neꞌkyanya kyeꞌmberuuka, kigayija duba-duba nga mwijulire. Hanakizi kungula amazibo noꞌbushereeze, nga kwo Rurema akabishungika.

Yuheeri 2:11

Nahano ali mu sholera ikiso kyage, agweti agayiberekania kwiꞌzu. Yibyo biso, kwo biri bikalage, biri mu músimbaha. Lulya lusiku lwa Nahano, luli lwaꞌkahebuuza. Emwe! Luli mu yobohya ngana-ngana. Aaho! Nyandagi úwangaluyigenderera?

Yuheeri 2:25

Nahano adetaga kwokuno: «Ngiisi byeꞌnzige zikasivya, ngola ngamùgalulira byo. Nyiji kwo mukateerwa neꞌmigunga, neꞌnzige, na banamahingiri, naꞌmahaazi. Yibyo byoshi, nienyene, nie kabilungika gira biyiji mùteera.

Yuheeri 3:2

Mu yizo siku, ngayonera Umutima gwani kiri na ku bakozi, abashosi naꞌbakazi.»

Mataayo 22:6

Ábâli sigiiri, banagwata yabo bakozi baage, banabafutiiriza, babuli bayita.

Mataayo 22:8

«Ha nyuma, mwami anabwira abakozi baage: “Ibyokulya byoꞌbuhya, bikola nganda-nganda. Si balya bo nꞌgalaalika, batâli kwaniini kwo babuyije kwo.

Luka 19:27

«“Aahago! Balya bagoma baani ábakalahira kwo ndayimikwe, mubaleetage hano! Munayami bayitira haaha imbere lyani!”»

Luka 21:21

Ku yikyo kyanya, abandu ábali i Buyahudi, bakatibitire mu migazi! Na ábali mu kaaya keꞌYerusaleemu, bakayami kapuumuka mwo. Na ábagaaba bakola mu mbingiro, batakolwe mbu bashubi galukira i kaaya.

Luka 21:24

«Abandu baguma, bagayomekwa ingooti. Naꞌbandi, bagagwatwa imbira, banatwalwe mu mahanga gooshi. Kiri neꞌYerusaleemu yonyene, ibinyamahanga bigayiji gikandagira, halinde isiku zaabo zimale.

1 Batesaloniki 2:16

Bali mu gira mbu batuhangirire kiri na ku kyanya tuli mu looza ukutwala amagambo goꞌbukize mu bandu beꞌgindi milala. Ikyanya bagweti bagaagira kwokwo, bali mu yilugiza ibyaha. Ee! Keera uburaakari bwa Rurema bukola bu batibukira.