Mataayo 22:12 - Kifuliiru

¹² anamúbuuza: “E mwira! Kuti wayingira muno, utanayambiiti imirondo yoꞌbuhya?” Uyo mundu anatibaalirwa, anabula byo agaadeta.

Mataayo 22:12 ပူးပေါင်းရင်းမြစ်များ

Hayubu 5:16

Banakahuku bali mu ba noꞌmulangaaliro. Si ábali mu lyalyania, boohe, ali mu bafumba akanwa.

Zaburi 107:42

Mwene yago magambo, ikyanya abatuudu bali mu gabona, bali mu kizi shambaala. Si banangora-mabi boohe, banatibaalirwe.

Yeremiya 2:23

«Kutagi mwangadeta, mbu: “Twehe tutali mu yikumba Baali. Ku yukwo, ndaakyo ikyaha tuhiiti.” Mutee genda mu ndekeera, lyo mubona ibyaha byo mwâli kizi girira mwo. Mulyagagi ngiꞌbuguma lyeꞌngamiya, írigweti ligahura-hura.

Yeremiya 2:26

Umuzimba, iri bangamùbirigisha, ali mu teteerwa. Kwo na kwokwo niinyu mwe Bahisiraheeri, mwâye teteerwe. Kiri naꞌbaami biinyu, bagateteerwa ngana, kuguma naꞌbatwali baabo, naꞌbagingi baabo, naꞌbaleevi baabo.

Mataayo 20:13

«Ulya mwene indalo anashuvya muguma wabo, ti: “E mwira! Ndakugunga. Si twalagaana kwo ugakolera ulufwaranga luguma lweꞌdinaari!

Mataayo 26:50

Yesu anamúshuvya: «E mwira wani, ngiisi byo wayijira, ubigirage!» Lyeryo, balya bandu banayami gugumira Yesu, banamúkona.

Mataayo 5:20

«Namùbwiraga, kwo ngiisi byo mugweti mugaagira, iri bitangakwanana imbere lya Rurema ukuhima ibya Bafarisaayo, neꞌbya bigiriza beꞌmaaja, mutâye yingire mu bwami bwa mwiꞌgulu, kiri neꞌhiniini!»

Barumi 3:19

Tuyiji kweꞌMaaja zidesiri imwa ábali mwiꞌdako lyazo, gira lyaꞌbandu booshi bakatwirwe ulubaaja imbere lya Rurema. Hataganaba umundu úgaaba niꞌgambo lyo agayifwongooza mwo imbere lyage.

1 Bakorindo 4:5

Ku yukwo, mutalunguli twa ulubaaja lwoꞌmundu yeshi. Si mukizi lindira, halinde ku lusiku lwo Nahano agayija kwo. Mukuba, ngiisi íbiki bishirwi mu kihulu, agabitanguulira. Anabishuule na ngiisi byaꞌbandu bashungisiri mu mitima yabo. Ku lwolwo lusiku, iri abandu bangaba bakwaniini ukuhuuzibwa, lyo Rurema agabahuuza.

Tiito 3:11

Umundu mwene uyo, uyiji bwija kwo akoli sherebiiri, anakola mukozi weꞌbyaha. Ali mu ba keera ayitwira ulubaaja lwoꞌkuhanwa.

1 Samweri 2:9

Ngiisi ábamúyemiiragi, ali mu kizi balanga. Si banangora-mabi boohe, bagaherera mu kihulu. Ndaaye úli mu hima ku misi yage yenyene,