Mataayo 2:11 - Kifuliiru

¹¹ Balya banabwenge beꞌndonde banayingira mu nyumba. Neꞌri bakabonaga ulya mwana, ali kuguma na nyina Maryamu, banafukama imbere lyage, banamúyikumba. Ha nyuma, banabohoola amafumba, banatengula umwana inooro, noꞌmubadu, naꞌmanemane.

Mataayo 2:11 ပူးပေါင်းရင်းမြစ်များ

Ndondeko 43:11

Lyeryo, yishe anababwira: «Bwo biri kwokwo, muyabiirage ku bindu biija bya mu kino kihugo kiitu, munabihambe mu ndaha ziinyu, munabitwalire uyo mutwali, lube lutengu. Mumútwalire ku buuki, naꞌmavuta maniini goꞌmushishi, noꞌmubadu, naꞌmanemane, neꞌkungu, neꞌloozi.

1 Baami 10:10

Ha nyuma, uyo mwami-kazi anaheereza mwami itooni zina zeꞌnooro, naꞌkanyamwala kaꞌmalaasi, naꞌmabuye ágakeyengiini. Yako kanyamwala kaꞌmalaasi, ndaaye gundi mundu úkakaleetera mwami Sulumaani.

1 Baami 10:2

Ulya mwami-kazi anahika i Yerusaleemu aherekeziibwi naꞌbakozi baage bingi. Ingamiya zaage zâli heesiri amalaasi, naꞌkanyamwala keꞌnooro, naꞌmabuye ágakeyengiini. Iri akayiji bona Sulumaani, anamúbuuza ibibuuzo bingi.

Zaburi 2:12

Ulya muluzi wage, mukizi múfukamira, gira atayagalwe. Mukuba, hali ikyanya uburaakari bwage, bwangayami yaka, munayiji kengeera mwashereezibwa, munakiri mu njira. Bahiriirwi, ngiisi ábagatibitira Nahano, gira akizi balanga.

Zaburi 45:8

Ukuuziri íbikwaniini. Haliko amabi goohe, ugashombiri. Kyo kikatuma Rurema wawe akakukuza, ube hiꞌgulu lyaꞌbiinyu. Anakushiiga amavuta mu kati koꞌbushambaale.

Zaburi 72:10

Abaami beꞌTarasisi naꞌba mu tulira, bagakizi múramburira. Abaami beꞌSheeba naꞌbeꞌSeeba, bakizi múleetera amatuulo.

Zaburi 72:15

Mwami akizi lama! Akizi haabwa amatuulo geꞌnooro kulyoka i Sheeba. Abandu bakizi yama bali mu múhuunira imwa Rurema, banakizi shiiba bagweti bagamúgashaanira.

Zaburi 95:6

Aaho! Bwo Nahano ye katubumba, muyijage, tuyiname imbere lyage, mu kumúyikumba, tukizi múfukamira.

Kulyoka 30:23

«Ukizi yabiira amavuta goꞌmuhongolo mwija, ngeꞌbilo ndatu bya manemane, neꞌbilo bishatu byoꞌmudalasiini, neꞌbilo bishatu byoꞌlusheke,

Kulyoka 30:34

Nahano anashubi bwira Musa: «Ugire ibigero íbiyumiini bya bino bindu: amakama geꞌnatafi, na geꞌshekereeti, na geꞌkeribena, noꞌmubadu.

Lwimbo Lwija 3:6

«Aaho! Nyandagi uliira úgweti úgatunduuka mwiꞌshamba nga kyusi? Si agweti agahulusa umuhongolo mwija gweꞌmanemane, na gwoꞌmubadu, na gwaꞌgandi malaasi!

Hisaaya 60:6

Ubuso bwingi bweꞌngamiya, bugazinga mu kihugo kiinyu. Zigalyoka i Sheeba, mu mulala gwaꞌBamidyani, na mu gwa Hefa, bakuletiiri inooro noꞌmubadu. Neꞌkyanya bagayijaga, bagayimbira Nahano ku kisegengo.

Balaawi 6:15

«Mu bagingi ba mu kibusi kya Harooni, ikyanya muguma wabo agayimikwa abe mugingi mukulu, akwaniini akizi tanga lyeryo-lyeryo ituulo. Yiryo ituulo, liri lyeꞌmwa Nahano, linakwaniini likizi siriizibwa lwoshi. Yulu lubaaja, lugayama ho imyaka neꞌmyakuula.

Malaki 1:11

«Iziina lyani, ligweti ligahuuzibwa mu mahanga gooshi, ukulyokera isheere halinde imuga. Ee! Ngiisi hooshi, bagweti baganyokera umubadu, iri banandangira amatuulo ágakwaniini. Kwokwo, lyeꞌmilala yoshi iri mu kizi huuza iziina lyani. Kwokwo, kwo nie Nahano woꞌbushobozi bwoshi, ndesiri.

Muharuuro 7:86

Tulya turaaye ikumi na tubiri útukatulwa mu nooro, twâli yijwiri umubadu. Na ngiisi kaguma kâli noꞌbuzito bweꞌgarama igana ukukulikirana neꞌngerero za mwiꞌheema lyeꞌmihumaanano. Twoshi haguma, twâli gweti ubuzito bweꞌgarama kihumbi na magana gabiri.

Mataayo 1:18

Ikyanya Yesu Kirisito akayiji butwa, bikaba kwokuno: Nyina Maryamu âli fundisirwi na Yusefu. Halikago, ikyanya Yusefu atâli zaazi múhisa, uyo Maryamu anayiji boneka kwo akola neꞌnda. Neꞌyo nda, akagiheeka ku njira yoꞌMutima Mweru.

Mataayo 12:46

Ikyanya Yesu akaba akiri mu ganuuza yabo bandu bingi, beene wabo na nyina, banaba bakoli yimaaziri ha mbuga, banamútumira.

Mataayo 14:33

Balya bigirizibwa ba Yesu ábâli riiri mu bwato, banamúyikumba, iri banadeta: «Biri ukuli! Uli Mwana wa Rurema!»

Mataayo 2:10

Irya ndonde, mbu bashubi gibona, banashambaala ngana-ngana!

Mataayo 2:2

Yabo bahinga, banayiji buuza: «Umwana úkabutwa kwo agaaba mwami waꞌBayahudi, alyagagi hayi? Si keera tukabona ngiisi kweꞌndonde yage ikatunduuka uluhande lweꞌsheere. Na buno twayija, gira tuyiji múyikumba.»

Luka 2:16

Neꞌri bakahikaga i Betereheemu, banagwana Yusefu, na Maryamu, noꞌyo mwana waꞌkalenge, agwejiiri mu muvuli.

Luka 2:38

Ku kyekyo kyanya, uyo Haana naye anabayegeera, anatondeera ukuyivuga Rurema, iri anamenyeesa abandu hiꞌgulu lyoꞌyo mwana. Mukuba, bâli langaliiri kwo Rurema akola agaguluula abandu beꞌYerusaleemu.

Yohana 19:39

Ku yikyo kyanya, uyo Yusefu âli riiri kuguma na Nikodeemu, ulya úkayijira Yesu bushigi. Nikodeemu âli betwiri ifumba lyoꞌmubadu gweꞌmanemane umufushe mwoꞌmubadu gweꞌhuudi. Yiryo ifumba, lyâli hisiri nga bilo makumi gashatu.

Bwigule 19:10

Lyeryo uyo muganda, nanafukama imbere lyage, gira nimúyikumbe. Haliko anambwira: «Ulekage! Si naani ndi mukozi wa Yesu nga wehe, kuguma naꞌbandi beene winyu, kwo bali mu mútangira ubumasi. Rurema abe ye ugakizi yikumba! Mukuba, ngiisi ábali mu tangira Yesu ubumasi, baabo bo bali mu ba mwoꞌmutima gwoꞌbuleevi.»

Bwigule 5:8

Lyeryo, birya bingisho-ngisho bina íbiri mwoꞌbugumaana, kuguma na balya bashaaja makumi gabiri na bana, booshi banayami fukama imbere lyakyo. Ngiisi muguma wabo, âli gweti ululanga. Âli fumbiiti neꞌmibangala íkatulwa mu nooro, yanâli yijwiri mwoꞌmubadu. Na yugwo mubadu, galyagagi mahuuno gaꞌbandu ba Rurema.

1 Samweri 10:27

Si utunambaaga twohe, twanayiji deta, ti: «Umundu mwene uno, kutagi kwo angashobola ukutukiza?» Yabo bandu, banagenderera ukumúgayiriza, ndaanago matuulo go bakamúleetera. Kundu kwokwo, Sahuli atanabatwaza.