Mataayo 19:26 - Kifuliiru

²⁶ Yesu anabalola kwo, anababwira: «Lirya igambo, imwaꞌbandu litangaziga. Haliko imwa Rurema, byoshi biziziri!»

Mataayo 19:26 ပူးပေါင်းရင်းမြစ်များ

Ndondeko 18:14

Nahano anashubi deta: «Aahago! Ka hali igambo íritashobokiini imwa Nahano? Si ndaalyo! Kwokwo, ikyanya ngagaluka ku kyanya íkiri nga kino, ku gundi mwaka, Saara agaaba akoli hiiti umwana woꞌbutabana.»

1 Baami 17:16

Umushyano gutanayema mu kitiri. Kiri naꞌmavuta, gatanamala mu njebe, ukukulikirana na kwo Nahano akagwanwa abwira Hiriya.

Hayubu 42:2

«Niyiji kwo ushobwiri ukugira byoshi. Ndaanaye úwangakuhangirira.

Zaburi 3:8

E Rurema Nahamwitu, uyimukage maashi, gira ungize. Abagoma baani, we mu bangomoolera mu migeka. Ee! Banangora-mabi, we mu bahoohola amiino.

Zaburi 62:11

Kwokwo, mutakizi ki biika umulangaaliro ku bulyalya. Mutanakizi yihayira ubuzimba. Kundu ibindu biinyu byangayushuuka, bitakizi ba byo mugabiika kwoꞌmutima.

Yeremiya 32:17

“E Nahano Rurema! Ikyanya ukalema igulu neꞌkihugo, kwâli riiri ku bushobozi bwawe bweꞌkitangaaza. Ndaanabyo íbikuyabiiri.

Yeremiya 32:27

«Ndi Nahano Rurema weꞌbiremwa byoshi. Ee! Imwani, ndaabyo íbitaziziri.

Zakariya 8:6

«Nie Nahano woꞌbushobozi bwoshi, nadetaga kwokuno: “Imwinyu mwe mukafuuka, yibyo byoshi, hali ikyanya byangabonekaga nga bitaziziri. Kundu kwokwo, imwani, bishobokiini.”

Muharuuro 11:23

Nahano, ti: «E Musa, koꞌbushobozi bwani keera bukaniiha kwo? Buno ukola ugaabona iri igambo lyani liri lyoꞌkuli, kandi iri nanga.»

Mataayo 19:25

Yago magambo, ganasoomeza abigirizibwa bweneene, banadeta: «Aaho! Nyandagi úwangaki kizibwa?»

Mataayo 19:27

Peturu anamúbwira: «Lolaga! Keera tukasiga byoshi, twanakukulikira. Aaho! Biki byo tugalonga?»

Mariko 10:27

Yesu anabalola kwo, anabashuvya: «Lirya igambo, imwaꞌbandu, litangaziga. Haliko, Rurema alishobwiri. Mukuba imwage yehe, byoshi biziziri!»

Luka 1:37

Imwa Rurema, ndaabyo íbitangaziga!»

Luka 18:27

Anabashuvya: «Lirya igambo, imwaꞌbandu litangaziga. Haliko imwa Rurema, byoshi biziziri!»

1 Samweri 14:6

Uyo Yonataani anabwira umutabaazi wage: «Yijaga, tusooke luno luhande, halinde ku shumbi ya balya bapagaani. Nahano angakoli tutabaala. Ee ma! Ikyanya ali mu kiza, ndaaye úwangamúhangirira, baba bingi, kandi iri bagerwa naaho.»