Mataayo 15:29 - Kifuliiru

²⁹ Yesu analyoka yaho, anagenda agalenga ku ngombe yeꞌnyaaja yeꞌGalilaaya. Ha nyuma, anateramira áhali umugazi, anabwatala.

Mataayo 15:29 ပူးပေါင်းရင်းမြစ်များ

Hisaaya 9:1

Abandu, kundu bâli kizi mamaata mu kihulu, haliko bakoli tundukiirwi noꞌmulengeerwe muhamu. Kundu bâli tuuziri mu kihulu namudidi, si buno bakolaga mu mulengeerwe!

Mataayo 13:2

Abandu bingi bweneene, banamúshololokera. Kyanatuma agashonera mu bwato, anabubwatala mwo. Yabo bandu, banasigala bayimaaziri kwiꞌbuga.

Mataayo 4:18

Ikyanya Yesu âli kizi lenga ku ngombe yeꞌnyaaja yeꞌGalilaaya, anabona abadubi babiri: Simooni (ye wâli kizi buuzibwa Peturu), na mwene wabo wa Handereya. Yabo bombi, bâli gweti bagaaduba ifwi.

Mataayo 5:1

Iri Yesu akabona ngiisi kwaꞌbandu bingi bagweti bagamúshololokera, anazamuukira ku mugazi. Neꞌri akabwatala, abigirizibwa baage banamúyijira.

Mariko 1:16

Ikyanya Yesu âli kizi lenga ku ngombe yeꞌnyaaja yeꞌGalilaaya, anabona abadubi babiri, Simooni, na mwene wabo wa Handereya. Yabo bombi, bâli gweti bagaaduba ifwi.

Luka 5:1

Lusiku luguma, Yesu âli yimaaziri ku butambi bweꞌnyaaja yeꞌGalilaaya, agweti agayigiriza abandu Igambo lya Rurema. Banakizi múyegeera, gira bamúyuvwe bwija. Neꞌri hakatama, banamúfindiriza.

Yohana 21:1

Ha nyuma, Yesu anashubi hulukira ku bigirizibwa baage, ku butambi bweꞌnyaaja yeꞌGalilaaya. Bikakoleka kwokuno:

Yohana 6:1

Ha nyuma, Yesu analyoka yaho, anajabuka inyaaja yeꞌGalilaaya. (Iyo nyaaja yo inali mu buuzibwa Nyaaja yeꞌTiberiya.)

Yohana 6:23

Lyeryo, hanayezeka agandi maato kulyoka i Tiberiya. (Neꞌyo munda, ho balya bandu bingi bakaliira iyo mikate, ikyanya Nahano akaba keera atanga kongwa imwa Rurema hiꞌgulu lyayo.)

Yoshwa 12:3

Uyo mwami âli twaziri kwakundi ikimaanye kyoshi kyeꞌndekeera yoꞌlwiji Yorodaani, ukulyokera ku nyaaja yeꞌKinerooti úluli uluhande lweꞌsheere, halinde i Beeti-Yeshimooti, iwa Nyaaja yoꞌMuunyu, noꞌkugenderera halinde mu kabanda keꞌPisiga.