Mataayo 13:35 - Kifuliiru

³⁵ Kwokwo, kwo lirya igambo likakoleka, lyoꞌmuleevi âli mali gwanwa adeta kwokuno: «Mu kudeta, ngakizi koleesa imigani. Ee! Na mbabwire íbyâli bishamiri ukulyokera heꞌkihugo kikabumbirwa.»

Mataayo 13:35 ပူးပေါင်းရင်းမြစ်များ

Zaburi 49:4

Mu kanwa kaani, mugahuluka amagambo goꞌbwitegeereze, ganali mu sobanulirana.

Zaburi 78:2

Aaho! Ngatondeera noꞌkumùbwira ku migani. Ee! Ngaadeta ágâli bishamiri ukulyokera keera.

Hisaaya 42:9

Lolagi! Ngiisi byo nꞌgagwanwa nadeta, keera byakoleka. Na buno, ngola mu menyeesa ibihyahya. Ee! Ngola mu mùganuulira byo, bítazi koleka.»

Hamoosi 3:7

Ku kasiisa, Rurema Nahamwitu atangagira igambo lyoshi, átazi menyeesa abakozi baage, abaleevi.

Mataayo 13:14

Imwabo, lirya igambo lyoꞌmuleevi Hisaaya keera likakoleka, nga kwo akalitanga kwokuno: “Ukuyuvwa, mugakizi yuvwa. Haliko, mutâye sobanukirwe! Ukulola, mugakizi lola. Haliko mutâye bone!

Mataayo 13:3

Yesu anabayigiriza amagambo mingi mu kubatwa imigani kwokuno: «Yuvwagwi! Hâli riiri umuhiizi muguma, úkagendi biba imbuto zaage.

Mataayo 25:34

«Ngiisi ábali uluhande lwage lweꞌlulyo, agababwira: “Yijagi! Daata amùgashaniiri! Muyakiire ubwami bwo mukategekerwa ukulyokera heꞌkihugo kikabumbirwa.

Mataayo 5:2

Anatondeera ukubayigiriza kwokuno:

Luka 10:14

Ku yukwo, ku lusiku lwoꞌkutwa kweꞌmaaja, kiri neꞌkihano kyaꞌbandu beꞌTiiro, naꞌbeꞌSidooni, kitagaaba kikayu, nga kyeꞌmwinyu!

Yohana 17:24

«E Daata, balya bo ukanzikiiriza, ndoziizi kwo bakabeere kuguma na naani ngiisi ho ngaaba, halinde lyo babona ubulangashane bwani. Bunali bwo ukambeereza, bwo ukangunda ku kyanya ikihugo kitâli zaazi bumbwa.

Mikolezi 15:18

Ganali go nꞌgamenyeesa ukulyokera keera.”»

1 Bakorindo 2:7

Yago magambo go tuli mu deta, buli bwitegeereze bwa Rurema, bwo âli bishiri. Kundu kwokwo, ukulyokera ikyanya ikihugo kitâli zaazi bumbwa, âli mali gwanwa ashungika kwo mu kati kaabwo, mwo tugalongera ubulangashane.

Bahefeso 3:5

Yako kambishwa hiꞌgulu lya Kirisito, yaho keera Rurema atâli zaazi kabishuulira abandu. Haliko buno, keera abimenyeesagya indumwa zaage ndaluule, kuguma naꞌbaleevi baage, ku njira yoꞌMutima Mweru.

Bahefeso 3:9

Rurema, ye kabumba ibindu byoshi. Kundu kwokwo, ngiisi byo akashungika, byâli yamiri bibishirwi. Halikago yako kambishwa kaage, anambeereza umukolwa, gwoꞌkumenyeesa abandu ku bweranyange ngiisi kwo agakakoleesa.

Baheburaniya 1:1

Yaho keera, Rurema âli kizi deta na bashokuluza biitu ku njira yaꞌbaleevi, kwanaba ku njira za kwingi-kwingi.

Bwigule 13:8

Yikyo kirara, abandu booshi ba mu mahanga banakizi kiyikumba, bátali naaho baꞌmaziina gaabo gakoli yandisirwi mu kitaabo kyoꞌbulamu kyeꞌmwa kirya Kyanabuzi, kirya íkikayitwa ku kyanya ikihugo kitâli zaazi bumbwa.

Bwigule 17:8

Kirya kirara kyo wabona, kyâli riiri kigumaana, keera kikanafwa. Haliko, kikolaga kigazununuka mu kirimbi-rimbi kyeꞌkuzimu, kikabuli gendi shereezibwa. Hali abandu ábatuuziri mu kihugo, baꞌmaziina gaabo gatazi yandikwa mu kitaabo kyoꞌbulamu ukulyokera heꞌkihugo kikabumbirwa. Balya, ikyanya bagaabona yikyo kirara, bagasoomerwa! Mukuba, kyâli riiri ho. Keera kikanafwa. Haliko kigaki shubi boneka.