Mataayo 13:3 - Kifuliiru

³ Yesu anabayigiriza amagambo mingi mu kubatwa imigani kwokuno: «Yuvwagwi! Hâli riiri umuhiizi muguma, úkagendi biba imbuto zaage.

Mataayo 13:3 ပူးပေါင်းရင်းမြစ်များ

Zaburi 49:4

Mu kanwa kaani, mugahuluka amagambo goꞌbwitegeereze, ganali mu sobanulirana.

Zaburi 78:2

Aaho! Ngatondeera noꞌkumùbwira ku migani. Ee! Ngaadeta ágâli bishamiri ukulyokera keera.

Hezekyeri 17:2

«E mwana woꞌmundu, utwire Abahisiraheeri guno mugani, kwo

Mika 2:4

Yizo siku, abagoma bagakizi mùhonyoleza. Banakizi yimba yulu lwimbo lwaꞌmaganya hiꞌgulu liinyu, ti: «Ala twe! Keera tukahererekera, twanamirwa lwoshi-lwoshi! Nahano keera akatunyagaga ikihugo kiitu, anakigabira abagoma biitu.»

Habakuki 2:6

Abandu mwene yabo bagakizi mùhonyoleza, ti: “Yayewe imwinyu! Mwe mugweti mugayilundira íbitali byeꞌmwinyu. «“Munagweti mugayilugiza imyenda, mutanali mu giyishula! Aahago! Amagambo mwene yago, ka gangagenderera? Nanga, maashi!”

Mataayo 13:4

Ulya muhiizi, iri akaba akola mu zibiba, imbuto nguma zanakizi twa mu njira. Utunyuni, twanayiji zirya.

Mataayo 13:53

Iyo migani yoshi, iri Yesu akayusa ukugitwa, analyoka yaho,

Mataayo 22:1

Yesu anatwira abandu igindi migani kwokuno:

Mataayo 24:32

«Muyigirage ku kiti kyoꞌmutiini! Ikyanya ibitombo biri mu mina, neꞌbyasi binadohe, lyo muli mu menya kwaꞌmahona-nvula keera gayegerera.

Mariko 12:1

Yesu anatondeera ukudeta na yabo bandu ku njira yeꞌmigani, anababwira kwokuno: «Hâli riiri umundu muguma úkabyala indalo yage mweꞌmizabibu. Uyo mundu, anagizungulusa ikyogo, anagihumba mweꞌkishimo kyoꞌkukizi kandira mwo, anagiyubaka na mweꞌkitunda kyaꞌbalaazi íkishuumiri. Ha nyuma, anagitiiza abahiizi, anabalamira i mahanga.

Mariko 12:12

Gulya mugani, ikyanya Yesu akagutwira yabo bakulu, banayami menya kwo agutwa hiꞌgulu lyabo. Kyanatuma bagalooza ubulyo bwoꞌkuyami múgwata. Haliko, bâli yobohiri, bwo yabo bandu bâli bingi, banatee músiga, banayigendera.

Mariko 3:23

Balya bigiriza beꞌmaaja, Yesu anabahamagala. Neꞌri bakahikaga, anabatwa imigani kwokuno: «Kutagi kwo Shetaani angayiyimula?

Mariko 4:13

Ha nyuma, Yesu anababuuza: «Ka mutashobwiri ukusobanukirwa na yugu mugani? Aaho! Kutagi kwo mugaki sobanukirwa neꞌgindi yoshi?

Mariko 4:33

Yesu, anayushuula igindi migani mingi mwene iyo. Kwokwo, kwo akayigiriza abandu Igambo lya Rurema, nga kwo bâli shobwiri ukulisobanukirwa.

Luka 12:41

Peturu anabuuza: «E Nahamwitu, ikyanya watwa yugu mugani, ka guli hiꞌgulu liitu naaho, kandi iri na hiꞌgulu lyaꞌbandi booshi?»

Luka 8:10

Anabashuvya: «Íbyâli bishamiri mu bwami bwa Rurema, mwehe keera mukabimenyeesibwa. Halikago abandi, ngweti ngababwira byo ku migani. Ku yukwo, “ukulola, bagakizi lola. Haliko, batâye bone! Ukuyuvwa, bagakizi yuvwa. Haliko, batâye sobanukirwe.”

Yohana 16:25

«Yaga magambo go namùbwira, namùbwira go, mu kugafindika. Haliko ku kyanya íkigayija, ndagaki shubi mùfindikira go. Si ngakizi mùmenyeesa hiꞌgulu lya Daata ku bweranyange.