Mataayo 11:10 - Kifuliiru

¹⁰ Ye yolya ye biyandisirwi hiꞌgulu lyage mu Mandiko Meeru kwokuno: “Ngalungika indumwa yani imbere lyawe, gira igwanwe yakushongaaniza injira.”»

Mataayo 11:10 ပူးပေါင်းရင်းမြစ်များ

Hisaaya 40:3

Umundu agweti agayiberekania kwiꞌzu lihamu, ti: «Mushongaanize Rurema Nahamwitu injira mwiꞌshamba. Ee! Mugendi múgololera yo, halinde alonge ho agakizi lenga bwija.

Malaki 3:1

Nahano woꞌbushobozi bwoshi, adetaga kwokuno: «Ngola ngalungika indumwa yani, gira igwanwe yanjongaaniza injira. Iyo ndumwa, inayiji menyeesa ikihango kyo tuganywana. Lolagi! Yoliira agweti agayija! Haaho, bwo mundindiriiri ku kyedu, nienyene ngayami yija mu nyumba yani.»

Mataayo 11:11

Yesu anashubi deta: «Namùbwira ukuli, kwo mu booshi ábakabutwa, ndaaye úkuliiri Yohana woꞌkubatiiza. Kundu kwokwo, ngiisi útoohiri mu bwami bwa mwiꞌgulu, yeki ye múkuliiri!

Mataayo 11:3

«Ka we yolya Masiya úwâli úgayija, kandi iri tulindirire ugundi?»

Mataayo 3:3

Ye yolya Yohana, umuleevi Hisaaya âli mali gwanwa ayandika hiꞌgulu lyage mu Mandiko Meeru kwokuno: «Yuvwagwi! Umundu úli mwiꞌshamba, agweti agayiberekania kwiꞌzu lihamu, ti: “Mushongaanize Nahano injira! Ee! Ngiisi ho agakizi lenga, mumúgololere ho.”»

Mariko 1:2

Umuleevi Hisaaya, âli mali gwanwa ayandika hiꞌgulu lyage mu Mandiko Meeru kwokuno: «Ngalungika indumwa yani imbere lyawe, gira igwanwe yakushongaaniza injira.

Luka 1:76

Na naawe, e mwana wani! Ugakizi detwa kwo uli muleevi wa Rurema úli hiꞌgulu lya byoshi! Ee! Ugagwanwa imbere lya Nahano, gira ukizi múlingaaniza injira,

Yohana 1:23

Yohana anabashuvya, mu kukoleesa galya magambo goꞌmuleevi Hisaaya: «Niehe, ngweti ngaadeta kwiꞌzu lihamu mwiꞌshamba, ti: “Mugololere Nahano injira!”»