Mariko 8:18 - Kifuliiru

^18-19 Amasu go muhiiti, gatali mu bona! Naꞌmatwiri giinyu, gatali mu yuvwa. «Ikyanya nꞌgakoojola irya mikate itaanu, ikayigusa abandu bihumbi bitaanu. Neꞌkyanya mukakuumania imisigala, ka muki kengiiri ikayijuza ingega zinga?» Nabo, ti: «Ikayijuza ingega ikumi na zibiri.»

Mariko 8:18 ပူးပေါင်းရင်းမြစ်များ

Zaburi 69:23

Aahago! Ibyokulya byeꞌsiku zaabo ngulu, bikizi ba yo mitego yoꞌkubagwasa.

Hisaaya 44:18

Yabo bandu, si balyagagi bizeeze! Ndaanahyo bayiji. Amasu gaabo, kiri naꞌmenge gaabo, bikubisirwi. Batangabona íhiteerwa ku shinda, batanganasobanukirwa.

Yeremiya 5:21

Si mulyagagi bahwija, munali bizeeze! Aaho! Mundegage amatwiri. Kundu muhiiti amasu, si mutabwini! Na kundu muhiiti amatwiri, si mutayuvwiti.»

Hezekyeri 12:2

«E mwana woꞌmundu, utuuziri mu bandu babi. Kundu bahiiti amasu, si batabwini. Na kundu bahiiti amatwiri, si batayuvwiti. Yabo bandu, si balyagagi bahuni!

Mariko 4:12

“Ukulola, bagakizi lola. Haliko, batâye bone! Ukuyuvwa, bagakizi yuvwa. Haliko, batâye sobanukirwe! Nga bitangabiiri kwokwo, bangagalukiiri Rurema, banakogwe!”»

Yohana 12:40

«Keera nꞌgabahumaaza amasu, halinde batabonage. Nanabahutiisa neꞌmitima yabo, halinde batakizi sobanukirwa. Nga bitangabiiri kwokwo, hali ikyanya bangayiji hinduka, banabe bandu baani, na mbakize.»

Barumi 11:8

nga kwo biyandisirwi mu Mandiko Meeru kwokuno: «Rurema anababiika mwoꞌmutima gwoꞌbuyingi-yingi. Amasu gaabo, anagahumaaza. Naꞌmatwiri gaabo, anagamana. Kunali kwo bakiri, halinde zeene.»

Bukengeeze 29:4

«Akahisa imyaka makumi gana, agweti agamùrongoora mwiꞌshamba. Mwiꞌyo myaka, imirondo yinyu, kiri neꞌbiraato biinyu, bitakamùhulira kwo.

2 Batesaloniki 2:5

Ka mutaki kengiiri kweꞌkyanya nâli riiri kuguma na niinyu, kwo nâli kizi mùbwira hiꞌgulu lyage?

2 Peturu 1:12

Yaga magambo, ngayama ndi mu mùkengeeza go, kundu mukoli gayiji, munakoli sikamiri mu kuli.