Mariko 7:6 - Kifuliiru

⁶ Yesu anabashuvya: «Si mulyagagi balyalya! Hisaaya akadeta ukuli, mu kutanga ubuleevi hiꞌgulu liinyu, kwokuno: “Yaba bandu, bagweti baganzimbaha ku tunwa naaho. Si imitima yabo, ikoli yisuuziri hala!

Mariko 7:6 ပူးပေါင်းရင်းမြစ်များ

Hisaaya 29:13

Nahamwitu adetaga kwokuno: «Bano bandu bagweti bagaadeta kwo bali beꞌmwani. Kundu bali mu yigiraga mbu banzimbahiri, kuli ku tunwa naaho. Si imitima yabo ikoli yisuuziri hala! Ikyanya bali mu nyikumba, bali mu kulikira imihango naaho, yo bakayigirizibwa naꞌbandu.

Hezekyeri 33:31

«Ehee! Bali mu yiji kubwataza bali kigugu, banayigirage nga bandu baani. Kiziga bali yuvwiriza naaho byo ugaadeta, bataganabisimbaha. Bali mu kizi deta naaho ku tunwa kwo banguuziri, kiziga mu mitima yabo, bagenderiiri noꞌkukizi gungana.

Yohana 15:24

Ndákibe ndi mu gira ibitangaaza mu kati kaabo íbitazindi girwa noꞌgundi mundu, batangabiiri neꞌbyaha. Haliko buno keera babibona, banaki gweti bagatushomba, twe na Daata.

Yohana 5:42

Halikago mwehe, nimùyiji bwija. Nyiji kwo mutali mwoꞌrukundo lwa Rurema.

Mikolezi 28:25

Neꞌkyanya Pahulu akayushuula kwaꞌgandi magambo, yabo Bayahudi banashaabuka, iri banapaapana. Mukuba, akababwira: «Umutima Mweru gukadeta ukuli, mu kubwira bashokuluza biinyu kwokuno ku njira yoꞌmuleevi Hisaaya.

2 Timoteyo 3:5

Kundu bagaboneka nga bandu ba Rurema, haliko bagakizi lahira ubushobozi bwage. Abandu mwene yabo, hatagirage ye mugakomeeranwa.

Tiito 1:16

Kundu bali mu yideta kwo bakoli yiji Rurema, haliko bakola mu kizi yifunda mu mabi naaho, kinatume bakola mu múlahira. Bali mu yagazania bweneene, mu kuhaasa-haasa. Ndaanagwo mukolwa mwija gwo bakwiriiri kwo.