Mariko 6:6 - Kifuliiru

⁶ Anasoomerwa ngana, bwo bâli lahiiri ukumúbiika kwoꞌbwemeere. Yesu anakizi genda agalenga mu twaya, iri anayigiriza abandu.

Mariko 6:6 ပူးပေါင်းရင်းမြစ်များ

Hisaaya 59:16

Neꞌri akalooza umundu woꞌkutabaala abandu baage, atanamúbona, kyanatuma agasoomerwa. Kwokwo, yenyene agakoleesa ubushobozi bwage, mu kuyiji kiza abandu baage. Ukuli kwage kwanamúsikamya,

Yeremiya 2:11

Aahago! Ka hali abandu ábakagomboola imigisi yabo, mbu bayabiirage igindi? Aahabi! Iyo migisi, abandu batangagigomboola kundu yoshi iri ya busha-busha! Halikago abandu baani boohe, keera bakanjanda, na ndi nie mwene ubulangashane. Bagweti bagakizi yikumba imigisi, kundu ndaako kamaro ihiiti.

Mataayo 4:23

Yesu anakizi genda agalenga mu poroveesi yoshi yeꞌGalilaaya. Anakizi yingira mu nyumba zeꞌmihumaanano zaꞌBayahudi, iri anamenyeesa mwaꞌbandu Imyazi Miija yoꞌbwami bwa mwiꞌgulu. Naꞌbandu ba ngiisi malwazi, naꞌba ngiisi bukaholwe, anakizi bakiza.

Mataayo 8:10

Galya magambo, iri Yesu akagayuvwa, anasoomerwa bweneene! Yabo ábâli múkulikiiri, anababwira: «Namùbwiraga, kwo mu Bahisiraheeri booshi, ndazindi bona umundu úbiisiri Rurema kwoꞌbwemeere ngoꞌyu.

Mataayo 9:35

Yesu anakizi genda agalenga mu twaya tuhamu twoshi, kiri na mu twaya tweꞌbishoola. Anakizi yingira mu nyumba zeꞌmihumaanano, iri anamenyeesa abandu hiꞌgulu lyeꞌMyazi Miija yoꞌbwami bwa mwiꞌgulu. Na ngiisi balwazi bo âli kizi gwana, anakizi bakiza.

Mariko 1:39

Kwokwo, Yesu anakizi genda agalenga mu poroveesi yoshi yeꞌGalilaaya, anakizi yigiriza abandu mu nyumba zaabo zeꞌmihumaanano. Na ábâli bambwirwi neꞌbisigo, anakizi biyimula.

Mariko 10:1

Yesu analyoka yaho, anagenda mu mbande zeꞌBuyahudi, i kajabo koꞌlwiji Yorodaani. Abandu bingi bweneene, banamúshololokera yaho. Anashubi bayigiriza, nga kwo âli komiiri.

Luka 13:22

Iri Yesu akaba akola mu njira yoꞌkugenda i Yerusaleemu, anakizi genda agalenga mu twaya tuhamu, kiri noꞌtwa mu bishoola, iri anakizi yigiriza abandu.

Luka 4:31

Ha nyuma, Yesu anamanukira mu kaaya keꞌKaperinahumu, mu poroveesi yeꞌGalilaaya. Na ku lusiku lweꞌSabaato, anayingira mu nyumba yeꞌmihumaanano yaꞌBayahudi, anatondeera ukuyigiriza mwaꞌbandu.

Luka 4:44

Kwokwo, Yesu anakizi genda agalenga mu poroveesi yeꞌBuyahudi, iri anayigiriza abandu mu nyumba zaabo zeꞌmihumaanano.

Yohana 9:30

Na wa naye, ti: «Kitangaaza kiinyu yikyo! Mbu mutayiji imunda akalyoka, keera anambumuula!

Mikolezi 10:38

Uyo Yesu weꞌNazareeti, Rurema akamútaluula, anamúbiika mwoꞌMutima Mweru, noꞌbushobozi. Na bwo Rurema bayamiinwi, kyanatuma agakizi genda ali mu gira amiija mu bandu. Na ngiisi ábâli gandamiirwi noꞌbushobozi bwa Shetaani, anakizi bakiza.