Mariko 2:7 - Kifuliiru

⁷ «Kituma kikagi uyu mundu agweti agaadeta íbitali nga byo imbere lya Rurema? Si ndaaye úshobwiri ukukoga ibyaha, átali Rurema yenyene!»

Mariko 2:7 ပူးပေါင်းရင်းမြစ်များ

Hayubu 14:4

«Umundu iri angaba akoli yulubiiri, nyandagi úwangaki múyeruusa? Si ndaaye úwangahasha!

Zaburi 130:4

Kundu kwokwo, ukiri mu kogana. Ku yukwo, ukwaniini ukizi simbahwa.

Hisaaya 43:25

Kundu kwokwo, yibyo byaha biinyu, ndi mu bihotola. Ee! Keera nꞌganabikoga, ndanâye ki shubi bikengeera. Mukuba, kwokwo kwo nꞌgashungika nienyene.

Danyeri 9:9

«“E Rurema Nahamwitu! Kundu tukahunaga imbere lyawe, haliko utuyereke kandi kwo uli munandengeerwa, na kwo uli mu kizi kogana.

Mika 7:18

Aahago! Hayi ho twangashubi bona ugundi Rurema úkushushiri! Si wehe naaho, we gweti úgakoga ibyaha byaꞌbandu! Ee! Abandu baawe ábasigiiri, utagweti ugakizi loleekeza ibyaha byabo. Utanayamiri ugarakarira abandu baawe halinde imyaka neꞌmyakuula. Haliko, usiimiri ukuyerekana urukundo úlutâye male.

Mataayo 26:65

Ulya mukulu waꞌbagingi, anayama agadaatula imirondo yage, wa lala-lala! Anadeta: «Tundi tumasi tukagi two twangaki looza? Si keera adeta íbitali nga byo imbere lya Rurema. Na mwenyene keera mwabiyiyuvwirwa!

Mataayo 9:3

Abigiriza beꞌmaaja, iri bakayuvwa kwokwo, baguma banatondeera ukuyidodomba, ti: «Si uyu mundu agweti agaadeta íbitali nga byo imbere lya Rurema!»

Mariko 14:64

Si mwenyene keera mwayiyuvwirwa ngiisi kwo adeta íbitali nga byo imbere lya Rurema! Aaho! Kutagi kwo mukoli bwini?» Yabo booshi, banatwa ulubaaja kwo Yesu akwaniini ayitwe.

Mariko 2:6

Na yaho, hâli bwatiiri abigiriza baguma beꞌmaaja. Yabo bigiriza, banatondeera ukuyibuuza mu mitima yabo, ti:

Mariko 2:8

Iyo mitono yabo mibi, Yesu anayami gimenya, kyanatuma agababuuza: «Kituma kiki mugweti mugaatona kwoku?

Luka 5:21

Balya bigiriza beꞌmaaja, naꞌBafarisaayo, mbu bayuvwagwe kwokwo, banatondeera ukuyimomoota, ti: «Uyu mushosi ali nga nyandi? Na kituma kiki agweti agaadeta íbitali nga byo imbere lya Rurema? Si ndaaye úshobwiri ukukoga ibyaha, átali Rurema yenyene!»

Luka 7:49

Mwomwo mu mwa Simooni, mwâli riiri abandi balaalike. Mbu bayuvwagwe kwokwo, banatondeera ukubuuzania, ti: «Nyandagi uyu? Kuti kwo angayiji koga ibyaha!»

Yohana 10:33

Banamúshuvya: «Tutagakulasha go mbu bwo uli mu gira imikolezi miija. Si tugakulasha go, bwo we mundu ngana keera wadeta íbitali nga byo imbere lya Rurema, mu kumúyigereera.»

Yohana 10:36

«Kwokwo, naani, Daata keera akandoola, ananduma mu kihugo. Aahago! Kituma kiki mukiri mu mbwira kwo nadeta íbitali nga byo imbere lya Rurema, mbu bwo nadeta kwo ndi Mwana wage?