Mariko 2:24 - Kifuliiru

²⁴ Abafarisaayo, mbu babonage kwokwo, banabwira Yesu: «Kituma kiki abigirizibwa baawe bagweti bagaagira íbitahangwirwi ku lusiku lweꞌSabaato?»

Mariko 2:24 ပူးပေါင်းရင်းမြစ်များ

Kulyoka 20:10

Si ulusiku lwa kalinda lwohe, iri Sabaato ya Nahano Rurema wawe. Ku yulwo lusiku, hatagire hyo ugaakola, aba wenyene, kandi iri mugala wawe, kandi iri munyere wawe, kandi iri muja wawe, kandi iri muja-kazi wawe, kandi iri kitugwa kyawe, kandi iri kinyamahanga íkiri mu mwawe.

Kulyoka 31:15

Mukizi hisa isiku ndatu, mugweti mugaakola. Si ulusiku lwa kalinda lwohe, luli lutaluule imwa Nahano. Kwokwo, mukizi luluhuuka kwo. Ngiisi úgalukola kwo, akwiriiri ayitwe.

Hisaaya 56:2

Yibyo nadeta, ahiriirwi ngiisi úgabigira, anabe abifitiirwi kwo. Anabe asimbahiri ulusiku lweꞌSabaato, iri anayiyeka ukugira íbitali nga byo.»

Hisaaya 56:4

Si yabo batungule, Nahano adetaga hiꞌgulu lyabo kwokuno: «Abatungule bakwaniini bakizi simbaha ulusiku lwani lweꞌSabaato, banakizi gira ngiisi byo ndoziizi, banabe basimbahiri ikihango kyani.

Hisaaya 56:6

Ibinyamahanga nabyo, hali íbikanyibiika kwo, kwo bigakizi ngolera, binabe binguuziri, iri binakizi nyikumba, binabe bisimbahiri ulusiku lweꞌSabaato, buzira kuluhubira, binabe bisimbahiri ikihango kyani.

Hisaaya 58:13

«Mukwaniini mukizi simbaha ulusiku lweꞌSabaato, mutanakizi lukola kwo nga ngiisi kwo muloziizi. Ee! Yulwo lusiku lwani lweꞌsabaato, mukizi lushambaalira, mu kungolera. Mukizi lusimbahiisa, iri munaleka ukulugira kweꞌmikolwa yinyu. Munalekage ukukizi lulongoola kwo.

Mataayo 12:2

Abafarisaayo, mbu babonage kwokwo, banabwira Yesu: «Kituma kiki abigirizibwa baawe bagweti bagaagira íbitahangwirwi ku lusiku lweꞌSabaato?»

Mariko 2:16

Mu bigiriza beꞌmaaja, baguma bâli riiri ba mwiꞌbanga lyaꞌBafarisaayo. Mbu babonage kwo Yesu agweti agaalya kuguma naꞌbabuguza naꞌbandi banabyaha, banabwira abigirizibwa baage: «Maki gano! Si mugweti mugashangiira ibyokulya kuguma naꞌbabuguza, naꞌbandi banabyaha!»

Mariko 2:25

Yesu anabashuvya: «Ka mutazindi soma ngiisi kwo Dahudi akagira, ku kyanya âli koli shalisiri kuguma naꞌbaabo.

Mariko 2:7

«Kituma kikagi uyu mundu agweti agaadeta íbitali nga byo imbere lya Rurema? Si ndaaye úshobwiri ukukoga ibyaha, átali Rurema yenyene!»

Baheburaniya 12:3

Abagoma ba Yesu, bâli kizi gira mbu bamúhangirire. Kundu kwokwo, mukizi kengeera ngiisi kwo akabagooyera. Kwokwo, niinyu mutayiji yoloha, mbu muhebuure.