Malaki 3:11 - Kifuliiru

¹¹ Kundu birya bizimu biri mu shereeza imimbu yinyu, si ngabihangirira, gira bitaki shubi kizi gilya. Kiri neꞌndalo ziinyu zeꞌmizabibu, zitagaki leka ukutongeka. Kwokwo, kwo nie Nahano woꞌbushobozi bwoshi, ndesiri.

Malaki 3:11 ပူးပေါင်းရင်းမြစ်များ

Yeremiya 8:13

«Imimbu yinyu, ngamùsaagiza yo. Ku matavi geꞌmizabibu, ndaayo mugaki longa kwo. Neꞌbiti byeꞌmitiini, kwo na kwokwo. Kiri neꞌbyasi byabyo, bigayumaguka. Ngiisi byo nâli kizi mùheereza, ngabizimiiza lwoshi.» Kwokwo, kwo Nahano adesiri.

Hosheya 2:21

Ngashubi kuyanga, halinde uyame uli mukaanie wa lwoshi-lwoshi. Ugakizi tungaana imbere lyani, iri unakulikira ukuli, noꞌrukundo, neꞌndengeerwa.

Yuheeri 1:12

Imizabibu, keera yahangalala. Neꞌmitiini, keera gayumaguka. Ibiti byoshi byeꞌbitumbwe, keera byayuma. Kyanatuma abandu bataki shambiiri.

Yuheeri 1:4

Ngiisi mbuto ízikasigwa neꞌmigunga, zanaliibwa neꞌnzige. Na ízikasigwa neꞌnzige, zanaliibwa na banamahingiri. Na ízikasigwa na banamahingiri, zanaliibwa naꞌmahaazi.

Yuheeri 1:7

Zirya nzige, keera zikateera imizabibu yitu, Zanashereeza neꞌbiti biitu byeꞌmitiini. Zanakizi bibunga, iri zinagimogolola ibyula byayo. Zanasiga amatavi gaabyo meeru-meeru.

Yuheeri 2:20

Balya bagoma ábakalyoka imbembe, ngabayimula, na mbashendekeze halinde mwiꞌshamba, áhayumagusiri. Abasirikaani baabo ábali mu tee genda imbere, ngabalasha mu Nyaaja yoꞌMuunyu. Na ábali mu yija inyuma, ngabalasha mu Nyaaja Mediterane. Ibirunda byabo, bigakizi huumura buligo, halinde lirya ibaya lyabyo linakwire hooshi.» Ku kasiisa, Nahano akamùgirira ibitangaaza.

Yuheeri 2:22

Emwe nyamiishwa, mutaki yobohe. Mukuba, mu kishuka, umuyonga gugaki mera. Kiri neꞌbiti, bigatongeka kweꞌbitumbwe. Imizabibu neꞌmitiini, keera byajoojeka ku bwingi.

Yuheeri 2:25

Nahano adetaga kwokuno: «Ngiisi byeꞌnzige zikasivya, ngola ngamùgalulira byo. Nyiji kwo mukateerwa neꞌmigunga, neꞌnzige, na banamahingiri, naꞌmahaazi. Yibyo byoshi, nienyene, nie kabilungika gira biyiji mùteera.

Hamoosi 4:9

«Nꞌgamùyumagukiza idaho liinyu, halinde nanaboza kiri neꞌmimbu yinyu. Zirya ndalo, inzige zanazilya, ziba za mitiini, kandi iri za mizehituuni. Kundu kwokwo mutakangalukira. Kwokwo, kwo nie Nahano ndesiri.

Habakuki 3:17

Ibiti byeꞌmitiini kundu bitahembiri, neꞌmizabibu inabe ndaabyo bitumbwe byo itongesiri, neꞌmizehituuni inabe ndaago mavuta ágayezirwi mwo, neꞌndalo, imimbu yazo inabe ndaayo, neꞌbibuzi binabe bikakumbululwa mu lugo, neꞌngaavu mwiꞌruli, banabe bazipiisa!

Hagayi 1:11

Mu kihugo, nꞌgaleeta mweꞌkikamo, gira kishereeze imigazi, neꞌngano, neꞌmizabibu, neꞌmizehituuni, kiri neꞌzindi mbuto. Abandu bakola mu libuuka, kiri neꞌbitugwa. Ngiisi kyo mwâli kizi yitubanula kwo, kikasherebera ngana.”»

Hagayi 2:17

«Ikyanya mwâli kizi gira mbu mubyale imbuto, nꞌgazishereeza, mu kuziboza halinde kwiꞌsina, nanakizi zifukumulira kwoꞌlugungu. Kundu kwokwo, mutanangalukira nie Nahano.

Zakariya 8:12

«Buno, mukolaga mugashubi byala imbuto mu kati koꞌmutuula. Invula igashubi nia, halinde imizabibu inashubi tongeka ku bwingi. Ee ma! Idaho ligashubi yeza. Iyo migashani yoshi, abandu baani ábakoli sigiiri, bagaki gibona.

Bukengeeze 11:14

Iri mwangagira kwokwo, lyo agamùniekeza invula ku kyanya kyayo. Agakizi mùniekeza invula ya mahona-nvula, na yoꞌlushaama, halinde munalonge imimbu miija yeꞌngano, na yeꞌdivaayi, kuguma na yaꞌmavuta.