Malaki 2:6 - Kifuliiru

⁶ Bâli kizi yigiriza mu kati koꞌkuli, buzira kushobania. Banâli kizi gira íbikwaniini, mu kati koꞌkuli, iri banayagiisa abandu bingi, halinde batwikire ku mabi.

Malaki 2:6 ပူးပေါင်းရင်းမြစ်များ

Ndondeko 17:1

Hiburamu, ikyanya akahisagya imyaka makumi galimwenda na mwenda, Nahano anashubi múhulukira kwo, anamúbwira: «E Hiburamu, nie Rurema woꞌbushobozi bwoshi. Aaho! Ukizi nzimbaha, iri unakizi yama utungiini imbere lyani.

Ndondeko 6:9

Abandu ba mu mbaga ya Nuhu, umwazi gwabo gwo gwoguno: Ku kyanya kyage, yehe naaho, ye wâli kwaniini imbere lya Rurema, ndaanabwo buhube bwo âli hiiti. Âli tuuziri neꞌngoome nyiija na Rurema.

Zaburi 119:142

Ubwija bwawe bugenderiiri, halinde imyaka neꞌmyakuula. Neꞌmaaja zaawe ziri zoꞌkuli.

Zaburi 119:151

Kundu kwokwo, uyamiri unyegiiri. Neꞌmaaja zaawe zooshi, ziri zoꞌkuli.

Zaburi 37:30

Umundu woꞌkuli, amagambo gaage gali goꞌbwitegeereze, ganakwaniini.

Zaburi 37:37

Mukizi yitoneesa ku bandu ábakwaniini, balya ábatahiiti ubuhube. Mukuba, ngiisi ábakuuziri umutuula, bagaalama.

Migani 5:2

Kwokwo, lyo ugaaba mwitegeereza, halinde unakizi langa akanwa kaawe, kadete bwija.

Yeremiya 23:22

Bwangabiiri bwija, nga bangayimaziri imbere lyani, bananyuvwe. Kwoki lyo bangabwiziri abandu baani ngiisi kwo nienyene ndoziizi. Bangabalyosiizi mu njira zaabo mbi, halinde banatwikire ku mikolezi mibi.»

Danyeri 12:3

Abitegeereza bagakizi langashana nga íbiri kwiꞌgulu. Na ábâli kizi yerekeza abandi kwo bagire íbikwaniini, nabo bagakizi langashana nga ndonde, halinde imyaka neꞌmyakuula!

Hosheya 4:6

Na íbitumiri abandu baani bakoli gweti bagashereezibwa, bwo babuziri ubumenyi. E bagingi! Bwo mulahiiri ukummenya, naani ngalahira kwo mutakiri bandu baani. Na bwo mutaki twaziizi imaaja za Rurema winyu, naani ndagaki twaza abaana biinyu.

Mataayo 22:16

Banamútumira abigirizibwa baabo, kuguma naꞌbandu ba mwiꞌbanga lya Heroode, banagira mbu bayiji mútata, ti: «E Mwigiriza, tuyiji kwo uli mundu woꞌkuli, na kwo uli mu yigiriza ibya Rurema mu kati koꞌkuli. Ndaanaye mundu ye uyobohiri, utanagweti ugakangwa noꞌbukulu bwoꞌmundu yeshi.

Mariko 12:14

Banayiji múbuuza: «E Mwigiriza, tuyiji kwo uli mundu woꞌkuli, na kwo uli mu yigiriza ibya Rurema mu kati koꞌkuli. Ndaanaye mundu ye uyobohiri, utanagweti ugakangwa noꞌbukulu bwaꞌbandu. Aahago! Ka tukwiriiri tukizi rambulira imwa Kahisaari, kandi iri nanga?

Luka 1:6

Bombi, bâli kwaniini imbere lya Nahano Rurema, banâli simbahiri imaaja zaage zooshi, iri banakizi gira ngiisi kwo akababwira.

Luka 20:21

Yizo naazi, zanayiji múbuuza: «E Mwigiriza, ngiisi byo ugweti ugaadeta, na ngiisi byo uli mu yigiriza, tuyiji kwo bikwaniini. Ee! Uli mu yigiriza ibya Rurema mu kati koꞌkuli, buzira kuyoboha umundu yeshi.

Mikolezi 26:18

gira ubazibuule amasu, halinde balyoke mu kihulu, na mu bushobozi bwa Shetaani. Banayiji tuula mu mulengeerwe gwa Rurema. Kwokwo, lyo bagaakogwa ibyaha byabo, banabe kuguma naꞌbandi booshi keera ábakayeruusibwa ku njira yoꞌkunyemeera.”

Bukengeeze 33:10

Bagakizi yigiriza beene Yakobo amategeko gaawe, banayigirize naꞌBahisiraheeri imaaja zaawe. Bali mu kuyokera umubadu, noꞌkukizi kutangira amatuulo goꞌkusiriiza lwoshi ku katanda kaawe.

Bukengeeze 33:8

Ku luhande lwa beene Laawi, Musa anadeta: «E Nahano, ibirugu byawe bitaluule, Itumimu neꞌHurimu, ukabisikiiriza beene Laawi, kwo bali bemeera. Balya bandu, ukatee bageza halya i Masa, wanabashonda kweꞌmilongwe halya haꞌmiiji geꞌMeriba.

Bukengeeze 33:9

Bakayerekana kwo bakukuuziri bweneene, ukuhima kwo bakuuziri ababusi baabo, na beene wabo, naꞌbaana baabo. Bakasimbaha Igambo lyawe, banakizi likulikiriza. Banali mu simbaha ikihango kyo ukanywana mwe nabo.

Bwigule 14:5

Mu kati kaabo, ndaaye úwâli kizi beesha. Ndaanabwo buhube úbubali mwo.

1 Samweri 2:12

Bagala Heri batâli simbahiri Nahano, si bâli riiri banangora-mabi.