Malaki 2:17 - Kifuliiru

¹⁷ Amagambo giinyu mazira kamaro, gagweti gagaluhya Nahano bweneene! Na niinyu, ti: «Kutagi twamúluhya?» Si mugweti mugamúluhya mu kudeta kwokuno: «Umundu, kundu angaba akoli bihuusiri, haliko imwa Nahano, akiri mwija, na Nahano aki múkuuziri.» Munashubi deta na kwokuno: «Ulya Rurema woꞌkuli, alyagagi hayi?»

Malaki 2:17 ပူးပေါင်းရင်းမြစ်များ

Hayubu 34:17

Ka Rurema angatwaziri ikihugo, anabe ashombiri ukuli? Nanga, maashi! Ka wangatwira Rurema ulubaaja, anali ye kwaniini, ye na mwene ubushobozi?

Hayubu 34:36

E Hayubu, si washuvya nga mundu mubi! Unakoli kwaniini ukubulirizibwa.

Hayubu 36:17

Buno, keera watwirwa ulubaaja kuguma na banangora-mabi. Yulwo lubaaja lukwaniini.

Hayubu 9:24

Neꞌkyanya ikihugo kiri mu biikwa mu maboko ga banangora-mabi, Rurema ali mu ziba amasu gaꞌbatwi beꞌmaaja. Aaho! Ákibe atali ye mu gira kwokwo, iri nyandagi gundi úli mu kugira?

Mwigiriza 8:11

Baguma, kundu bagweti bagaagira amabi, halikago batali mu hanwa duba. Kwokwo, lyaꞌbaabo nabo bali mu ba bakoli shungisiri kwo bagendi gagira.

Hisaaya 1:14

Yizo siku ziinyu ngulu zeꞌmbaluko yoꞌmwezi, na zoꞌmwaka, ngoli zishombiri ngana. Zikoli nzidohiiri bweneene, keera nanaluha ukuziyigenderera.

Hisaaya 29:15

Yayewe imwa ábali mu gira mbu babishe Nahano byo bashungisiri. Muli mu kola amabi mu kihulu, iri munadeta: «Si ndaaye útubwini! Aaho! Ngiisi byo tuli mu gira, nyandi úgabimenya?»

Hisaaya 30:18

Kundu kwokwo, Nahano ali Rurema woꞌkuli. Analoziizi ukumùgirira amiija, noꞌkumùyuvwirwa indengeerwa. Bahiriirwi booshi ábamúlangaliiri.

Hisaaya 43:22

«E Bahisiraheeri, beene Yakobo! Si mutali mu ndabaaza! Yoho wee! Keera mukannenuuka!

Hisaaya 43:24

Iri muli mu gulaga amalaasi geꞌkishingo, ndali nie muli mu gagulira. Neꞌkyanya muli mu tanga amatuulo geꞌbinyule, ndali nie muli mu ba mwagatangira. Mukuba, mukoli nzidohiiri neꞌbyaha biinyu, keera mwananduhya bweneene!

Hisaaya 7:13

Hisaaya naye, ti: «Muyuvwagwe bwija, mwe bandu biꞌkondo lya mwami Dahudi! Ka mutazi luha noꞌkusuuzania? Ka mugagenderera ukusuuza kiri na Rurema wani?

Yeremiya 12:1

E Nahano, ngiisi kyanya ndi mu kuleetera ulubaaja, unayamiri uli mu lutwa ku njira íkwaniini. Aaho! Lekaga ngubuuze: Balya banangora-mabi, kituma kiki bakiri mu genduukirwa? Si balyagagi ngalagaaja! Aaho! Kituma kiki bayamiri bajeberiiri?

Yeremiya 15:6

Si keera mukanjanda, mwanambindulira ingoto! Buno, ngoli luhiri noꞌkukizi mùyigenderera. Na ngolaga ngamùhana. Kwokwo kwo Nahano adesiri.

Yeremiya 17:15

Abayuda bagweti bagambonyoleza mbu: «Igambo lya Nahano, liryagagi hayi? Ngahwe! Lekaga ngana likoleke, nga kwo ukagwanwa walideta.»

Yeremiya 44:22

«Aahabi! Birya bikoleere byo mwâli kizi gira, byâli kizi yagaza Nahano bweneene! Kyo kitumiri atakamùyigenderera, anahindula ikihugo kiinyu kibe mushaka. Kwokwo, abandu bakola mu kizi kidaaka, halinde zeene.

Hezekyeri 16:43

«Mu busore bwawe, nâli kizi kugirira amiija. Kundu kwokwo, utaki gakengiiri. Si ukoli gweti uganyaagaza bweneene, mu kugira amabi. We yoyo, wanashubi gayushuula kwoꞌbushule. Kwokwo, kwo nie Rurema Nahamwinyu ndesiri.

Hezekyeri 18:25

«Hali ikyanya mwangadetaga kwo Nahano atagweti agaagira íbikwaniini. E Bahisiraheeri! Muyuvwirize kwokuno: “Niehe ndi mu kizi gira amiija.” Si mwehe, ngiisi byo mugweti mugaagira, bitali nga byo.

Hezekyeri 8:12

Ha nyuma, Nahano anashubi mbwira: «E mwana woꞌmundu, ka wabona ngiisi byaꞌbashaaja baꞌBahisiraheeri bakola mu gira ku bumbishwa imbere lyeꞌmigisi yabo mu bisiika? Banagweti bagayigamba, ti: “Rurema keera akasiga ajanda ikihugo. Aaho! Ataki tubwini.”»

Hezekyeri 9:9

Naye, ti: «Amabi gaꞌBahisiraheeri naꞌBayuda, gakoli luguusiri bweneene! Hooshi mu kihugo, abandu bakola mu yitana. Na mu Yerusaleemu, abandu batakiri mu kulikira íbikwaniini. Si bakola mu deta, ti: “Nahano keera akatulekeerera. Aaho! Ataki tubwini.”

Hamoosi 2:13

«Buno, ngola ngamùhotamia, ngiꞌgaare ku kyanya liyijwiri ingano.

Sefaniya 1:12

Yikyo kyanya, ngakoleesa itara, mu kulooza ábabishamiri mu Yerusaleemu. Neꞌkyanya ngagwana ábagweti bagayifunda mu mabi, ngabahana ngana-ngana. Si bagweti bagayitoneesa kwokuno: “Nahano yehe, ndaabyo angatugirira, kiba kiija kandi iri kibi!”

Malaki 2:14

Munagweti mugabuuza kwokuno: «Yago matuulo, kituma kiki ataki gayemeera?» Mukuba, kundu mukanywana ikihango mwe na mukaawe ku kyanya mwâli ki riiri misore, halikago Nahano akoli yiji ngiisi kwo keera ukamúyimula. Ee! Mukaawe, kundu muki yamiinwi, haliko, keera ukamúhemukira.

Malaki 3:8

Naani, ti: “Ka bulyagagi bwija umundu azimbe Rurema? Kundu kwokwo, mwehe mugweti muganzimba!” Munambuuze, ti: “Kutagi kwo twakuzimba?” Naani, ti: “Mugweti mugakizi nzimba ku biloziri ikihande kiꞌkumi, kiri naꞌgandi matuulo.”

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

1 Samweri 2:3

Yukwo kuyihaya kwinyu, mukutwikirage kwo, mutanakizi deta ku bwikangaate. Si Nahano, ye Rurema, anali ye yiji byoshi, ye nali mu gera imikolezi ya ngiisi mundu.