Malaki 2:12 - Kifuliiru

¹² Yabo bandu ábakahigula kwokwo, kundu bangayiji tanga amatuulo imwa Nahano woꞌbushobozi bwoshi, haliko, bagayiji twibwa mu bandu baage!

Malaki 2:12 ပူးပေါင်းရင်းမြစ်များ

1 Kutondobola 25:8

Banataara ikibare hiꞌgulu lyoꞌkushungika imikolwa, buzira kulola ku bakulu, kandi iri bato, kandi iri ku bigiriza, kandi iri bigirizibwa.

Hisaaya 61:8

Nie Nahano, ikyanya abandu bali mu kulikiriza íbikwaniini, lyo bali mu ba banzimiisa bweneene. Si abandu babi, naꞌbazimba, boohe, mbashombiri ngana. Abandu baani, ngabahemba ku njira íkwaniini, tunanywane ikihango kyeꞌmyaka neꞌmyakuula.

Hisaaya 66:3

«Si balya babi boohe, ikyanya bali mu ndangira ituulo lyeꞌngaavu, lyo bali mu ba ngoꞌmundu úwayitana. Neꞌkyanya bali mu ndangira ituulo lyeꞌbibuzi, lyo bali mu ba nga úwasingula akabwa igosi. Ikyanya bali mu ndangira ituulo lyoꞌmushyano, bali mu ba nga bayiji mbeereza umuko gweꞌngulube. Neꞌkyanya bali mu nyokera umubadu, bali mu ba nga bali mu yikumba imigisi. Yaba bandu bakola mu yifunda mu ngiisi byo baloziizi. Imitima yabo ikuuziri ukuyilala mu bitali nga byo.

Hezekyeri 14:10

Uyo muleevi, kiri na ngiisi ábagamúhanuusa, booshi ngabahanira kuguma.

Hezekyeri 24:21

mbwire Abahisiraheeri kwokuno: “Rurema Nahamwitu adetaga kwokuno: Ngayulubaza inyumba yani, kundu mugweti mugayikangaata hiꞌgulu lyayo, iri munagilangaalira. Neꞌkyanya muli mu kizi gilola-lola kwo, munashambaale bweneene! Kundu kwokwo, bagala biinyu na banyere biinyu ábakasigala i Yerusaleemu, bagayitwa ku ngooti.

Hosheya 9:12

Na kundu bangabiiri naꞌbaana, si yabo baana, booshi bagaafwa. Ikyanya ngabasigaga boonyene, agaaba yayewe imwabo!

Balaawi 18:29

Ngiisi ábagakizi yifunda mu byaha mwene kwokwo, bagakizi twibwa mu Bahisiraheeri.

Balaawi 20:3

Si mu baana baabo, ikyanya bali mu tanga muguma, libe ituulo lyoꞌkusiriigiza umuzimu Moleki, lyo bali mu yulubaza iheema lyani Litaluule, banabe bagayiriza iziina lyani. Haaho, lyo nienyene ngabaheereza ingoto, ninayami batwa mu Bahisiraheeri.

Hamoosi 5:22

Kundu mwangandangira amatuulo goꞌkusiriiza lwoshi, na goꞌmushyano, ndagagayemeera! Na kundu mwangandangira ibitugwa, mbu gabe matuulo goꞌkuyerekana ingoome, ndagagatwaza kiri neꞌhiniini!

Zakariya 12:7

Nahano agatee himira abandu beꞌBuyuda, akabuli himira naꞌbeꞌYerusaleemu. Kwokwo, lyo yabo bandu beꞌYerusaleemu, kiri naꞌbeꞌkibusi kya Dahudi, batayiji yihaya kwo bo bakuliiri abaabo ábasigiiri mu kihugo kyeꞌBuyuda.

Malaki 1:10

«Nangaloziizi bweneene, kwo muguma winyu angayigiiri inyiivi zeꞌnyumba ya Rurema. Kwokwo, lyo yago matuulo mazira kamaro, mutalonge ubulyo bwoꞌkukizi gayakiriza umuliro ku katanda. Haliko mwehe, ndaki siimiri ukumùbona. Kiri naꞌmatuulo go mugweti mugandangira, nago, ndagagayakiira. Kwokwo, kwo nie Nahano woꞌbushobozi bwoshi, ndesiri.

Malaki 1:13

Munagweti mugaadeta: “Ikyanya tuli mu kolera Nahano, ali mu tuluhya ngana-ngana!” «Keera mukannegura lwoshi-lwoshi! Si mugweti mugagendi nyukula ibitugwa, munabuli yiji bindangira amatuulo! Munandangire na íbilemahiri, kandi iri bilwazi. Aahago! Amatuulo mwene yago, ka ngwaniini ukugayakiira? Aahabi, bitangaziga! Kwokwo, kwo nie Nahano woꞌbushobozi bwoshi, ndesiri.

Malaki 2:10

Tweshi, ka tutali baana ba daata muguma? Ka atanali yolya Rurema muguma úkatubuta? Aahago! Kituma kiki, tuki gweti tugasongerana, iri tunagayiriza kirya kihango kyo Nahano akanywana na bashokuluza biitu?

Muharuuro 24:5

E beene Yakobo, amaheema giinyu, ganonosiri ngana-ngana! Ishumbi ziinyu, zisimisiizi amasu bweneene.

Mataayo 15:14

Ku yukwo, yabo Bafarisaayo, mutakizi batwaza! Si biri birongoozi íbihumiri! Imbumi, iri yangarongoora iyabo, si zombi zigatibukira mu kishimo!»

2 Timoteyo 3:13

Abandu babi nabo, kuguma naꞌbalyalya, boohe, bagagenderera ukukizi bihuuka. Bagakizi tebana, iri nabo banakizi tebwa.

Bwigule 19:20

Haliko, yikyo kirara, ikyanya kikalwa, kyanagwatwa imbira, kuguma noꞌlya muleevi weꞌbibeesha. Uyo muleevi, ye wâli kizi gira ibyereso byeꞌkitangaaza hiꞌgulu lyakyo, mu kukizi teba balya bandu ábakabiikwa kwo yako kamangu kaakyo, noꞌkukizi yikumba yugwo mugisi gwakyo. Kwokwo, kirya kirara, noꞌyo muleevi weꞌbibeesha, ku kyanya byâli ki bwinagi, byanalashwa mu nyenga yoꞌmuliro. Gunali mu yaka bweneene ngeꞌkibiriiti!

1 Samweri 3:14

Keera nanabiika indahiro. Kundu bangagira mbu bakizi tanga amatuulo hiꞌgulu lyaꞌmabi gaabo, gatâye kogwe.»