Luka 8:47 - Kifuliiru

⁴⁷ Ulya mukazi, mbu abone kwo ataki hiiti ubulyo bwoꞌkuyibisha, anayija imbere lya Yesu agweti agajuguma, anagwa mu magulu gaage. Neꞌri akaba akola imbere lyaꞌbandu booshi, anamúbwira íbyatuma amúhuma kwo, na ngiisi kwo ayami kizibwa.

Luka 8:47 ပူးပေါင်းရင်းမြစ်များ

Zaburi 2:11

Mukizi kolera Nahano, iri munamúsimbaha. Kiri neꞌkyanya mugakizi shambaala, mukizi yibomba-bomba imbere lyage.

Zaburi 38:9

Keera nahimbuukira. Neꞌndege zaani zikoli teziri. Yayewe wee! Si ngoli hanamiri bweneene mu mutima gwani!

Zaburi 66:16

Mwe musimbahiri Rurema, muyiji yuvwa. Leka nimùbwire ngiisi byo akangirira.

Hisaaya 66:2

Yibyo byoshi, ka ndali nienyene nie kabibumba? Ee! Birya byoshi, biri byeꞌmwani.» Nahano adetaga na kwokuno: «Umundu úli mu nzimiisa naaho, ali ulya mutuudu, anabe anzimbahiri. Ikyanya ndi mu múbwira igambo, anayami lishishikala kwo.

Hosheya 13:1

Yaho keera, ikyanya Hifurahimu âli kizi deta, abaabo booshi bâli kizi múyoboha, iri banajuguma. Mukuba, yabo ye wâli kuliiri abaabo. Halikago, ikyanya bakatondeera ukuyikumba umuzimu Baali, lyo bakayiji yikululira ulufu.

Hosheya 5:3

«E beene Hifurahimu, e Bahisiraheeri! Ndaabyo mwangambisha. Mukuba, byo mugweti mugaagira, byoshi mbiyiji-yiji ku bweranyange. Keera mukanyiyogookola, nga mushule úgweti úgayiyogookola yiba. Keera mukanayiyulubaza lwoshi-lwoshi!»

Habakuki 3:16

Iri nꞌgayuvwa kwokwo, ibya mu nda byanalyamuza liguma, gyuu! Akanwa kaani, kanakizi shushubira. Neꞌndege zanayami tera! Balya bandu bagweti bagatuteera, kundu kwokwo, ngalindirira ku bwigenderezi, halinde balonge ukuminikwa.

Mataayo 28:8

Lyeryo, balya bakazi bombi banayami lyoka ha shinda, bakola neꞌkyoba. Na kwakundi, bâli koli shambiiri bweneene. Banatibitira imunda abigirizibwa ba Yesu, gira bagendi bamenyeesa byoshi.

Mariko 5:33

Ulya mukazi âli yiji ngiisi byo akizibwa, kyanatuma agayiji fukama imbere lya Yesu, akoli jugumiri mu kati keꞌkyoba. Ngiisi íbikamúkoleka kwo, anayami múbwira byo ku bweranyange.

Luka 8:46

Haliko, Yesu anadeta: «Ee! Halyagagi umundu úwambuma kwo! Nyuvwiti kweꞌmisi keera yanjaaga mwo.»

Luka 8:48

Yesu anamúbwira: «E munyere wani, bwo umbiisiragi kwoꞌbwemeere, kyo kyatuma wakira. Ugendage noꞌmutuula!»

Mikolezi 16:29

Uyo mulaazi anadeta kwaꞌmatara galeetwe. Neꞌri gakaleetwa, anayami yitunga mu nyumba. Anahikiri gwa imbere lya Pahulu na Siira agweti agalenga mwoꞌmusisi.

1 Bakorindo 2:3

Ku yikyo kyanya, nâli kolaga mu bukaholwe. Nanâli kizi juguma neꞌkyoba.

2 Bakorindo 7:15

Kwokwo, Tiito akoli mùkuuziri ingingwe! Aki kengiiri ngiisi kwo mukamúyakiira, mwanamúsimbaha. Mwanamúheereza ulushaagwa, mu kati koꞌkujuguma.

Bafiripi 2:12

E bakundwa baani! Mwâli kizi nzimbaha ku kyanya twâli ki ririinwi, kiri na ku kyanya nꞌgaba ngola hala. Kwokwo, na buno, mukizi ba noꞌmwete gwoꞌkukizi yikwanania mu bukize bwinyu. Mukizi yoboha, iri munajuguma!

Baheburaniya 12:28

Kwokwo, bwo tugayakiiraga ubwami úbutagashaganibwa, tukwiriiri tukizi yivuga Rurema. Ee! Tukizi múyikumba ku njira íkwaniini mu kati koꞌlushaagwa lwoshi, na mu kati keꞌkyoba.

1 Samweri 16:4

Kwokwo, Samweri anagenda i Betereheemu, nga kwo Nahano akamúbwira. Iri akahikaga yo, abashaaja baayo banamúsanganira. Haliko, bâli gweti bagalenga mwoꞌmusisi, banamúbuuza: «E Samweri, ka watuyijira mu kati koꞌmutuula?»