Luka 7:22 - Kifuliiru

²² Kyanatuma agabashuvya, ti: «Mugendi menyeesa Yohana ngiisi byo mwayibonera, na ngiisi byo mwayiyuvwirwa. Ee! Ábashuba mbumi, bakolaga mu bona! Na ábashuba tundende, bakola mu genda. Na ábashuba noꞌmubembe, keera bakizibwa. Na ábashuba babitwitwi, bakola mu yuvwa. Kiri na ábatákoli fwiri, bagweti bagaholoololwa. Naꞌbakeni, bagweti bagamenyeesibwa Imyazi Miija.

Luka 7:22 ပူးပေါင်းရင်းမြစ်များ

Hayubu 29:15

Nâli kizi kolera imbumi, mu kubayerekeza injira. Kiri noꞌtundende, nâli riiri magulu gaatwo.

Zaburi 146:8

Na ábahumiri, ali mu bahumuula. Na ábayinamiri, ali mu bayinamula. Ngiisi ábakwaniini imbere lyage, ali mu ba abakuuziri.

Hisaaya 42:16

Ngakizi leeza imbumi mu njira yo zitayiji, na nzirongoore ho zitazindi lenga. Na mbahindulire ikihulu, gube mulengeerwe. Ngakizi balingaaniza ho bagakizi lenga. Byebyo, byo njungisiri ukugira, ndanâye bileke.

Hisaaya 43:8

Abandu, kundu bahiiti amasu, si batabwini. Na kundu bagweti amatwiri, si batayuvwiti! Kundu kwokwo, mubaleetage imwani!

Yeremiya 31:8

Lolagi! Ngabalyosa mu kihugo kyeꞌmbembe, na mbakuumanie ho batuuziri ku mbeka zeꞌkihugo. Mu kati kaabo, baguma balyagagi mbumi neꞌbirema. Abakazi baguma, bakola neꞌnda, naꞌbandi bakola bu buta. Yabo booshi, kwo bakoli luguusiri bweneene, bagagaluka.

Sefaniya 3:12

Ngiisi ábagasigala, bagaaba bali batuudu, iri banakizi yibiika haashi. Boohe, bo bagaaba bakoli biisiri umulangaaliro imwa Nahano.

Mataayo 11:5

Ábashuba mbumi, bakola mu bona. Na ábashuba tundende, bakola mu genda. Na ábashuba noꞌmubembe, keera bakizibwa. Na ábashuba babitwitwi, bakola mu yuvwa. Kiri na ábatákoli fwiri, bagweti bagazuulwa. Naꞌbakeni, bagweti bagamenyeesibwa Imyazi Miija.

Mataayo 21:14

Yaho mu nyumba ya Rurema, Yesu anayijirwa neꞌmbumi, neꞌbirema. Neꞌkyanya bakamúyijiraga, anabakiza.

Luka 4:18

«Umutima gwa Nahano, gundi mwo! Keera akandoola kwo ngizi menyeesa abakeni Imyazi Miija. Akanduma neꞌmwaꞌbashweke, mbamenyeese kwo bagashwekuulwa. Akananduma neꞌmbumi, nzimenyeese kwo zigahumuulwa. Na ábakandamiirwi kwakundi, mbaguluule.

Luka 7:21

Ku kyekyo kyanya, Yesu âli gweti agaakiza abalwazi bingi, anakizi kiza kiri na ábâli bambwirwi neꞌbisigo. Anâli gweti agahumuula neꞌmbumi nyingi.

Luka 7:23

Aahago! Ahiriirwi ngiisi útagaaba neꞌmigangaanwe hiꞌgulu lyani!»

Yohana 1:46

Natanaheri, anabuuza Firipo ti: «Yako kaaya keꞌNazareeti, bikagi biija íbyangakalyoka mwo?» Firipo, ti: «Yija! Ugamúyibonera.»

Mikolezi 26:18

gira ubazibuule amasu, halinde balyoke mu kihulu, na mu bushobozi bwa Shetaani. Banayiji tuula mu mulengeerwe gwa Rurema. Kwokwo, lyo bagaakogwa ibyaha byabo, banabe kuguma naꞌbandi booshi keera ábakayeruusibwa ku njira yoꞌkunyemeera.”

Mikolezi 8:7

Mukuba, âli kizi yimula ibisigo mu bandu bingi. Yibyo bisigo, mu kushaaga, byâli kizi yamuluka. Anakizi kiza neꞌbirema bingi, kiri noꞌtundende twingi kwakundi.

Yakobo 2:5

E beene witu bakundwa! Munyuvwirize bwija! Ngiisi ábali mu bonerwa mu kihugo kwo bali bakeni, baabo bo Rurema keera akatoola kwo bo bagaaba bagale ku bwemeere. Ee! Bwo bakuuziri Rurema, bagahaabwa ubwami bwo akatulagaania.