Luka 6:25 - Kifuliiru

²⁵ Yayewe imwinyu, mwe muyigusiri buno! Si mugaki shalika. Yayewe imwinyu, mwe mugweti mugaasheka buno! Si mugaki lira ku kimombo.

Luka 6:25 ပူးပေါင်းရင်းမြစ်များ

Zaburi 49:19

Ku kyanya akiri ho, kundu ali mu detwa kwo agashaniirwi, na kundu abandu bagweti bagamúyivugiiriza hiꞌgulu lyoꞌkugenduukirwa kwage,

Migani 14:13

Umundu angasheka, mu mutima munabe muyijwiri umwizingeerwe. Ikyanya akasheko kagamalaga, hanasigale indaania naaho.

Migani 30:9

Mukuba, iri nangagala ukuhima ulugero, hali ikyanya ngakuyibagira, na ngizi deta: “Nahano ali nga nyandi?” Neꞌri nangakena, hali ikyanya nangazimba, na ngengeere nagayiriza iziina lya Rurema wani.

Mwigiriza 2:2

Na kundu nꞌgagiraga mbu nyishese, si nanayiji bona kwo nakwo buli buhwija. Ee! Yukwo kuyishambaaza, ndaako kamaro ákakuli mwo.

Mwigiriza 7:3

Ukukizi jengeerwa, kwo kukulu ho wangakizi sheka. Mukuba, umwizingeerwe gwo guli mu tuyigiriza.

Mwigiriza 7:6

Yabo bahwija, ikyanya bagweti bagasheka, yago masheka gaabo gali mu yami lenga, nga migenge mu muliro. Yibyo nabyo, si biryagagi bya busha-busha!

Hisaaya 28:7

Halikago buno, abatwali baꞌBahisiraheeri bakoli lalusiri neꞌdivaayi. Iyo ndalwe ikoli gweti igabafuka iyo munda neꞌyo munda. Emwe! Abagingi naꞌbaleevi, amaavu neꞌdivaayi keera byabalalusa ngana-ngana. Ikyanya bali mu bona amabone, gali mu ba gahushiri. Neꞌkyanya bali mu twa imaaja, bali mu kizi buligania.

Hisaaya 65:13

«Ku yukwo, nie Nahano Rurema, nadetaga kwokuno: Ku kyanya abakozi baani bagalonga ibyokulya neꞌbinywebwa, haliko mwehe kwo muli bandu babi, mugaaba muki shalisiri, iri munanyotiirwi. Abakozi baani bagakizi ba bashambiiri, haliko mwehe, munabe mujojobiiri.

Hisaaya 8:21

Abandu bagakizi jeba-jeba mu kihugo, bakoli jengiirwi, banakoli shalisiri. Kinatume bagakizi konolera amasu mwiꞌgulu ku buraakari, banakizi daaka umwami wabo, kiri na Rurema wabo yenyene.

Hisaaya 9:20

Manaasi agweti agateera Hifurahimu. Hifurahimu naye, ali mu teera Manaasi. Yabo bombi, banabuli teera Abayuda. Kundu kwokwo, ubute bwa Nahano butazi hooha. Aki bangwiri ukuboko kwage, mu kulooza ukuhana abandu baage.

Hamoosi 8:10

Isiku ziinyu ngulu, ngazihindula, zibe za kigandaaro. Na kundu muli mu yimba ku kisegengo, halikago mukola mugaalira ku kimombo. Mugayambala ibyambalwa byeꞌkigandaaro. Na bwo mugaaba mukoli jengiirwi, mugakunguula amatwe giinyu. Ku yikyo kigandaaro, mugaaba nga úwafwirwa neꞌkininga. Ulusiku lwoꞌkushibuuka, mugajengeerwa ngana-ngana!»

Nahumu 1:10

Yabo bagoma bagaaba nga ábakoli lalusiri, banakizi bambaajira, banajigimbe nga kishungu-shungu kyumu kyeꞌmigenge, banasiriire lwoshi-lwoshi.

Luka 12:20

«Kundu kwokwo, Rurema anayiji múbwira: “Ewe! Ulyagagi muhwija! Si mu bushigi bwa zeene, lyo ugaafwa! Aahago! Yibyo bindu byoshi byo wayilundira, bigaaba byeꞌmwa nyandi?”»

Luka 13:28

«Ku yikyo kyanya, mugakizi bululuka, iri munakizi shya amiino. Mukuba, mugaabona Hiburahimu, na Hisake, na Yakobo, naꞌbaleevi booshi, balyagagi mu bwami bwa Rurema. Si mwehe munabe mukoli yigaliirwi ha mbuga!

Luka 6:24

Haliko mwe bagale, yayewe imwinyu! Ubwinyu buholeeze, keera mwabulonga.

Luka 6:26

Yayewe imwinyu, ku kyanya abandu booshi bagweti bagamùhuuza! Si kwokwo kwo bashokuluza baabo bâli kizi girira abaleevi beꞌbibeesha.»

Luka 8:53

Yabo bandu, iri bakayuvwa kwokwo, banatondeera ukumúshekeereza, ti shoshoo! Mukuba, bâli yiji kwo keera afwa.

Bahefeso 5:4

Mutakizi deta amagambo geꞌshoni, kandi iri goꞌbuhwija, kandi iri goꞌkuyerura. Yago gooshi, gatakwaniinagi mu bandu ba Rurema. Si mwehe, mukizi mútangira kongwa!

1 Batesaloniki 5:3

Neꞌkyanya abandu bagaaba bakiri mu deta: «Tuli noꞌmutuula, tuli noꞌbutoge», lyeryo lyo bagayami shereezibwa. Bigaaba nga kwoꞌmukazi weꞌnda ali mu yami hikirwa noꞌmukero. Yabo bandu batagafuushuka, kiri neꞌhiniini!

Yakobo 4:9

Mujengeerwe, iri munalira ku kimombo! Amasheka giinyu, gahinduke malira. Noꞌmushambaalo gwinyu, guhinduke muhuni.

Bwigule 3:17

«Mwehe mugweti mugayihaya kwo mukola bagale. Mbu keera mwanayilundira akanyabungaka keꞌbindu. Mbu ndaakyo kindu íkiki mùgooziri. Mutayijagi kwo muli banakahuku! Munali tufwa-busha. Munakekeriiri. Munali mbumi. Munali bukondwe.

1 Samweri 2:5

Balya ábâli yigusiri, buno bakola mu kolerana, mbu lyo balonga byo bagaalya. Si ábâli shalisiri boohe, buno bakoli yigusiri. Úshuba ngumba, keera abuta abaana balinda. Si ulya útágweti abaana bingi, akola kiguli-guuli.